[᭑᭔᭕ 145B]
᭑᭔᭕
ᬧᬸᬢ᭄ᬧᬶᬲᬦ᭄᭞ᬦᬾᬦ᭄ᬢᭂᬦ᭄ᬫᬮᬶᬄᬜᬦ᭄ᬤᬂ᭞ᬕᬮᬶᬳᬶᬦ᭄ᬧ᭄ᬓᬬᬸᬦᬦᬾ᭞ᬳᬋᬧᬾᬭᬶᬂᬳᬶᬭᬢᬸ᭞ᬓᬾᬗᬶᬦ᭄ᬩᬸᬓ᭄ᬢᬭᬳᬶᬦᬵᬯ᭄ᬗᬶ᭞ᬦᬸᬗ᭄ᬕᬶᬮ᭄ᬮᬸᬫᬳᬦ᭄᭞ᬦᬦᭂᬂᬦᬦᭂᬂᬫᬗᬸ᭞ᬗᬗᭂᬦ᭄ᬳᬶᬭᬢᬸᬓᬳᬚ᭠
ᬧ᭄᭞ᬲᬳᬦ᭄ᬢᬸᬓᬦ᭄ᬲᬸᬯᬾᬦᬾᬦ᭄ᬢᭂᬦ᭄ᬦᬳᭂᬦ᭄ᬧᬗ᭄ᬕᬶᬄ᭞ᬓᬤᬶᬗᭀᬲᬄᬫᬺᬫ᭄ᬫᬺᬫᬦ᭄᭟ᬫ᭄ᬭᬄ᭠ᬫ᭄ᬭᬸᬄᬕᬕᬸᬮᬶᬂᬫᬧᬗ᭄ᬲᬶᬂ᭞ᬫᬕ᭄ᬮᬢᬸᬭᬦ᭄᭞ᬢᬦ᭄ᬲᬯᭀᬲ᭄ᬭᬶᬂᬢᬶᬢ᭄ᬬᬂ᭞ᬭᬶᬂᬦᬗ᭄ᬓᭂᬦ᭄ᬲᬧᬸᬦᬶᬓᬦᬾ
᭞ᬓᬾᬗᬶᬦ᭄ᬧᬗ᭄ᬮᬶᬧᬹᬃᬓᬬᬸᬦ᭄᭞ᬭᬶᬂᬧᬫᬺᬫᬦ᭄ᬚᬸᬭᬸᬫ᭄ᬢᭂᬓᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬩᭂᬮᬲ᭄᭞᭠ᬤᬸᬭᬸᬲ᭄ᬢᬶᬢ᭄ᬬᬂᬢᬸᬬᬸᬄ᭞ᬚᬸᬫᬳᬦ᭄ᬧᬓᬓᬮᬶᬳᬦ᭄᭞ᬗ᭄ᬮᬶᬮᬵᬮᬶᬮᬵ᭞ᬫᬲ᭄ᬓᬸᬫᬳᬸᬩᭂᬢ᭄ᬓᭀᬭᬶ᭞
ᬢᬦ᭄ᬯᬾᬦ᭄ᬢᭂᬦ᭄ᬓᬶᬘᬾᬦ᭄ᬫᭂᬤᬮ᭄᭟ᬲᬶ᭚ᬤᬸᬄᬭᬢᬸᬲᬂᬳᬧ᭄ᬢᬶᬦ᭄ᬢᬶᬢ᭄ᬬᬂ᭞ᬬᬦ᭄ᬳᬶᬘ᭄ᬘᬕ᭄ᬮᬶᬲ᭄ᬢᬶᬜ᭄ᬚᭀᬯᬶᬦ᭄᭞ᬲᬶᬜᬢᬾᬤᬤᭀᬲ᭄ᬲᬭ᭄ᬯᬦ᭄᭞ᬲᬓᬶᬢᬾᬫᬳᬶᬫ᭄ᬩᬸᬄᬧᬮᬶᬂ᭞ᬧᬮᬶᬂᬗᬚᬓ᭄ᬳᬶᬫᬡᬶᬓ᭄᭞᭠
[᭑᭔᭖ 146A]
ᬩᬦᬾᬫᬸᬮᬢᬶᬢ᭄ᬬᬂᬭᬢᬸ᭞ᬢᬺᬱ᭄ᬡᬵᬲᬮᬶᬂᬲᬬᬗᬂ᭞ᬓᬲᭀᬄᬲᬳᬶᬫᬘᬶᬗᬓᬶᬦ᭄᭞ᬬᬦᬶᬂᬢ᭄ᬧᬸᬓ᭄᭞ᬗᬶᬫ᭄ᬩᬸᬳᬶᬦ᭄ᬓᭂᬦᭂᬄᬧᬶᬢᬺᬱ᭄ᬡᬵ᭟ᬳᬶᬗᭂᬢ᭄ᬢᭀᬂᬤᬤᬶᬳᭂᬗ᭄ᬲᬧᬂ᭞ᬢᬺᬱ᭄ᬡᬵᬦᬾᬓᬤᬸᬂᬫᬗᬶ᭠
ᬲᬶ᭞ᬓᬧᬶᬳ᭄ᬚᭀᬄᬫᬩ᭄ᬮᬲᬦ᭄᭞ᬭᬲᬜᬢ᭄ᬓᬫᬲᬦ᭄ᬤᬶᬂ᭞ᬳᬮᬸᬲ᭄ᬫᬗᬲᬶᬄᬳᬲᬶᬄ᭞ᬤᬤᬶᬲ᭠ᬬᬦ᭄ᬢᬶᬢ᭄ᬬᬂᬭᬢᬸ᭞ᬢ᭄ᬯᬭᬦᬯᬂᬧᬶᬢᬸᬗᬦ᭄᭞ᬩᬲ᭄ᬲᬗᭂᬬ᭄ᬜᬸᬲᬸᬧ᭄ᬤᬶᬳᬢᬶ᭞ᬗ᭄ᬕᬯᬾᬮᬸᬮᬸᬢ᭄᭞ᬯᬃᬡ᭄ᬦ
ᬦᬾᬲ᭄ᬤᭂᬂᬲᬬᬗᬂ᭟ᬥᬂ᭚ᬦᬾᬚᬲᬚᬧᬳᬯᬓᬦ᭄ᬫᬦᬶᬲ᭄᭞ᬫᭀᬫ᭄ᬩᬓ᭄ᬓᬶᬮᬂ᭞ᬲᬂᬤᬾᬯ᭄ᬯ᭠ᬦᬶᬂᬲᬬᬂ᭞ᬫᬾᬭᬢᬸᬭᬢᬸᬦ᭄ᬢᬶᬢ᭄ᬬᬗᬾ᭞ᬢᬦ᭄ᬲᬓᬾᬂᬢᬶᬢ᭄ᬬᬂᬍᬫᬸᬄ᭞ᬗ᭄ᬕᬳᬾᬳ᭄ᬩᬸᬦ᭄ᬫᬗᬦᬶᬲ᭄ᬫᬸᬜᬶ᭞ᬫᬾ
ᬭᬢᬸᬜᬾᬦ᭄ᬲᬶᬲᬬᬂ᭞ᬦᬾᬢᬾᬮ᭄ᬦᬾᬦᬾᬢᬸᬳᬸᬦ᭄᭞ᬜᬸᬲᬸᬧ᭄ᬓᬲᬧ᭄ᬢᬧᬢᬮᬵ᭞ᬬ᭠ᬦᬾᬗᬹᬃᬤ᭄ᬟ᭞ᬳᭀᬜᬗᬦ᭄ᬢ᭄ᬬᬂᬫᬗᬮᬶᬄ᭞ᬗ᭄ᬮᬶᬯᬢᬶᬦ᭄ᬩᬹᬃᬩ᭄ᬯᬄᬲ᭄ᬯᬄ᭟ᬤᬅ᭄ᬢᬾᬧᭂᬗ᭄ᬓᬸᬂᬢ᭄ᬯᬭᬫᬗᬸᬕᭀᬦᬶ
Kaca:Bali-lontar-gaguritan-tatuptupan-350ppi.pdf/146
Kaca puniki sampun kauji-wacén
