[᭑᭔᭙ 149B]
᭑᭔᭙
ᬦᬶᬂᬫᬗ᭄ᬕᬶᬄᬓᬤᬶᬫᬗ᭄ᬓᬶᬦ᭄᭞ᬳᬫᬸᬂᬳ᭄ᬦᬸᬗ᭄ᬮᬄᬩᬧ᭞ᬳᬶᬫᬾᬫᬾᬮᬸᬯᬲ᭄ᬗᬮᬳᬶᬦ᭄᭟ᬓᬸ᭚ᬦᬸᬚᬸᬤᬯᬸᬤᬶᬦᬢᬳᬾᬦ᭄ᬕᬓᬶᬦ᭄ᬗᭂᬢᬶᬲ᭄᭞ᬲᬗᭀᬲᬗᭀᬲᬯᬢ᭄᭞ᬲᬫ᭄ᬩᬶᬮᬂᬦᬸᬗᬤᬄᬮᬗᬶᬢ᭄
ᬫᬗᭂᬦᬄᬓ᭄ᬤᬶᬲᬾᬗᬶᬫ᭄ᬩᬂ᭟ᬲᬤ᭄ᬟᬗᬲᬩ᭄ᬫᬮᬶᬯᭂᬭᬦ᭄ᬗᬦ᭄ᬢᬶᬳᬗᬶᬦ᭄᭞ᬧᬓ᭄ᬩᬸᬭᬾᬩᬦ᭄ᬩᬦ᭄᭞ᬫᬶ᭠ᬭᬶᬩ᭄ᬩᬸᬓᬳᬮᬶᬦ᭄ᬳᬮᬶᬦ᭄᭞ᬳᬸᬮᬢ᭄ᬲ᭄ᬤᬶᬄᬫᬧᬗᭂᬦᬦ᭄᭟ᬭᬭᬶᬢᭂᬤᬸᬦ᭄ᬫᬧᬫᬶᬢ᭄ᬗ᭄ᬭᬭᬶᬲ᭄ᬗᭂᬮᬶᬂ᭞ᬭᬢᬸ᭠
ᬲᬲᬸᬳᬸᬦᬦ᭄᭞ᬲᬓᬶᬂᬫᬗ᭄ᬓᬶᬦ᭄ᬢᬶᬢ᭄ᬬᬂᬧᬫᬶᬢ᭄᭞ᬮᬸᬗ᭄ᬕᬵᬧᬘᬂᬦᬶᬗ᭄ᬕᬮ᭄ᬳᬶᬤ᭄ᬟ᭟ᬤᬸᬄᬲᬬᬂᬲᬦ᭄ᬳᬶᬭᬢᬸᬗᬦ᭄ᬢ᭄ᬬᬂᬓᬮᬳᬶᬦ᭄᭞ᬩᬦᬾᬲᬾᬱ᭄ᬢᬵᬓᬭ᭞ᬧ᭄ᬭᬚ᭄ᬜᬦ᭄ᬯᬶᬓᬦ᭄ᬫᬗᬼᬕᬦᬶᬦ᭄᭞ᬗ᭄ᬢᬸᬲ᭄ᬫᬦᬄᬓᬸᬫᬢᬺᬱ᭄ᬡᬵ
᭟ᬥᬂ᭚ᬯ᭄ᬬᬓ᭄ᬢᬶᬧᭀᬗᬄᬳᬢᬹᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬗᬢᬸᬭᬂ᭞ᬯᬶᬢ᭄ᬧᬫᬦᬄ᭠ᬢᬶᬢ᭄ᬬᬂ᭞ᬓᬤᬶᬮᬦ᭄ᬢᬸᬤ᭄ᬧᬫᬃᬕ᭄ᬕᬶᬦᬾ᭞ᬳ᭄ᬟᬵᬢ᭄ᬯᬭᬫᬗᬸᬕᬸ᭞ᬳᬶᬧᬸᬦ᭄ᬯᬦ᭄ᬢᬄᬲ᭄ᬓᬭᬶᬂᬚᬢᬶ᭞ᬭᬢᬸ
[᭑᭕᭐ 150A]
ᬧᬫᬦᬄᬢᬶᬢ᭄ᬬᬂ᭞ᬢ᭄ᬓᬯ᭄ᬓᬲ᭄ᬘᬸᬘᬸᬤ᭄᭞ᬗᬶᬲ᭄ᬢᬶᬗᬘᭂᬧ᭄ᬮᬶᬗ᭄ᬕᬶᬄᬳᬶᬤ᭄ᬟ᭞ᬚ᭄ᬭᭀᬦᬶᬂᬫᬦᬄ᭞ᬳᬓ᭄ᬤᬧ᭄ᬢᬦ᭄ᬯᬾᬦ᭄ᬢᭂᬦ᭄ᬮᬮᬶ᭞ᬳᬶᬭᬢᬸᬲᬬᬗᬂᬢᬶᬢ᭄ᬬᬂ᭟ᬲᬶ᭚ᬳᬭᬸᬄᬲᬸᬳᬸᬤ᭄ᬓᬾᬫᬘᬭ᭞ᬲᬶᬂᬓᭀ
ᬢᬶᬢ᭄ᬬᬂᬗ᭄ᬮᬄᬧ᭄ᬮᬶᬄ᭞ᬓᭂᬦ᭄ᬓᬾᬦ᭄ᬩᭂᬦ᭄ᬤᬸᬤᭀᬂᬓᬬᬂ᭞ᬫᬗ᭄ᬤᬾᬢᬶᬢ᭄ᬬᬂᬳᬸᬦᬶᬂᬲᬶᬲᬶᬧ᭄᭞ᬤᬅ᭄ᬗᬸᬩ᭄ᬤᬵᬗ᭄ᬕᬶᬄᬭᬢᬸᬗ᭄ᬕᬶᬄ᭞ᬲᬗ᭄ᬓᬦ᭄ᬫᭂᬦᭂᬂᬚ᭄ᬦᭂᬂᬚᭂᬦ᭄ᬤᬸᬮ᭄᭞ᬬᬾᬦ᭄ᬢ᭄ᬬᬂᬲᬚᬲᬮᬄ᭞ᬲᬮᬾᬤᬂᬓᬬᬸᬦ᭄ᬫᭂᬗ᭄ᬕ
ᬳᬶᬦ᭄᭞ᬩᭀᬦ᭄ᬲᬶᬩᬸᬤᬸᬄ᭞ᬗᬸᬢᬂᬳᬦᬓ᭄ᬦᬾᬲᬬᬗᬂ᭟ᬓᬸ᭚ᬢ᭄ᬯᬭᬮᬾᬦᬦ᭄ᬲᬬ᭠ᬗᬦ᭄ᬢᭂᬓᬾᬦᬶᬂᬳᬸᬭᬶᬧ᭄᭞ᬤ᭄ᬧᬶᬦ᭄ᬳᬫᬗ᭄ᬓᬶᬦᬦ᭄᭞ᬳᬲᬮ᭄ᬭᬢᬸᬓᬭᬶᬫᬾᬮᬶᬂ᭞ᬲᬶᬭᬬᭀᬕ᭄ᬬᬗ᭄ᬮᬄᬢᬶ
ᬢ᭄ᬬᬂ᭟ᬢᬶᬢ᭄ᬬᬂᬳᬶᬗᬸᬄᬤᬅ᭄ᬧᭂᬗ᭄ᬓᬸᬂᬦᬄᬗ᭄ᬕᬶᬄᬲᬳᬸᬢᬶᬦ᭄᭞ᬤᬤᬶᬫᭂᬦ᭄ᬤᭂᬧ᭄ᬧᬶᬲᬦ᭄᭞ᬚ᭄ᬦᭂᬂᬢᬦ᭄ᬧᬗᬸᬕᬸᬕᬢᬶ᭞ᬓᬾᬦ᭄ᬳᬢᬹᬃᬢᬶᬢ᭄ᬬᬂᬳᬶᬧᬸᬲᬂ᭟ᬫᬧᬸᬲᬶᬗᬦ᭄ᬧᬮᬶᬂᬗᬭᬾᬫᬶᬦ᭄ᬧᬤᬶᬤᬶ᭞ᬜᬧ᭄ᬜ᭠
Kaca:Bali-lontar-gaguritan-tatuptupan-350ppi.pdf/150
Kaca puniki sampun kauji-wacén
