[᭑᭓᭖ 136B]
᭑᭓᭖
ᬥᬂᬧᬫᬸᬧᬸᬢ᭄᭞ᬧᬶᬢ᭄ᬕᭂᬲ᭄ᬓᬓ᭄ᬘᬧ᭄ᬮᬦ᭄ᬢᬃ᭞ᬫᬾᬭᬢᬸᬤᬾᬯ᭄ᬯᬵᬕᬸᬂᬳᬶᬲ᭄ᬢ᭄ᬭᬶ᭟᭐᭚ᬢᭂᬫ᭄ᬩᬂᬲᬶᬦᭀᬫ᭄ᬳᬢᬹᬃᬢᬶᬢ᭄ᬬᬂ᭞ᬳᬗ᭄ᬕᭀᬦ᭄ᬫᬜᬭ᭄ᬯᬂᬲ᭄ᬤᬶᬄ᭞ᬲᬳᬶᬓ᭄ᬦᭂᬳᬾᬫ᭄ᬩ᭄ᬬᬧᬭ᭞ᬗ᭄ᬮᬲᬦ᭄ᬳᭀᬲᬄᬗᬢᬶᬧᬶᬢ᭄᭞
ᬢ᭄ᬯᬄᬢᬾᬫᬲᬦ᭄ᬤᬶᬗᬶᬦ᭄᭞ᬬᬤᬶᬦ᭄ᬮᬶᬬᬸᬦᬂᬦᬲᬧᬸᬢ᭄᭞ᬫᬩᬮᬶᬓ᭄ᬜᬸᬫᬶᬗ᭄ᬓᬶᬦᬂ᭞ᬧᬓᬲ᭄ᬩᬭᬫ᭠ᬜᬸᬲᬸᬧᬶᬦ᭄᭞ᬫ᭄ᬭᬄᬫ᭄ᬭᬸᬄ᭞ᬫᬶᬭᬶᬩ᭄ᬓᭂᬩᬸᬲ᭄ᬰᬰᬶᬄᬓᬨᬢ᭄᭟ᬓᬧ᭄ᬢᭂᬗᬦ᭄ᬫᬦᬄᬢᬶᬢ᭄ᬬᬂᬢᬸᬗ᭄ᬕᬮ᭄ᬳᬶᬗᭂᬢ᭄ᬓᬾ
ᬦ᭄ᬳᬶᬫᬦᬶᬓ᭄᭞ᬧᬓᬺᬗᬶᬦ᭄ᬦᬍᬲ᭄ᬳᬗ᭄ᬓᬶᬳᬦ᭄᭞ᬲᬫᬗ᭄ᬤᬾᬦᬾᬲᬶᬮᬶᬩ᭄ᬲᬶᬫ᭄ᬧᬶᬃ᭞ᬭᬾᬄᬧᬸᬍᬲᬂᬢᭀᬂᬤᬤᬶ᭞ᬓᬤᬸᬂᬲᬸᬩᬧᬮᬶᬂᬮᬶᬗ᭄ᬮᬸᬂ᭞ᬍᬂᬍᬂᬫᬗᬚᬧ᭄ᬢᬯᬂ᭞ᬢᭀᬂᬤᬤᬶᬗᭂᬗ᭄ᬲᬧ᭄ᬳᬯᬳᬶ᭞ᬮᬶᬦ᭄ᬢᬂᬲᭂᬗ᭄ᬓᬵᬦᬄ
ᬲᬸᬩᬢ᭄ᬓᬳᬦᬂ᭟ᬓᬸ᭚ᬳᬶᬗ᭄ᬕᬶᬄᬭᬢᬸᬤᬾᬯ᭄ᬯᬵᬕᬸᬂᬢᬶᬢ᭄ᬬᬂᬧᬸᬦᬶᬓᬶ᭞ᬜᬸᬲᬸᬧ᭄ᬫᬲᬶᬮᬸᬫᬦ᭄᭞ᬫᬯᬲ᭄ᬢᬵᬳᬶᬮᬬᬂᬧᬢᬶ᭞ᬲᬸᬫᬥ᭄ᬬᬭᬯᬸᬄᬫ᭄ᬬᬶᬯᬶᬢ᭄ᬣ᭟ᬲᬓᬾᬂᬚᬢᬶᬲᬸᬰ᭄ᬭᬸᬲᬩᬓ᭄ᬢᬶᬳᬲ᭄ᬢᬶ᭠
[᭑᭓᭗ 137A]
ᬢᬶ᭞ᬘᬸᬘᬸᬤ᭄ᬫᬦᬋᬓᬦ᭄᭞ᬳᬶᬗ᭄ᬕᬶᬄᬚᬤ᭄ᬯᬵᬕᬸᬂᬲ᭄ᬯᬾᬘᬦᬶᬦ᭄᭞ᬳᬶᬮᬬᬂᬧᬢᬶᬗᬢ᭄ᬧᬤ᭄ᬟ᭟ᬗ᭄ᬕᬶᬄᬧᬸᬦᬶᬓᬶᬧᬯᭀᬲᬶᬦ᭄ᬭᬢᬸᬧᬩ᭄ᬘᬶᬓ᭄᭞ᬳᬢᬸᬭᬾᬳᬶᬮᬭ᭞ᬮᬭᬩᬳᬦ᭄ᬢᬶᬢ᭄ᬬᬂᬗᬧ᭄ᬢᬶ᭞ᬦᬸᬦᬲ᭄ᬮᬾᬤᬂᬧᬓᬬᬸ
ᬦᬦ᭄᭟ᬓᬸ᭚ᬬᬾᬦ᭄ᬳᬗ᭄ᬕᬦᬶᬂᬳᬫ᭄ᬩᬸᬮ᭄ᬩᬸᬗᬦ᭄ᬢᬸᬜ᭄ᬚᬸᬂᬫᬶᬳᬶᬓ᭄᭞ᬤᬶᬢ᭄ᬗᬄᬲᬕᬭ᭞ᬤᬶᬕᬶᬮᬶᬫ᭠ᬲᬸᬢᭂᬃᬤ᭄ᬯᬶ᭞ᬤᬶᬲᬵᬫ᭄ᬧᬶᬗᬾᬩ᭄ᬯᬬᬕᬮᬓ᭄᭟ᬬᬾᬦ᭄ᬮᬮᬸᬯᬂᬫᬘ᭄ᬩᬸᬃᬳᬗᬶᬦᬾᬢᬭᬶᬓ᭄᭞ᬓᬓ᭄ᬬᬦᬾᬫᬜ
ᬤᬂ᭞ᬮᭀᬫ᭄ᬩᬮᭀᬫ᭄ᬩᬦᬾᬫᬗᬦ᭄ᬢᬶ᭞ᬳᭀᬫ᭄ᬩᬓ᭄ᬕᭂᬤᬾᬫᬧᬸᬲᬶᬗᬦ᭄᭟ᬲᬗ᭄ᬓᬅ᭄ᬧᬬᬸᬢ᭄ᬬᬂᬓᬾᬦᬾᬩᬸᬓᬚᬦᬶ᭞ᬳᬸᬬᬂᬫᬳᬸᬬᭂᬗᬦ᭄᭞ᬩᬸᬤᬸᬄᬲᬸᬳᬸᬗᬾᬓᬲᬶᬳᬶᬦ᭄᭞ᬳᬶᬮᬶᬂᬭᬲᬗᬶᬭᬶᬂᬳᬶᬤ᭄ᬟ᭟ᬧᬂ
᭚ᬭᬢᬸᬧᬸᬦᬶᬓᬶᬧᬶᬋᬗᬂ᭞ᬳᬢᬹᬃᬢᬶᬢ᭄ᬬᬂᬫᬸᬗ᭄ᬕᬸᬄᬭᬶᬂᬓᬭᬲ᭄ᬳᬮᬶᬢ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬫᬶᬂᬢᬸᬳᬸ᭞ᬧᬶᬢᬺᬱ᭄ᬡᬵᬓᬾᬦ᭄ᬳᬶᬫᬶᬭᬄ᭞ᬯᬦ᭄ᬢᬄᬳᬶᬤ᭄ᬟᬮᬶᬗ᭄ᬕᬬᬂᬢᬶᬢ᭄ᬬᬂᬤᬶᬓᬶᬤᬸᬂ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬩᬸᬗᬦ᭄ᬫᬦᬄ᭞᭠
Kaca:Bali-lontar-gaguritan-tatuptupan-350ppi.pdf/137
Kaca puniki sampun kauji-wacén
