[᭑᭓᭕ 135B]
᭑᭓᭕
ᬗ᭄ᬕᬦᬓᬾᬦᬂ᭟ᬧᬂ᭚ᬤᬸᬄᬭᬢᬸᬳᬢ᭄ᬫᬚᬶᬯᬶᬢ᭄ᬣ᭞ᬫᬸᬧᬸᬮᬦ᭄ᬲᬭ᭄ᬯᬦᬶᬂᬍᬯᬶᬄ᭞ᬧᬢᬫ᭄ᬩᬸᬦᬦ᭄ᬫᬦᬶᬲ᭄ᬫᬸᬮᬸᬓ᭄᭞ᬲᬺᬗ᭄ᬕᬭᬯᬶᬘᬓ᭄ᬱᬡ᭞ᬢᬫᬾᬂᬭᬭᬲ᭄᭞ᬩᬶᬲᬫᬗᬸᬮᬦᬶᬦ᭄ᬓᬬᬸᬦ᭄᭞ᬤᬸᬯᭂᬕ᭄ᬫ
ᬗᬮᬶᬧᬸᬃᬧᬸᬲᬂ᭞ᬢᭀᬳᬯᬦᬦ᭄ᬢᬶᬢ᭄ᬬᬂᬧᬸᬲᬶᬂ᭟᭐᭚ᬫᬲ᭄ᬓᬸᬫᬫ᭄ᬩᬂᬓᬾᬦ᭄ᬓᬾᬦ᭄ᬢᬶᬢ᭄ᬬᬂᬧᬋᬓ᭄ᬫ᭄ᬭᬶᬓᬶ᭞ᬫᬗᬢᬸᬭᬂᬲᬸᬭᬵᬢ᭄᭞ᬫᬯᬢᬳᬶᬢᬜ᭄ᬚᬸᬂᬲᬵᬭᬷ᭞ᬧᬘᬂᬓᬵᬢᬹᬃᬢ᭄ᬓᬾᬦ᭄ᬳᬶᬤ᭄ᬟ᭟᭐᭚ᬕᬶᬦ᭠
ᬦ᭄ᬢᬶᬳᬗ᭄ᬕᬾᬦ᭄ᬧᬗ᭄ᬯᬹᬯᬸᬄ᭞ᬧᬫᬍᬲ᭄ᬲᬸᬭᬵᬢᬾᬳᬶᬩᬶ᭞ᬭᬢᬸᬲᬵᬫ᭄ᬧᬸᬦ᭄ᬓᬧ᭄ᬭᬢ᭄ᬬᬓ᭄ᬱ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬫᬦᬳᬶᬦ᭄᭞ᬢ᭄ᬯᬶᬢ᭄ᬯᬄᬳᬦᬓ᭄ᬯᬶᬤᬕ᭄ᬟ᭞ᬯᬶᬯᬾᬓᬢᬹᬃᬘ᭄ᬝᬾᬂᬓᬯᬶ᭟᭐᭚ᬢᭂᬫ᭄ᬩᬂᬥᬂᬥᬂᬳᬭᬄ
ᬳᬶᬗᬸᬄᬗᬯᬶ᭞ᬓ᭄ᬦᭂᬄᬩᬶᬫ᭄ᬩᬂ᭞ᬢᭂᬫ᭄ᬩᬂᬭᬭᬫ᭄ᬧᬸᬢᬦ᭄᭞ᬳᬫ᭄ᬧᬸᬭᬳᬢᬹᬃᬢᬶᬢ᭄ᬬᬗᬾ᭞ᬲᬫ᭄ᬩᭂᬦ᭄ᬧᬶᬢᬸᬗᬦ᭄ᬳᬶᬗᬸᬄ᭞ᬢᬦ᭄ᬧᬢᬗ᭄ᬕᬸᬢ᭄ᬯᬭᬫᬢ᭄ᬧᬶ᭞ᬲᬶᬂᬓᬭ᭄ᬯᬦ᭄ᬫᬕᬶᬮᬶᬳᬦ᭄᭞ᬤᭂᬓ᭄ᬤᭂᬓ᭄ᬩᬸᬢ᭄ᬜᬭᬸᬩᬸᬢ᭄᭞ᬫᬫᬸᬮ᭠
[᭑᭓᭖ 136A]
ᬗ᭄ᬲᬃᬤᬶᬧ᭄ᬤᭂᬫᬦ᭄᭞ᬬᬦ᭄ᬲᬭ᭄ᬯᬂ᭞ᬩᬗᬸᬦ᭄ᬢᬶᬦ᭄ᬤᬓᬦᬾᬧᬮᬶᬂ᭞ᬕᭂᬩ᭄ᬬᬕ᭄ᬕᭂᬩ᭄ᬬᬸᬕᬾᬜᬧ᭄ᬜᬧ᭄᭟ᬫᬦᬶᬲᬼᬍᬄᬜᭂᬜᭂᬃᬭᬢᬸᬫᬡᬶᬓ᭄᭞ᬗᬶᬘᬾᬦ᭄ᬲᬸᬭᬵᬢ᭄᭞ᬧᬬᬸᬢ᭄ᬬᬂᬳᬸᬬᬂᬩᬦ᭄ᬫᬦᬶᬲ᭄ᬫᬸᬜᬶᬦ᭄ᬢᬸᬮᬶᬲᬾ᭞ᬢᬸ
ᬳᬸᬧ᭄ᬭᬢᬫᬾᬭᬸᬫ᭄ᬭᬸᬫ᭄᭞ᬚᬬᬾᬂᬢᬶᬮᬫ᭄ᬲᬺᬗ᭄ᬕᬭᬫᬦᬶᬲ᭄᭞ᬩᬬᬢᬸᬯᬶᬦᬧ᭄ᬭᬚ᭄ᬜᬦ᭄᭞ᬤᬾᬯᬦᬶᬂᬓᬮᬗᬸᬦ᭄᭞ᬗᬸᬮᬗᬸᬦᬶᬦ᭄ᬫᬦᬄᬢᬶᬢ᭄ᬬᬂ᭞ᬲᬵᬭᬷᬦ᭄ᬢᭂᬫ᭄ᬩᬂ᭞ᬳᭂᬗ᭄ᬓᬮᬂᬤᬶᬤᬗ᭄ᬤᬂᬗᬯᬶ᭞ᬫᬸᬜᬶᬦᬾᬫ᭄ᬕᬢ᭄ᬫᭂ᭠
ᬕᬢ᭄᭟᭐᭚ᬳᬶᬧᬗ᭄ᬓᬹᬃᬧᬸᬦᬶᬓᬶᬢᬶᬢ᭄ᬬᬂ᭞ᬫᬗᬳᬸᬮᬵᬫᬋᬓᬦ᭄ᬲᬓᬶᬂᬳᬮᬶᬢ᭄᭞ᬮᬶᬦ᭄ᬢᬂᬢᬫ᭄ᬩᭂᬢ᭄ᬩᬮᬶᬄᬧᭂᬗ᭄ᬓᬸᬂ᭞ᬢᬍᬃᬳᬸᬕᬶᬓᬳᬾᬫᬦ᭄᭞ᬫᬳᬯᬶᬦᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬓᬳᬸᬢᬸᬲ᭄᭞ᬫᬫᬋ
ᬓ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬜᬸᬲᬸᬧ᭄ᬭᬶᬂᬓᬶᬤᬸᬂᬧᬸᬦᬶᬓᬶ᭟ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬧᬯᬘᬦᬵ᭞ᬫᬸᬗ᭄ᬕ᭄ᬯᬶᬂᬲᬸᬭᬵ᭠ᬢ᭄ᬧᬗᬭᬂᬜᬸᬜᬸᬃᬫᬦᬶᬲ᭄᭞ᬫᬢᭂᬫ᭄ᬩᬂᬓᬸᬫᬫ᭄ᬩᬂᬧᬗ᭄ᬓᬸᬃ᭞ᬮᬕᬸᬦᬾᬢᬶᬕᬂᬧᬲᬮ᭄᭞ᬩᬦ᭄ᬩᬦ᭄ᬳᬮᬸᬲ᭄ᬕᬶᬦᬦ᭄ᬢᬶᬥᬂ
Kaca:Bali-lontar-gaguritan-tatuptupan-350ppi.pdf/136
Kaca puniki sampun kauji-wacén
