[᭑᭓᭔ 134B]
᭑᭓᭔
ᬗᬺᬢ᭄ᬫᬦᬄᬫ᭄ᬭᬲᬢᬸᬬᬸᬄ᭞ᬩᬦᬾᬢ᭄ᬯᬭᬜᬶᬤ᭄ᬟᬬᬂ᭞ᬢᬶᬢ᭄ᬬᬂᬧᬗ᭄ᬓᬄ᭞ᬧᬋᬓ᭄ᬫᬢᬹᬃᬭᬶᬂᬳᬶᬭᬢᬸ᭞ᬯᬶᬭᬾᬄᬕ᭄ᬦᬄᬳᬶᬤ᭄ᬟᬲᭂᬗ᭄ᬓ᭞ᬫᬦᭀᬗᭀᬲ᭄ᬤᬶᬩᬮᬾᬳᬮᬶᬢ᭄᭟ᬧᬂ᭚ᬭᬢᬸᬢᬶᬢ᭄ᬬᬂᬫᬢᬸᬢᬸᬭ᭠
ᬦ᭄᭞ᬳᬶᬩᬶᬲᬵᬜ᭄ᬚᬢ᭄ᬬᬂᬮ᭄ᬯᬲ᭄ᬫᬮᬮᬶ᭞ᬓᬳᬸᬚᬸᬂᬫᬶᬲᬤ᭄ᬬᬫᬦ᭄ᬤᬸᬲ᭄᭞ᬦ᭄ᬕᬓᬶᬦ᭄ᬫᭀᬢᬶᬃᬧᭂᬃᬮᬫ᭄᭞ᬳᬗᬶᬂᬢ᭄ᬯᬭᬧᬢᬶᬮ᭄ᬕᬢᬶᬢ᭄ᬬᬂᬭᬢᬸ᭞ᬩᬦᬾᬳᬸᬲᬶᬂᬗᬚᬓ᭄ᬳᬶᬤ᭄ᬟ᭞ᬫᬓ᭄ᬭᬡᬗ᭄ᬭᬭᬦ᭄ᬢᬸᬦ᭄ᬕᬢᬶ᭟ᬦᬾ᭠
ᬢ᭄ᬬᬂᬫᬳᬂᬕᬧ᭄ᬕᬧᬦ᭄᭞ᬲᬸᬢ᭄ᬭᬕᬤᬂᬢ᭄ᬓᬾᬦ᭄ᬩᬸᬗᬳᬓᬢᬶᬄ᭞ᬳᬢᬸᬭᬂᬢ᭄ᬬᬂᬓᬾᬦ᭄ᬭᬢᬸ᭞ᬘᬶᬳ᭄ᬦ᭠ᬦ᭄ᬢ᭄ᬬᬗᬾᬮ᭄ᬯᬲ᭄᭞ᬲᬓᬾᬯᬮᬳᬫ᭄ᬧᬸᬭᬬᬂᬢᬶᬢ᭄ᬬᬂᬭᬢᬸ᭞ᬩᬸᬂᬳᬲᬭᬸᬦᬶᬓᬸᬲᬸᬳᬦ᭄᭞ᬳᬗ᭄ᬕᭀᬦ᭄ᬢ᭄ᬬᬂ
ᬫᬓᬘᬶᬭᬶ᭟ᬥᬂᬫ᭚ᬮ᭄ᬯᬲ᭄ᬧ᭄ᬢᭂᬂᬲᬫ᭄ᬩᬶᬮᬂᬫᬮᬮᬶ᭞ᬫᬳᬶᬍᬳᬦ᭄᭞ᬓᬢ᭄ᬧᬸᬓ᭄ᬱᬸᬤᬕᬃᬤᬶ᭠ᬢᬸᬤᬶᬲᬵᬫ᭄ᬧᬶᬂᬢᭀᬓᭀᬦᬾ᭞ᬫᬳᬤᬦ᭄ᬦᭀᬦᬳᬬᬸ᭞ᬧᬦ᭄ᬢᭂᬲ᭄ᬳᬶᬧᬸᬦ᭄ᬫᬧᬸᬧᬹᬃᬧᬸᬢᬶᬄ᭞ᬳᬚᬾᬃᬳᬶᬧᬸᬦ᭄ᬜᬶ
[᭑᭓᭕ 135A]
ᬗ᭄ᬕᬳᬂ᭞ᬭᬢᬸᬳᬦᬓᬕᬸᬂ᭞ᬗᬶᬭᬶᬂᬓᬢᭀᬓᭀᬫᬸᬗ᭄ᬕᬳᬦ᭄᭞ᬦᬧᬶᬢᬸᬫ᭄ᬩᬲ᭄᭞ᬜᬦᬦ᭄ᬳᬸᬗᬶᬬᬦ᭄ᬓᬧᬸᬭᬶ᭞ᬩᬲ᭄ᬓᬭᬶᬕᬮᬂᬩᬸᬮᬦ᭄᭟᭐᭚ᬕᬶᬦᬦ᭄ᬢᬶᬭᬢᬸᬓᬳᬸᬢᬸᬲ᭄᭞ᬓᬾᬦ᭄ᬓᬾᬦᬂᬢᬶᬢ᭄ᬬᬂᬫ
ᬭᬶᬓᬶ᭞ᬧᬋᬓ᭄ᬫᬗᬢᬸᬭᬂᬲᬸᬭᬵᬢ᭄᭞ᬧᬶᬦᬓᬵᬧᬗᬾᬮᬶᬂᬗᬾᬮᬶᬂ᭞ᬗᬢᬸᬭᬂᬩ᭄ᬯᬢ᭄ᬓᬩ᭄ᬯᬢᬦ᭄᭞ᬫᬗ᭄ᬤᬳᬶᬤ᭄ᬟᬢᬢᬲ᭄ᬳᬸᬦᬶᬂ᭟᭐᭚ᬫᬲ᭄ᬓᬸᬫᬫ᭄ᬩᬂᬫᬸᬗ᭄ᬕᬸᬄᬫᬓᬮᬶᬗ᭄ᬕᬕᬸᬲ᭄ᬢᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬄ᭞ᬢᬦ᭄ᬧ᭄ᬕᬢ᭄ᬭ
ᬲ᭄ᬢᬶ᭞ᬩᬶᬲᬜᬸᬢᬶᬭᬸᬧ᭞ᬫᬦ᭄ᬤᬤᬶᬧᬓ᭄ᬱᬶᬦᬾᬳᬮᬶᬢ᭄᭞ᬫᬜᬸᬲᬸᬧ᭄ᬫᬗᬮᬶᬄᬳᬶᬤ᭄ᬟ᭟ᬬᬤᬶᬦ᭄ᬲᬯᬢ᭄ᬓᬶᬤᭂᬭᬶᬦ᭄ᬲ᭄ᬕᬭᬕᬶᬭᬶ᭞ᬤᬹᬃᬕ᭄ᬕᬫᬦᬶᬂᬮᬫ᭄ᬧᬄ᭞ᬧᬶᬘ᭄ᬓᭂᬢ᭄ᬳᬗ᭄ᬕᬾᬦ᭄ᬦᬶᬜ᭄ᬚᭀᬯᬶᬦ᭄᭞ᬳᬾᬮᬶᬗᬾᬳ
Kaca:Bali-lontar-gaguritan-tatuptupan-350ppi.pdf/135
Kaca puniki sampun kauji-wacén
