[᭑᭓᭗ 137B]
᭑᭓᭗
ᬫᬦᬳᬦᬂᬫᬦᬄᬲ᭄ᬤᬶᬄ᭟ᬧᬂ᭚ᬳᬭᬄᬳᬶᬗᬸᬄᬧᬶᬲᬦ᭄ᬧᬶᬲᬦ᭄᭞ᬳᬭᬸᬄᬫᬶᬦ᭄ᬤᬄᬢᭀᬂᬫᬫ᭄ᬧᬸᬄᬫᬦᬳᭂᬦᬶᬦ᭄᭞ᬬᬾᬗᬸᬤ᭄ᬟᬲᬬᬦ᭄ᬫᬯᬸᬯᬸᬄ᭞ᬓ᭄ᬦᭂᬄᬢ᭄ᬬᬗᬾᬳᬸᬲᬓ᭄᭞ᬚᭂᬚᭂᬄᬓᭂᬦ᭄ᬤᭂᬮᬼᬕ
ᬦᬾᬫᬳᬦ᭄ᬓᬢ᭄ᬧᬸᬓ᭄᭞ᬳᬗᬶᬂᬫᬭᬢ᭄ᬓᭂᬤ᭄ᬚᬸᬫᬄ᭞ᬳᬶᬲᬓᬶᬢ᭄ᬩᬬᬸᬫᬫᬹᬃᬢ᭄ᬢᬶ᭟ᬢ᭄ᬯᬭᬮᬾᬦ᭄ᬫᬸᬗ᭄ᬕᬸᬄᬭᬶᬂᬫᬦᬄ᭞ᬭᬢᬸᬳ᭄ᬫᬲ᭄ᬲᬂᬓᬤᬶᬳ᭄ᬬᬂᬦᬶᬂᬧᬸᬭᬶ᭞ᬳᬾᬯᭂᬄᬧᬶᬲᬦ᭄ᬢᬶᬢ᭄ᬬᬂᬭᬢᬸ᭞ᬦᬸᬗ᭄ᬓᬸᬮᬂᬓ᭄ᬦᭂᬄᬭᬸᬫ᭄ᬩᬂ᭞᭠
ᬮᬶᬫᬗ᭄ᬚᭂᬃᬩᬢᬶᬲ᭄ᬳᭂᬜᭂᬫ᭄ᬤᬮᬶᬫᬸᬄ᭞ᬓᬵᬦ᭄ᬢᬓᬢ᭄ᬓᬫᬫ᭄ᬭᬢ᭄᭞ᬓᬦ᭄ᬢᬶᬳᬸᬲᬶᬂᬫᬫ᭄ᬧᬸᬄᬦᬸᬮᬶᬲ᭄᭟ᬥᬂ᭚ᬓᭂᬲ᭄ᬬᬩ᭄ᬩᭂᬗᭀᬂᬫᬸᬮᬶᬄᬢᬶᬦ᭄ᬤᬓ᭄ᬓᬤᬢ᭄᭞ᬲᬗᬸᬲᬗᬸᬲᬯᬢ᭄᭞ᬢᬸ
ᬬᬸᬄᬢᬶᬢᬶᬃᬢᬸᬳᬦᬾ᭞ᬭᬲᬜᬩᬋᬂᬦᬸᬢᬸᬕ᭄᭞ᬓ᭄ᬟᬾᬓ᭄ᬓᭂᬤᬾᬓ᭄ᬩᬳᬦ᭄ᬗ᭄ᬮᬯᬦᬶᬦ᭄᭞ᬧᬚᬮᬦ᭄ᬫᬲ᭄ᬮᭀᬲᭀᬯᬦ᭄᭞ᬦ᭄ᬕᬓ᭄ᬫ᭄ᬭᬄᬫ᭄ᬭᬸᬄ᭞ᬫᬸᬮᬶᬳᬦ᭄ᬫᭂᬤᭂᬫ᭄ᬫᭂᬤᭂᬫᬦ᭄᭞ᬫᬲᬶᬄᬲᬬᬦ᭄᭞ᬦᬸᬜᬸ᭠
[᭑᭓᭘ 138A]
ᬲᬸᬧ᭄ᬓᬳᬸᬮᬸᬦ᭄ᬳᬢᬶ᭞ᬧᬸᬍᬲ᭄ᬳᬗ᭄ᬕᭀᬦ᭄ᬳᬶᬧ᭄ᬬᬦ᭄᭟ᬕᬶ᭚ᬫᬾᬭᬢᬸᬦ᭄ᬢ᭄ᬬᬗᬾᬭᬢᬸ᭞ᬓ᭄ᬜᬫ᭄ᬩᭀᬅ᭄ᬜᬭᬸᬯᬂᬲ᭄ᬤᬶᬄ᭞ᬩᬲ᭄ᬓᬮ᭄ᬩᬶᬄᬗᬶᬘᬾᬦ᭄ᬲᬸᬭᬵᬢ᭄᭞ᬢᭀᬂᬩ᭄ᬮᬶᬳᬦ᭄ᬓᬾᬦ᭄ᬳᬘᬭᬶᬓ᭄᭞ᬢᬹᬃᬫᬦᬶᬂᬯ᭄ᬓᬲᬶᬂ
ᬓᬤᬢ᭄᭞ᬩᬸᬮᬓ᭄ᬩᬮᬶᬓᬂᬧᬘᬳᬶᬦ᭄᭟ᬩᬢᭂᬓ᭄ᬦᭂᬄᬲᬸᬳᬸᬂᬲᬫᬸᬦ᭄᭞ᬩᬸᬲᬦ᭄ᬩᬤᬶᬗᬂᬳ᭄ᬦᭀᬢᬶᬦ᭄᭞ᬯᬶᬭᬾᬄᬳᬫ᭄ᬩᬸᬮ᭄ᬫᬳᭂᬮ᭄ᬳᬧ᭞ᬲᬗ᭄ᬓᬦ᭄ᬢᭀᬂᬳ᭄ᬫᭂᬤ᭄ᬗᭂᬦᭀᬢᬶᬦ᭄᭞ᬫᬾᬭᬢᬸᬳᬫ᭄ᬧᬸᬭᬢᬶᬢ᭄ᬬᬂ᭞ᬳ
ᬢᬹᬃᬧᬗᬯᬶᬦᬾᬧᬮᬶᬂ᭟᭐᭚ᬫᬗᬼᬧᬬᬂᬢᬶᬢ᭄ᬬᬂᬳᬶᬥᬂᬥᬂᬧᬮᬶᬂ᭞ᬫᬲᬸᬲᬸᬧᬦ᭄᭞ᬭᬶᬂᬓᬶᬤᬸᬂᬧᬗᬭᬂ᭞ᬜᬶᬮᬸᬫᬦ᭄ᬭᬶᬂᬋᬋᬧᬶᬦᬾ᭞ᬳᬶᬗ᭄ᬕᬶᬄᬭᬢᬸᬤᬾᬯ᭄ᬯᬵᬕᬸᬂ᭞ᬮ᭄ᬕᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞
ᬭᬯᬸᬄᬫᬭᬶᬓᬶᬗᭂᬦᬄ᭞ᬲᬤᬯᭂᬕ᭄ᬳᬶᬧᬗ᭄ᬓᬹᬃ᭞ᬫᬋᬓ᭄ᬲᬋᬂᬳᬶᬓᬸᬫᬫ᭄ᬩᬂ᭞ᬭᬢᬸᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬶᬘᬾᬦ᭄ᬜᬋᬗᬶᬂ᭞ᬦᬗ᭄ᬓᬶᬮ᭄ᬘᭀᬓᭀᬃᬳᬶᬤᬾᬯ᭄ᬯ᭟ᬳᬶᬗ᭄ᬕᬶᬄᬭᬢᬸᬳᬦᬓᬕᬸᬂᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬᬂ
Kaca:Bali-lontar-gaguritan-tatuptupan-350ppi.pdf/138
Kaca puniki sampun kauji-wacén
