[᭑᭐᭙ 109B]
᭑᭐᭙
ᬦᬫᬶᬳᬶᬓ᭄᭞ᬓ᭄ᬜᭂᬓᬦ᭄ᬧᬥ᭄ᬟᬓᭂᬫ᭄ᬩᬂ᭞ᬳᬃᬫ᭄ᬩᬯ᭄ᬯᬫᬢᬸᬭᬸᬢ᭄᭞ᬤᬶᬲᬶᬲᬶᬫᬗᬯᬶᬢ᭄ᬫᬃᬕ᭄ᬕᬵ᭞ᬫ᭄ᬮᬄᬗᬫ᭄ᬩ᭄ᬬᬃᬫᬚᬚᬃᬳᬦᬸᬢ᭄ᬫᬧᬶᬦ᭄ᬢᬶ᭞ᬧᬃᬡ᭄ᬦᬫᬶᬭᬶᬩ᭄ᬗᬦ᭄ᬤᭂᬕᬂ᭟ᬭᬢᬸᬤ᭄ᬯᬕᬸᬂᬤᭀᬂᬫᬭᬶᬓᬶᬳᬓ᭄ᬱᬶ᭞ᬳᬮᬧ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂ
ᬗᬶᬭᬶᬂᬩᬸᬤᬮ᭄᭞ᬓᬾᬢᭀᬧᬦ᭄ᬢᭂᬲ᭄ᬧᬫᬸᬜᬶᬦᬾ᭞ᬫᬦ᭄ᬭᬭᬶᬲ᭄ᬢᬶᬢ᭄ᬬᬂᬢ᭄ᬤᬸᬦ᭄᭞ᬤᬶᬧᬲᬗ᭄ᬕ᭄ᬭᬦ᭄ᬫ᭠ᬮᬮᬶᬮᬮᬶ᭞ᬲᬫ᭄ᬩᬶᬮᬂᬗᬮᬧ᭄ᬩᬸᬗᬵ᭞ᬤᬤᬶᬩᬸᬓᬤᬸᬤᬸᬢ᭄᭞ᬲᬸᬫᬗ᭄ᬓᬶᬦ᭄ᬳᬮᬄᬧᬸᬢᭂᬭᬂ᭞ᬮᬸᬤᬶᬦ᭄ᬳᬸᬚᬦ᭄᭞ᬳᬶ
ᬗᭂᬢ᭄ᬗᬩᬵᬢ᭄ᬩᭀᬫᬶᬳᬶᬓ᭄᭞ᬤᬾᬫ᭄ᬧᭀᬦᬾᬓᬦᬸᬤᬸᬗᬂ᭟ᬯᬶᬭᬾᬄᬳᭀᬃᬫᬢ᭄ᬳᬗ᭄ᬕᭀ᭠ᬦ᭄ᬲᬗᬸᬫᬸᬮᬶᬄ᭞ᬭᬸᬫᬲᬢᬂ᭞ᬢ᭄ᬯᬭᬮᭀᬕᬲ᭄ᬗᭂᬚᬂᬳᬧᬂᬲᬭᬸᬯᬦ᭄ᬳᬶᬗᬸᬳᬾ᭞ᬫᬲᬶᬄᬲᬬᬦ᭄ᬫᬧᬸᬧᬸᬮ᭄
᭞ᬫᬦᬄᬢᬶᬢ᭄ᬬᬂᬲᬵᬢ᭄ᬲᬢ᭄ᬧ᭄ᬢᬸᬳᬾᬮᬶᬂ᭞ᬳᬾᬮᬶᬂᬭᬶᬂᬲᬶᬗ᭄ᬳᬵᬭᬵᬚ᭞ᬫᬗᬶᬭᬶᬂᬳᬶᬭᬢᬸ᭞ᬳᬫ᭄ᬦᬶ᭠ᬢ᭄ᬢᭀᬂᬤᬤᬶᬳᭂᬗ᭄ᬲᬧ᭄᭞ᬭᬭᬲ᭄ᬫᬸᬗ᭄ᬕᬄ᭞ᬓᬫᭀᬢᭀᬭᬾᬤᬲ᭄ᬫᬫᬵᬃᬕ᭄ᬕᬶ᭞ᬫᬯᬮᬶᬗᬧᬸᬗ᭄ᬓᬸᬃᬭᬂ᭚᭐
[᭑᭑᭐ 110A]
᭚ᬢᬦ᭄ᬫᬭᬶᬢᭀᬂᬤᬤᬶᬧᬲᬄ᭞ᬫᬓᬦ᭄ᬫᬸᬮ᭄ᬤᬾᬫ᭄ᬧᭀᬦᬾᬲᬦᬾᬫᬶᬳᬶᬓ᭄᭞ᬢᬶᬲ᭄ᬢᬶᬲᭂᬦ᭄ᬬᬤ᭄ᬬᬧᬶᬦ᭄ᬩᭂᬮᬸᬲ᭄᭞ᬢ᭄ᬯᬭᬮᬕ᭄ᬲ᭄ᬗᭂᬮᬾᬩᬂ᭞ᬳᬗ᭄ᬕᭀᬦ᭄ᬲᬤ᭄ᬲᬤ᭄᭞ᬬᬾᬄᬫᬢᬺᬧᬦᬸᬤ
ᬦ᭄ᬳᬶᬩᬸᬓ᭄᭞ᬯᬶᬭᬾᬄᬳᭀᬃᬫ᭄ᬫᬢ᭄ᬓᬲᬸᬓ᭄ᬱ᭄ᬫᬵ᭞ᬓᬲᬸᬓ᭄ᬱ᭄ᬫᬦ᭄ᬲᬂᬫᬗᭀᬃᬫᬢᬶᬦ᭄᭟᭐᭚ᬧᬂ᭚ᬳᬯᬓᬾᬜᬬᬗᬂᬳ᭄ᬬᬂ᭞ᬦᬄᬓᬾᬳᬓᬸᬤ᭄ᬟᬜᭂᬦ᭄ᬫᬓ᭄ᬮᭀᬫᬸᬮᬶᬄ᭞ᬯᬢᭂᬲ᭄ᬳᬗᬦ᭄ᬫᬓᬢ᭄ᬮᬸᬓ᭄
᭞ᬳᬯᬓᬾᬗᬮᬳᬶᬦ᭄ᬳ᭄ᬬᬂ᭞ᬳᬭᬄᬳᬶᬗᬸᬄᬓᬾᬦᬾᬳ᭄ᬬᬂᬲᬸᬳᬸᬂᬕᬫ᭄ᬧᬸᬂ᭞ᬮᬸᬤᬶᬦ᭄ᬦᬸᬯᬸᬄ᭠ᬫᬧᬗᭂᬦᬦ᭄᭞ᬫᬗᭂᬦᬂᬳᬯᬓᬾᬤᬶᬦᬶ᭟ᬤᭀᬂᬚᬲᬦᬶᬂᬳ᭄ᬬᬂᬫᭀᬓᬓ᭄᭞ᬢᬢ᭄ᬯᬶᬬᬦ᭄ᬲᬶᬂᬚᬗᬫ
ᬦᬶᬲ᭄ᬫᬸᬜᬶ᭞ᬢ᭄ᬓᬤᬤᬶᬢᬦ᭄ᬧᬗᬸᬕᬸ᭞ᬗᭀᬭᬳᬂᬳᬯᬓ᭄ᬩᬶᬦᬵ᭞ᬫ᭄ᬮᬚᬄᬘᬫ᭄ᬧᬄ᭞ᬤᭀᬂᬤᬶᬳᬯᬓ᭄ᬳᬗ᭄ᬕᭀᬦ᭄ᬢᭂᬦᬸᬂ᭞ᬢ᭄ᬯᬭᬩᬶᬦ᭄ᬲ᭄ᬟᭂᬂᬢᬓᭀᬦᬂ᭞ᬓᬾᬦ᭄ᬓᬾᬦ᭄ᬤᬶᬢᬸᬓᬾᬢᭀᬤᬶᬦᬶ᭚᭜᭚
Kaca:Bali-lontar-gaguritan-tatuptupan-350ppi.pdf/110
Kaca puniki sampun kauji-wacén
