[᭑᭐᭘ 108B]
᭑᭐᭘
ᬓ᭄ᬓᬸᬃᬱᬶ᭞ᬧᬾᬦ᭄ᬢᬶᬦ᭄ᬢᬦᬸᬧᬸᬗᬸᬦ᭄ᬧᬸᬗᬸᬦ᭄᭞ᬢᭀᬦ᭄ᬤᬾᬦ᭄ᬩᬗᬸᬦ᭄ᬯᬦ᭄ᬢᬸᬜ᭞ᬫᬭᬚᬫ᭄ᬢᬸᬚᬸᬄᬳᬫ᭄ᬦᬶᬢ᭄᭞ᬫᬗᬢᬶᬬᬂᬳᭂᬦ᭄ᬢᭂᬦ᭄ᬳᬾᬗ᭄ᬕᬮᬂᬗᬤᬾᬩ᭄ᬭᬲ᭄᭟ᬗᬯᬶᬧᬗᬯᬶᬤᬤᬓᬦ᭄᭞ᬧᬶᬘ᭄ᬓᭂᬢ᭄ᬧ
ᬗᬾᬮᬶᬗᬾᬮᬶᬂ᭞ᬧᬸᬦᬶᬓᬶᬓᬾᬦ᭄ᬓᬾᬦᬦ᭄ᬢᬶᬢ᭄ᬬᬂ᭞ᬤᬸᬭᬸᬂᬲᬂᬭᬢᬸᬧᬯᭀᬲᬶᬦ᭄᭞ᬳᬗ᭄ᬕᬾᬦ᭄ᬧᬦᬸᬗ᭄ᬓᬸᬮ᭄ᬳᬭᬶᬧ᭄᭞ᬓᬵᬮᬦᬶᬂᬲ᭄ᬮᬵᬫᬓᬶᬤᬸᬂ᭞ᬦᬸᬚᬸᬫᬺᬫ᭄ᬫᬺᬫᬦ᭄᭞ᬳᬗᬶᬂᬲᬳᬶᬱ᭄ᬡᬸᬯᬂᬳᬸᬕᬶ᭞ᬲᬵᬫ᭄ᬧᬸᬦ᭄ᬗ᭠
ᬚᬸᬫ᭄᭞ᬮᬾᬤᬗᬂᬭᬶᬂᬧ᭄ᬓᬬᬸᬦᬦ᭄᭚᭜᭚ᬥᬂᬥᬂᬧᬮᬶᬂᬧᬮᬶᬮᬬᬂᬳᬸᬕᬶᬓᬯᬶᬦᬤᬓ᭄᭞ᬜᬮᬶᬫᬸᬭᬂᬫᬦᬄᬩᬲ᭄ᬫᬸᬧᬸᬢ᭄ᬲᬗᭂᬢ᭄ᬳᬶᬗᬸᬳᬾ᭞ᬲᬧᬫᬵᬃᬕ᭄ᬕᬶᬦᬾᬫᬦ᭄ᬢᬸᬓ᭄᭞ᬤᬶᬫᭀᬢᭀᬭᬾ᭠
ᬲᬫ᭄ᬩᬶᬮᬂᬦᬸᬮᬶᬲ᭄᭞ᬧᬳᬤᬧ᭄ᬭᬕᬢ᭄ᬤᬅ᭄ᬳᬦ᭄᭞ᬦᬶᬗ᭄ᬕᬮᬶᬦ᭄ᬳᬶᬭᬢᬸ᭞ᬲᭂᬲᭂᬓ᭄ᬫᬲᬗᬸᬤᬸᬄᬓᬶᬢ᭄ᬣ᭞ᬫᬳᬩᬭ᭞ᬭᬲᬫᬮᬶᬧ᭄ᬢᬦ᭄ᬗᬸᬯᬶᬦ᭄᭞ᬢᬸᬮᬓ᭄ᬓᬲᬶᬗ᭄ᬳᬵᬭᬵᬚ᭟ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬚᬤᭀᬚᬤᭀ
[᭑᭐᭙ 109A]
ᬮᬶᬸᬫᬸᬮᬶᬄ᭞ᬯ᭄ᬓᬲ᭄ᬲ᭄ᬭᬦ᭄ᬢ᭞ᬫᬗᬸᬫᬗᬸᬲᬯᬢ᭄᭞ᬩ᭄ᬗᭀᬂᬢᬶᬢᬶᬃᬢᬸᬮᬶᬳᬦᬾ᭞ᬭᬲᬜᬩᬋᬂᬦᬸᬢᬸᬕ᭄᭞ᬓᬸᬤᬸᬦ᭄ᬤᬾᬦ᭄ᬩᬦ᭄ᬗ᭄ᬮᬯᬦᬶᬦ᭄᭞ᬩᬵᬬᬸᬦᬾᬩᬸᬓᬳᬭᬤ᭄᭞ᬮᬸᬤᬶᬦ᭄ᬲᬸᬭᬸᬧ᭄ᬤᬬᬸᬄ᭞ᬳᬸ᭠
ᬚᬦᬦ᭄ᬤᬶᬚᬓᬦ᭄ᬚᬮᬦ᭄᭞ᬓᬮᬶᬫᬸᬢᬦ᭄᭞ᬤᬶᬳᬮᬲᬾᬲᬶᬃᬲᬶᬃᬳᬗᬶᬦ᭄᭞ᬫᬭᬗ᭄ᬮᬶᬯᬢ᭄ᬩᬸᬩᬸᬦ᭠ᬦ᭄᭟ᬢᬦ᭄ᬧᬭᬯᬢ᭄ᬩᬮᬾᬮᬾᬗᬾᬢᬸᬮᬶᬄ᭞ᬢᭀᬫᬓ᭄ᬭᬡ᭞ᬦᬸᬦ᭄ᬤᬸᬦ᭄ᬗᬳᬾᬓᬤᬢ᭄᭞ᬩ᭄ᬯᬶᬦ᭄ᬲ᭄ᬭᬦ᭄ᬢ
ᬧᬚᬮᬦᬾ᭞ᬫᬶᬭᬶᬩ᭄ᬢ᭄ᬯᬄᬳ᭄ᬦᬸᬗ᭄ᬲᬸᬢ᭄᭞ᬓᬭᬶᬓ᭄ᬘᬕ᭄ᬳᬶᬭᬶᬓᬶᬗᬶᬭᬶᬂ᭞ᬲᬓᬾᬯᬦ᭄ᬢᭂᬦ᭄ᬚᭂᬍᬕᬦ᭄᭞ᬓᬳᬫ᭄ᬮᬵᬦᬵᬕᬦ᭄ᬢᬸᬦ᭄᭞ᬫᬦᬳᬾᬓᬭᬶᬫᬘᬂᬘᬂ᭞ᬤᬸᬭᬸᬂᬕᬦ᭄ᬢᬲ᭄᭞ᬧᬫᬵᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬫ᭄ᬯᬮᬶ᭞ᬢᬸᬢᬶᬂ
ᬫᭀᬢᭀᬭᬾᬲᬮ᭄ᬲᬮ᭄᭟ᬲᬕᬾᬢ᭄ᬲᬸᬩᬚᬫ᭄ᬢᬶᬢᬫᬦᬫ᭄ᬧᬶ᭞ᬫᬭᬦᬧᬓ᭄᭞ᬤᬶᬳᬮᬲ᭄ᬧᬸᬧᬸᬳᬦ᭄᭞ᬫᬢ᭄ᬭᬗᬲᬶᬩᬶᬲ᭄ᬳᬸᬚᬦᬾ᭞ᬳᬗᬶᬦ᭄ᬳᬭᬶᬲ᭄ᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬗᬫ᭄ᬧᭂᬳᬂᬩᭀᬦ᭄ᬩᬸᬗ
Kaca:Bali-lontar-gaguritan-tatuptupan-350ppi.pdf/109
Kaca puniki sampun kauji-wacén
