[᭑᭐᭗ 107B]
᭑᭐᭗
ᬭᬸᬄᬩᭂᬃᬲᭂᬫ᭄ᬩᬸᬜᬶ᭞ᬥᬢᭂᬂᬫᬗᬤᬧ᭄ᬓᬦ᭄ᬦᭀᬦ᭞ᬲ᭄ᬬᬂᬫᬍᬫ᭄ᬤᬶᬢᭂᬫ᭄ᬧᬢᬶᬤᬹᬃᬫᬦᬗᬶᬲ᭄᭞ᬢ᭄ᬬᬵ᭠ᬤᬩᭂᬓᭂᬃᬚ᭄ᬚ᭞ᬲᬫ᭄ᬧᬾᬅ᭄ᬓᬸᬭᬸᬲ᭄ᬳᬫ᭄ᬧᬶᬃᬫᬢᬶ᭞ᬤᬭᬶᬦᭀᬦᬄᬧᬸᬜᬩ᭄ᬯᬢᬦ᭄᭚᭜᭚ᬥᬂᬥᬂᬳ᭠
ᬭᬸᬄᬩᬲ᭄ᬓᭂᬮ᭄ᬩᬶᬄᬕᬢᬶ᭞ᬢ᭄ᬯᬭᬧᬶᬲᬦ᭄᭞ᬦᬸᬳᬗᬦ᭄ᬢᭀᬮᬶᬳᬦ᭄᭞ᬫᬾᬭᬢᬸᬭᬢᬸᬦ᭄ᬢᬶᬢ᭄ᬬᬗᬾ᭞ᬤᬸᬭᬸᬲ᭄ᬢᬶᬢ᭄ᬬᬂᬫᬦᬸᬯᬸᬄ᭞ᬢᬸᬗ᭄ᬕᬮ᭄ᬳᬶᬗᭂᬢ᭄ᬲᬮᬶᬕ᭄ᬳᬸᬜᬳᬶᬦ᭄᭞ᬫᬗ᭄ᬓᬶᬦ᭄ᬩᭂᬮᬲ᭄ᬳᬧᬶᬲᬦ᭄᭞ᬧᬶᬤᬦ᭄ᬫᬮᬶᬄᬧᬗ᭄ᬕᬸᬄ
᭞ᬩᬲ᭄ᬯᭂᬓᬲᬶᬂᬳ᭄ᬚᭀᬄᬲᬯᬢ᭄᭞ᬫᬤᬹᬃᬕ᭄ᬕᬫ᭞ᬢᭀᬗᭀᬲᬾᬓᬮᬶᬦ᭄ᬢᬂᬲᬶᬫ᭄ᬩᬶᬢ᭄᭞ᬗᬮᬶᬯᬢᬶᬦ᭄ᬳᬮᬲ᭄ᬯᬬᬄ᭟ᬫᬳᬯᬦᬦ᭄ᬢᬶᬢ᭄ᬬᬂᬲᬭᬢ᭄ᬗᬯᬶ᭞ᬲᬓᬾᬯᬮᬵ᭞ᬧᬂᬳᬤᬧ᭄ᬭᬘᬶᬳ᭄ᬦᬵ᭞ᬳᬗ᭄ᬕᭀᬦ᭄ᬫᬶᬂᬢᬸ
ᬳᬸᬢᬺᬡ᭄ᬦᬵᬦᬾ᭞ᬭᬾᬄᬢᭀᬦ᭄ᬤᬾᬦ᭄ᬓᬭ᭄ᬯᬦ᭄ᬢᭂᬧᬸᬓ᭄᭞ᬳᬫ᭄ᬩᬸᬮ᭄ᬦᬢᬓ᭄ᬤᬫᬸᬄᬢ᭄ᬗᬳᬶ᭞ᬢᬸᬬᬸᬄᬗ᭠ᬦ᭄ᬢᬶᬓ᭄ᬢᬾᬮᬦ᭄᭞ᬬᬦ᭄ᬩᬶᬦ᭄ᬧᬶᬤᬦ᭄ᬳᬸᬮᬸᬂ᭞ᬍᬍᬄᬲᬳᬶᬫᬦᬸᬗᬤᬄ᭞ᬗᬯᬲ᭄ᬕᬯᬂ᭞ᬲᬸᬳᬸᬗᬾᬲᬯᬂᬲᬸᬮᬶᬂ᭠
[᭑᭐᭘ 108A]
ᬮᬶᬂ᭞ᬳᬓᬾᬢᭀᬳᬸᬧᬫᬶᬜ᭟ᬳᬮᬄᬤᬸᬤᬸᬢ᭄ᬧᬶᬢᬸᬗᬦᬾᬧᬮᬶᬂ᭞ᬫᬫ᭄ᬩ᭄ᬬᬧᬭ᭞ᬩ᭄ᬗᭀᬂ᭠ᬫᬧᬦ᭄ᬕᬦ᭄᭞ᬦ᭄ᬕᬓ᭄ᬤᬶᬩᬢᬦ᭄ᬧᬸᬘᬸᬓᬾ᭞ᬦᬸᬗ᭄ᬓᬸᬮᬂᬓ᭄ᬦᭂᬄᬳᬶᬗᬸᬄ᭞ᬕᭂᬦ᭄ᬤᬂᬕᭂᬦ᭄ᬤᬶᬂᬲᬫ᭄ᬩᬶᬮᬂᬗ᭄ᬢᬶᬲ᭄᭞ᬩᬶᬮᬶᬄᬲᬶᬜ᭠
ᬜᬓ᭄ᬲᬭ᭄ᬯᬦ᭄᭞ᬳᬶᬥᭂᬧᬾᬓᬤᬸᬭᬸᬲ᭄᭞ᬫᬜᬸᬲᬸᬧ᭄ᬓᬲᬶᬗ᭄ᬳᬵᬭᬵᬚᬵ᭞ᬩᬸᬓᬳᬭᬤ᭄᭞ᬩᬲ᭄ᬓᬍᬍᬧ᭄ᬲᬶᬃᬲᬶᬃᬳᬗᬶᬦ᭄᭞ᬲᬕᬾᬢ᭄ᬗᬶᬧᬶᬗᬸᬫ᭄ᬩᬭ᭟ᬩᬋᬂᬮᬸᬯᬲ᭄ᬫᬦᬸᬳᬸᬢ᭄ᬧᬲᬶᬲᬶᬕᬸᬦᬸᬂᬩᬦᬢ᭄᭞ᬳ᭄ᬩᭂᬢ᭄ᬫᬲᬶᬄ᭠
ᬤᬸᬯᬓ᭄ᬧᬶᬦ᭄ᬤᬤᬶᬧᬗᬶᬧᬶᬬᬦᬾ᭞ᬢᬦ᭄ᬫᬭᬶᬢ᭄ᬯᬄᬳᬶᬭᬢᬸ᭞ᬳᬶᬭᬶᬂᬢᬶᬢ᭄ᬬᬂᬓ᭄ᬮᬶᬢᬶᬂᬫᬧᬼᬲᬶᬃ᭞ᬲᬸᬩᬢ᭄ᬓᭂᬦ᭄ᬤᬶᬢᬫᬦ᭄᭞ᬕᬶᬮᬶᬦᬾᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬫᬶᬍᬄᬩᬸᬗᬵᬦ᭄ᬤᭂᬂᬓᭂᬫ᭄ᬩᬂ᭞ᬲᬯᬃᬡ᭄ᬦᬜ᭞ᬮᬗᭃᬗᬸᬗᬂ᭠
ᬜᬦ᭄ᬤᬶᬂᬧᬰᬶᬄ᭞ᬤᬶᬳᬸᬚᬸᬂᬲᬸᬓᬵᬲᬤ᭄ᬟ᭚᭜᭚ᬲᬶᬦᭀᬫ᭄ᬭᬢᬸᬫᬦᬸᬢᬸᬕᬂ᭞ᬦᬵᬗᬶᬂᬳᬫ᭄ᬧᬸᬭᬬᬂᬳᬸᬕᬶ᭞ᬭᬾᬄᬧᬗᬯᬶᬓᬧᬸᬧᬸᬗᬦ᭄᭞ᬫᬭᬩᬗᬸᬦ᭄ᬮᬳᬸᬢ᭄ᬦᬸᬮᬶᬲ᭄᭞ᬳᬾᬧᭀᬢ᭄ᬫᬜ᭄ᬫ
Kaca:Bali-lontar-gaguritan-tatuptupan-350ppi.pdf/108
Kaca puniki sampun kauji-wacén
