[᭑᭑᭐ 110B]
᭑᭑᭐
ᬧᬗ᭄ᬓᬸᬃᬭᬢᬸᬳᬢᬹᬃᬢᬶᬢ᭄ᬬᬂ᭞ᬫᬗᬢᬸᬭᬂᬫᬦᬳᬾᬳᬶᬗᬸᬄᬧᬮᬶᬂ᭞ᬫᬗᬸᬩ᭄ᬗᭀᬂᬫᬶᬫ᭄ᬩᬸᬄᬩᬶᬗᬸᬂ᭞ᬩᬸᬗᭂᬂᬢᭀᬂᬓᬭ᭄ᬯᬦ᭄᭞ᬩᬦ᭄ᬳᬶᬩᬸᬓᬾᬩᬲ᭄ᬓᬤᬮᭀᬦ᭄ᬤᬤᬶᬳᬶᬗᬸᬄ᭞ᬩᬸᬗ᭄ᬲᬂᬧᬶᬢᬸᬗᬦᬾᬫ᭠
ᬫ᭄ᬭᬢ᭄᭞ᬫᬗ᭄ᬭᬲᬳᭀᬲᬄᬗᬢᬶᬧᬶᬢ᭄᭟ᬢᭀᬂᬤᬤᬶᬧᬸᬍᬲ᭄ᬩᬮᬲᬓ᭄᭞ᬜᬧ᭄ᬜᬧ᭄ᬳᬸᬬᬂᬫᬮᬶᬜ᭄ᬘᬂᬧ᭄ᬲᬸᬫᬸᬮᬶᬄ᭞ᬢ᭄ᬯᬭᬮᬾᬦ᭄ᬲᬦᬾᬳᬸᬫᬸᬗ᭄ᬕᬸᬄ᭞ᬭᬶᬂᬢᬸᬂᬢᬸᬗᬶᬂᬲ᭄ᬯᬘᬶᬢ᭄ᬣ᭞ᬯᬦ᭄ᬢᬄᬳᬶᬤ᭄ᬟ᭞ᬤᬶᬳᬸᬮᬸ᭠
ᬦ᭄ᬳᬢᬶᬫᬕᬦ᭄ᬢᬸᬂ᭞ᬤᬶᬫᬢ᭄ᬣᬫᬢ᭄ᬣᬫᬓ᭄ᬮᬧ᭄᭞ᬢᭂᬦ᭄ᬢᬳᬾᬦ᭄ᬳᭂᬗ᭄ᬲᬧ᭄ᬳᬯᬳᬶ᭟ᬦᬶᬓᬓ᭄ᬭᬡᬢᬶᬢ᭄ᬬᬂᬕᬥᬓ᭄᭞ᬫᬗᬺᬤ᭄ᬟᬦᬗᬸᬧ᭄ᬢᬶᬬᬂᬲᬳᬶᬲᬳᬶ᭞ᬲᬗ᭄ᬓᬦ᭄ᬓᬦ᭄ᬢᬶᬫ᭄ᬭᬄᬫ᭄ᬭᬸᬄ᭞ᬫᬸᬮᬗ᭄ᬲᬃᬗᬚᬧ᭄ᬳᬚᬧ᭄᭞ᬚᬗ᭄ᬓ
ᬮᬸᬬᬸᬍᬍᬄᬫᬕᬤᬗᬶᬦ᭄ᬲᬸᬳᬸᬂ᭞ᬗ᭄ᬕᬶᬦᭂᬗᬂᬦᬾᬲᬯᬢ᭄ᬧᬃᬡ᭄ᬦ᭞ᬓᬢᬼᬩ᭄ᬧᬶᬦᬄᬫᬗᬶᬧᬶ᭚᭠ᬥᬂ᭚ᬧᬶᬦ᭄ᬤᬓᬜᬳᬶᬤᬢᬸᬮᬓ᭄ᬫᬮᬶᬄ᭞ᬗᬮᬶᬄᬢᬶᬢ᭄ᬬᬂ᭞ᬫᬗᬚᬓᬶᬦ᭄ᬮᬸᬯᬲ᭄ᬳᬮᬶᬦ᭄ᬳᬮᬶᬦ᭄ᬧᬚᬮ
[᭑᭑᭑ 111A]
ᬦᬾ᭞ᬢᭀᬮᬄᬢᭀᬮᬶᬄᬫᬗᬸᬗ᭄ᬕᬸᬮ᭄᭞ᬤᬤᬶᬲᬬᬦ᭄ᬩᬸᬓᬤᬸᬦ᭄ᬤᬸᬦᬶᬦ᭄᭞ᬓ᭄ᬦᭂᬄᬢ᭄ᬬᬗᬾᬳᬸᬲᬓ᭄᭞ᬗᬳᬾᬲᬓᬶᬢ᭄ᬩᬵᬬᬸ᭞ᬩᬬᬸᬦᬾᬲᬸᬩᬫᬢᬶᬗ᭄ᬕᬮ᭄᭞ᬫᬲᬸᬲᬸᬧᬦ᭄᭞ᬗᬸᬫ᭄ᬩᬭᬗᬶᬭᬶᬂᬫᬭᬶᬓᬶ᭞
ᬫᬓᬭᭀᬦ᭄ᬢ᭄ᬯᬭᬧᬲᬄ᭟ᬢᭀᬦ᭄ᬤᬾᬦ᭄ᬢᬸᬢᬸᬕ᭄ᬳᬾᬗ᭄ᬕᬮᬦ᭄ᬗᭂᬤᬸᬲᬶᬦ᭄᭞ᬓᭂᬲ᭄ᬬᬩ᭄ᬩᬩᬂ᭞ᬫᬭ᭠ᬳᬸᬲᬸᬤ᭄ᬕᬯᬂ᭞ᬢ᭄ᬓᬲᬸᬳᬸᬂᬤᬶᬲᬵᬫ᭄ᬧᬶᬗᬾ᭞ᬲᬸᬫᬶᬗ᭄ᬓᬶᬦ᭄ᬕᬮᬄᬤᬸᬤᬸᬢ᭄᭞ᬕᬕᬸᬮᬶᬗᬾᬕ᭄ᬮᬸᬢ᭄ᬓᬓᭂᬩᬶᬦ᭄᭞ᬳᬍ᭠
ᬗᬾᬳᭀᬜᬕᬫ᭄ᬕᬫ᭄᭞ᬲᬫ᭄ᬩᬶᬮ᭄ᬳᬸᬓᬸᬢ᭄ᬳᬸᬓᬸᬢ᭄᭞ᬢᬦ᭄ᬤᬸᬲᬂᬩᬳᬦ᭄ᬬᬾᬄᬫᬢ᭄ᬣ᭞ᬢᭀᬧᬶᬦ᭄ᬤ᭠ᬬᬂ᭞ᬳᬶᬤᬭᬯᬸᬄᬫᬦᬶᬜ᭄ᬚᭀᬯᬶᬦ᭄᭞ᬢ᭄ᬯᬄᬳᬶᬗᭂᬢ᭄ᬤᬶᬧᬶᬗᭂᬢᬦ᭄᭚᭜᭚ᬧᬗ᭄ᬓᬸᬃᬭᬢᬸᬳᬸᬢᬸᬲ᭄ᬢᬶ᭠
ᬢ᭄ᬬᬂ᭞ᬧᬭᬶᬯ᭄ᬓᬲ᭄ᬳᬢᬹᬃᬢᬶᬢ᭄ᬬᬂᬫᬭᬶᬓᬶ᭞ᬗᬶᬂᬳᬫ᭄ᬧᬸᬭᬳᬸᬕᬶᬭᬢᬸ᭞ᬳᬦ᭄ᬢᬸᬓ᭄ᬳᬶᬧᬸᬦ᭄ᬓᬢᬸᬦᬦ᭄᭞ᬧᬲᬂ᭠ᬰᬲ᭄ᬢ᭄ᬭᬧᬧᭂᬲᭀᬦ᭄ᬫᬸᬜᬶᬦᬾᬓᭀᬮᬸᬕ᭄᭞ᬲ᭄ᬯᬾᬘᬭᬢᬸᬗᬫ᭄ᬧᬸᬭᬬᬂ᭞ᬮᬘᬹᬃᬗ᭄ᬮᬄᬫᬸᬭᬶᬤ᭄ᬫᬶᬲ᭄ᬓᬶᬦ᭄᭟᭚
Kaca:Bali-lontar-gaguritan-tatuptupan-350ppi.pdf/111
Kaca puniki sampun kauji-wacén
