[᭒᭐ 20B]
᭞᭒᭐᭞
ᬓᬮᬶᬦ᭄ᬢᬂᬩᬕᬸᬲ᭄᭞ᬲᬳᬤᬾᬯᬫᬗᬦ᭄ᬤᬶᬓ᭞ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬸᬢᬸᬮᬸᬗᬾᬢᬸᬦᬲ᭄ᬢᬶᬢ᭄ᬬᬂ᭟ᬫᬤ᭄ᬤᬾᬮᬾᬤᬂᬫᬗᭀᬓᬲᬂ᭞ᬲᬭᬯᬸᬄᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬢᬗ᭄ᬓᬶᬮ᭄ᬭᬶᬂᬳᬶᬤᬪᬕᬯᬵᬦ᭄᭞ᬢᬶᬢ᭄ᬬᬂᬜᬦ᭄ᬢᭀᬲ᭄ᬤ᭄ᬭᬶᬓ
ᬤᬸᬫᬸᬦ᭄᭞ᬓᬶᬧᬸᬧᬸᬢᬦ᭄ᬭᬭᬶᬲ᭄ᬦᬶᬫ᭄ᬩᬮ᭄᭞ᬫᬜᬳᬸᬭᬶᬦ᭄᭞ᬢᬶᬢ᭄ᬬᬂᬜᬤ᭄ᬬᬫᬗᭀᬓᬲᬂ᭟ᬫᬗᬸᬦᬶᬗᬂᬭᬶᬂᬪᬕᬯᬵᬦ᭄᭞ᬲᬭᬯᬸᬄᬚᭂᬭᭀᬦᬾᬫᬗ᭄ᬓᬶᬦ᭄᭞ᬮᬾᬤᬂᬚ᭄ᬭᭀᬦᬾᬫᬜᬦ᭄ᬢᭀᬲᬂ᭞ᬢᬶᬢ᭄ᬬᬂᬧᬘᬂᬧᬫᬶ
ᬢ᭄ᬤᬸᬫᬸᬦ᭄᭞ᬓᬶᬧᬸᬧᬸᬢᬦ᭄ᬬᬫᬚᬮᬦ᭄᭞ᬧᬘᬂᬢᬗ᭄ᬓᬶᬮ᭄᭞ᬫᬗᬸᬦᬶᬗᬂᬢᬫ᭄ᬬᬸᬧ᭄ᬭᬧ᭄ᬢ᭟ᬲᬭᬯᬸᬳᬾᬭᬶᬂᬚᭂᬭᭀᬳᬦ᭄᭞ᬓᬶᬧᬸᬧᬸᬢᬦ᭄ᬫᬢᬸᬃᬳᬸᬦᬶᬂ᭞ᬫᬗᬸᬦᬶᬗᬂᬭᬶᬂᬪᬕᬯᬵᬦ᭄᭞ᬯᬾᬦ᭄ᬢᭂᬦ᭄ᬢᬫ᭄ᬬᬸᬮᬶᬦ᭄ᬢᬂᬩᬕᬸᬲ᭄᭞
ᬫᬦ᭄ᬢᭀᬲᬂᬭᬶᬂᬚᬩᬬᬦ᭄᭞ᬚᬕᬶᬢᬗ᭄ᬓᬶᬮ᭄᭞ᬫᬭᬶᬂᬳᬶᬤᬲᬂᬪᬕᬯᬵᬦ᭄᭟ᬤ᭄ᬯᬦᬶᬂᬳᬲᬧᬸᬦᬶᬓ᭞ᬩᭂᬘᬶᬓ᭄ᬪᬕᬯᬵᬦ᭄ᬜᬸᬃᬬ᭄ᬬᬦᬶᬦ᭄᭞ᬲᬧᬸᬦᬶᬓᬳᬶᬧᬋᬓᬦ᭄᭞ᬲᬂᬪᬕᬯᬵᬦ᭄ᬭᬭᬶᬲ᭄ᬢᭂᬤᬸᬦ᭄᭞ᬓᬢᬸᬦ᭄ᬢᬸᬦ᭄ᬳᬦ᭄ᬢᬸ
[᭒᭑ 21A]
ᬓ᭄ᬧᬋᬓᬦ᭄᭞ᬯᬶᬭᬾᬄᬢᬸᬲᬶᬂ᭞ᬲᬂᬪᬕᬯᬵᬦ᭄ᬫᬗᬦ᭄ᬢᭂᬦᬂ᭟ᬲᬂᬪᬕᬯᬵᬦ᭄ᬭᬭᬶᬲ᭄ᬫᬤᬮ᭄᭞ᬧᬋᬓᬦ᭄ᬲᬦᬾᬫᬗᬶᬭᬶ᭞ᬓᬶᬧᬸᬧᬸᬢᬦ᭄ᬦᬾᬦ᭄ᬢᭂᬦ᭄ᬮ᭄ᬬᬦ᭄᭞ᬢᬦᬲᬸᬯᬾᬓᬕᬾᬢ᭄ᬭᬯᬸᬄ᭞ᬭᬯᬸᬄᬭᬶᬂᬩᬮᬾᬧᬢᭂᬫ᭄ᬯᬦ᭄᭞
ᬭᬭᬶᬲ᭄ᬫᬗ᭄ᬓᬶᬦ᭄᭞ᬜᬫ᭄ᬩ᭄ᬭᬫᬳᬶᬤᬪᬕᬯᬵᬦ᭄᭟ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬤᬸᬭᬸᬲᬂ᭞ᬤᬭᬶᬓᬶᬲᬋᬂᬫᬮᬶᬗ᭄ᬕᬶᬄ᭞ᬲᬧᬸᬦᬶᬓᬲᬂᬪᬕᬯᬵᬦ᭄᭞ᬫᬯᬘᬦᬭᬶᬂᬲᬂᬢᬫ᭄ᬬᬸ᭞ᬲᬳᬳᬶᬤᬗᬩᬕ᭄ᬳᬩᬕ᭄᭞ᬫᬗᬩᬕᬶᬦ᭄᭞ᬢᬫ᭄ᬧᬸᬮ᭄ᬩ
ᬮᬾᬦᬾᬧᬸᬦᬶᬓ᭟ᬦ᭄ᬤᬯᭂᬕ᭄ᬢᬶᬢ᭄ᬬᬂᬤᬸᬭᬸᬂᬢᬢᬲ᭄᭞ᬲᬧᬲᬶᬭᬚ᭄ᬭᭀᬧᬸᬦᬶᬓᬶ᭞ᬲᬓᬶᬂᬓᬧᬶᬫᬸᬗ᭄ᬕ᭄ᬯᬶᬂᬕᭂᬦᬄ᭞ᬦᬧᬶᬩᬩ᭄ᬯᬢᬾᬭᬯᬸᬄ᭞ᬫᬭᬶᬓᬶᬓᬧᭀᬦ᭄ᬤᭀᬓ᭄ᬢᬶᬢ᭄ᬬᬂ᭞ᬲᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬳᬸᬦᬶᬂᬢᬢᬲ᭄᭟
ᬲᬳᬳᬤᬾᬯᬭᬭᬶᬲ᭄ᬦᬶᬫ᭄ᬩᬮ᭄᭞ᬯᬱ᭄ᬝᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬲᬸᬤ᭄ᬟᬫᬮᬯᬱ᭄ᬝᬦ᭄ᬢᬶᬢ᭄ᬬᬂ᭞ᬓᬧᬸᬢ᭄ᬭᬳᭀᬮᬶᬄᬲᬂᬧᬡ᭄ᬥᬸ᭞ᬇᬦ᭄ᬤ᭄ᬭᬧ᭄ᬭᬱ᭄ᬣᬓᬯᬶᬢ᭄ᬢᬶᬢ᭄ᬬᬂ᭞ᬭᬯᬸᬄᬫ᭄ᬭᬶᬓᬶ᭞ᬧᬦᬶᬓᬦ᭄ᬪᬝᬭᬷᬤᬸᬃᬕ᭄ᬕ᭟ᬢᬶᬢ᭄ᬬᬂᬓᬾᬲᬄᬲ
Kaca:Bali-lontar-gaguritan-suddhamala-02-300ppi.pdf/21
Kaca puniki sampun kauji-wacén
