[᭑᭙ 19B]
᭞᭑᭙᭞
ᬗᬦ᭄᭞ᬲᭂᬤᬶᬄᬓᬶᬂᬓᬶᬂ᭞ᬫᬢᬸᬃᬭᬶᬂᬲᬂᬲᬸᬤ᭄ᬟᬫᬮ᭟ᬫᬦᬶᬫ᭄ᬩᬮ᭄ᬲᬂᬲᬸᬤ᭄ᬟᬫᬮ᭞ᬳᬶᬗ᭄ᬕᬶᬄᬩᬶᬬᬂᬦᬾᬦᬾᬫᬗ᭄ᬓᬶᬦ᭄᭞ᬢᬦ᭄ᬧᬸᬭᬸᬦ᭄ᬢᬶᬢ᭄ᬬᬂᬗᬮᬸᬓᬢ᭄᭞ᬭᬾᬄᬤᭀᬲᬦ᭄ᬩᬶᬬᬗᬾᬤᬸᬫᬸᬦ᭄᭞ᬲᬦᬾᬧᭂᬘᬓ᭄ᬫᬃ
ᬕ᭄ᬬᬂᬩᬶᬬᬂ᭞ᬦᭂᬮᬸᬄᬦᬾᬲ᭄ᬢᬶ᭞ᬫᬜᭂᬢᬶᬓ᭄ᬮᬦ᭄ᬦᭂᬭᬗ᭄ᬚᬦ᭟ᬫᬸᬗ᭄ᬕ᭄ᬯᬶᬂᬓᬲᬶᬸᬲᬶᬲᬶᬧᬦ᭄ᬩᬶᬬᬂ᭞ᬤᬸᬭᬸᬂᬢᬸᬢᬸᬕ᭄ᬲᬦᬾᬫᬗ᭄ᬓᬶᬦ᭄᭞ᬦᬾᬫᬵᬦᬹᬢ᭄ᬫᬭᬶᬂᬲᭂᬗ᭄ᬓᭂᬃᬜ᭞ᬭᬾᬄᬧᬸᬦᬶᬓᬤ᭄ᬭᬶᬓᬶᬤᬸᬫᬸᬦ᭄᭞ᬫᬮᬶᬗ᭄ᬕᬶᬄ
ᬭᬶᬂᬢᬢᬫᬦᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᬫᬶᬢ᭄ᬧᬘᬂᬮᬸᬗ᭟ᬬᬦ᭄ᬲᬫ᭄ᬧᬸᬦ᭄ᬢᭂᬮᬲ᭄ᬲᭂᬗ᭄ᬓᭂᬃᬜ᭞ᬢᬶᬢ᭄ᬬᬂᬧᬘᬂᬫᬜᬤ᭄ᬬᬦᬶᬦ᭄᭞ᬗ᭄ᬮᬸᬓᬢ᭄ᬗ᭄ᬭᬸᬯᬢ᭄ᬫᬮᬦ᭄ᬩᬶᬬᬂ᭞ᬬᬦ᭄ᬳᬓᬾᬢᭀᬫᬾᬫᬾ
ᬘᬸᬫ᭄ᬧᬸ᭞ᬦᬄᬓᭂᬫᬳᬶᬤᬾᬯᬮᬸᬯᬲ᭄᭞ᬩᭂᬘᬶᬓ᭄ᬩᭂᬘᬶᬓ᭄᭞ᬫᬤᬓ᭄ᬳᬶᬤᬾᬯᬓᬲᬤ᭄ᬬᬦ᭄᭟ᬲᬂᬓᬮᬶᬓᬫᬗᬘᭂᬧᬂ᭞ᬲᬂᬓᬮᬶᬓᬦᬾᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬾᬦ᭄ᬚᬢᬶᬲᬶᬤ᭄ᬟᬓᬃᬬ᭄ᬬ᭞ᬫᬜᬸᬲᬸᬧ᭄ᬭᬶᬂ
[᭒᭐ 20A]
ᬳᬮᬲ᭄ᬕᬸᬦᬸᬂ᭞ᬫᬃᬕ᭄ᬕᬦᬾᬓᬮᬶᬦ᭄ᬢᬂᬲᭂᬗ᭄ᬓ᭞ᬤᬳᬢ᭄ᬧ᭄ᬭᬶᬧᬶᬢ᭄᭞ᬫᬃᬕ᭄ᬕᬶᬦᬾᬮᬶᬦ᭄ᬢᬗᬶᬦ᭄ᬳᬶᬤ᭟ᬢᬦ᭄ᬘ᭄ᬭᬶᬢᬬᬂᬤᬸᬓ᭄ᬭᬶᬂᬚᬮᬦ᭄᭞ᬲᬳᬵᬤᬾᬯᬭᬯᬸᬄᬫᬗ᭄ᬓᬶᬦ᭄᭞ᬫᬭᬶᬂᬤᬾᬰᬧᭂᬭᬗᬮᬲ᭄᭞ᬭᬂᬧᬰ᭄ᬭᬫᬦ᭄ᬜᬲᬂᬯᬶᬓᬸ᭞
ᬭᬭᬶᬲ᭄ᬓᬧᬗ᭄ᬕᬶᬄᬧᬋᬓᬦ᭄᭞ᬓᬢᬓᬾᬦᬶᬦ᭄᭞ᬓᬶᬧᬸᬧᬸᬢᬦ᭄ᬯᬱ᭄ᬝᬦ᭄ᬜ᭟ᬲᬂᬲᬸᬤ᭄ᬟᬫᬮᬗᬦ᭄ᬤᬶᬓ᭞ᬚᭂᬭᭀᬢᬶᬢ᭄ᬬᬂᬫᬢᬸᬃᬲᬶᬲᬶᬧ᭄᭞ᬫᬢᬓᬾᬦ᭄ᬭᬶᬂᬚᭂᬭᭀᬦᬾᬯᬦ᭄ᬢᬄ᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬚᬢᬶᬯᭂ
ᬭᬸᬄ᭞ᬢᬶᬢ᭄ᬬᬂᬗᬢᬸᬭᬂᬧᬢᬓ᭄ᬯᬦ᭄᭞ᬩᭀᬬᬧᬸᬦᬶᬓᬶ᭞ᬧᬭᬩ᭄ᬤᬾᬰᬧᭂᬭᬗᬮᬲ᭄᭟ᬓᬶᬧᬸᬧᬸᬢᬦ᭄ᬲᬯᬸᬃᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬦᬶᬓᬶᬲᬫ᭄ᬧᬸᬦ᭄ᬯ᭄ᬬᬓ᭄ᬢᬶ᭞ᬦᬾᬫᬯᬱ᭄ᬝᬧᭂᬭᬗᬮᬲ᭄᭞ᬢᬍᬃᬤ᭄ᬭᬶ
ᬓᬶᬯᬾᬦ᭄ᬢᭂᬦ᭄ᬓᬸᬩᬸ᭞ᬤᬺᬯᬾᬦ᭄ᬳᬶᬤᬲᬂᬪᬕᬯᬵᬦ᭄᭞ᬦᬾᬧᬸᬦᬶᬓᬶ᭞ᬤᬾᬪᬕᬯᬵᬦ᭄ᬢᬫ᭄ᬩᬧᬾᬢ᭄ᬭ᭟ᬲᬧᬸᬦᬶᬓᬓᬶᬧᬸᬧᬸᬢᬦ᭄᭞ᬗᬭᬭᬶᬲ᭄ᬳᬶᬤᬗᬮᬶᬂᬮᬶᬂ᭞ᬫᭂᬤᬲᬶᬦ᭄ᬲᬂᬯᬯᬸᬧ᭄ᬭᬧ᭄ᬢ᭞ᬳᬤᭂᬕᬾ
Kaca:Bali-lontar-gaguritan-suddhamala-02-300ppi.pdf/20
Kaca puniki sampun kauji-wacén
