[᭑᭘ 18B]
᭞᭑᭘᭞
ᬪᬝᬭᬶᬳᬸᬫᬫᬃᬕ᭄ᬕ᭞ᬚ᭄ᬮᭀᬦ᭄ᬢᬚ᭄ᬮᭀᬦ᭄ᬢᬶ᭞ᬗᬫᬭᬦᬶᬦ᭄ᬲᬳᬵᬤᬾᬯ᭟ᬢᬸᬫᬸᬮᬶᬗᬦ᭄ᬤᬶᬓᬳᬮᭀᬦ᭄᭞ᬳᬸᬤᬸᬄᬲᬳᬵᬤᬾᬯᬘᭂᬦᬶᬂ᭞ᬦᬾᬫᬾᬫᬾᬮᬾᬦ᭄ᬢᬂᬲᬸᬓ᭄ᬱ᭄ᬫ᭞ᬤ᭄ᬯᬦᬶᬂᬘᭂᬦᬶᬂᬲᬚᬸᬳᬸ᭞ᬲᬶᬤᬗ
ᬮᬸᬓᬢ᭄ᬗᬭᬸᬯᬢ᭄᭞ᬫᬮᬦ᭄ᬫᬫᬶ᭞ᬓᬮᬸᬓᬢ᭄ᬩᬳᬦ᭄ᬳᬶᬤᬾᬯ᭟ᬳᬸᬢᬂᬫᬾᬫᬾᬩ᭄ᬯᬢ᭄ᬧᬶᬲᬦ᭄᭞ᬓᬧᬶᬦᬶᬂᬳᬶᬤᬾᬯᬚᬦᬶ᭞ᬫᬾᬫᬾᬫᬳᬂᬤᬾᬯᬳᬸᬧᬄ᭞ᬳᬦᬓ᭄ᬚᭂᬕᬾᬕ᭄ᬮᬶᬲ᭄ᬢᬸᬳᬬᬸ᭞ᬫᬜᬫᬳᬚᬓ
ᬤᬤ᭄ᬯ᭞ᬳᬬᬸᬍᬯᬶᬄ᭞ᬤᬾᬯᬶᬰᭀᬓᬮᬦ᭄ᬧᬤᬧ᭟ᬤᬾᬯᬶᬫᬭ᭄ᬯᬇᬓ᭞ᬧᬸᬢ᭄ᬭᬦ᭄ᬳᬶᬤᬫᬳᬵᬋᬱᬶ᭞ᬫᬭᬶᬂᬤᬾᬰᬧᭂᬭᬗᬮᬲ᭄᭞ᬫᬗᬶᬦᭃᬗᬂᬥᬃᬫ᭄ᬫᬲᬤᬸ᭞ᬪᬶᬱᬾᬓᬦ᭄ᬳᬶᬤᬪᬕᬯᬵ
ᬦ᭄᭞ᬦᬾᬲᬸᬚᬢᬶ᭞ᬲᬂᬪᬕᬯᬵᬦ᭄ᬢᬫ᭄ᬩᬧᬾᬢ᭄ᬭ᭟ᬤᬾᬯᬶᬰᭀᬓᬮᬦ᭄ᬧᬤᬧ᭞ᬳᭂᬦ᭄ᬢᭀᬢ᭄ᬯᬄᬓᬃᬫ᭄ᬫᬦ᭄ᬘᭂᬦᬶᬂ᭞ᬚᬦᬶᬧᬢᬸᬢ᭄ᬘᭂᬦᬶᬂᬓᭂᬫ᭞ᬬᬦᬶᬂᬧ᭄ᬭᬤᬾᬳᬤᬫᬸᬲᬸᬄ᭞ᬦᬾᬲᬜ᭄ᬚᬢ
[᭑᭙ 19A]
ᬧᬶᬘᬦ᭄ᬳᬶᬗ᭄ᬯᬂ᭞ᬭᬸᬧᬓᭂᬭᬶᬲ᭄᭞ᬳᬗ᭄ᬕᬾᬦ᭄ᬕᬕᬯᭀᬦ᭄ᬤᬶᬚᬮᬦ᭄᭟ᬓᭂᬭᬶᬲ᭄ᬤᬳᬢ᭄ᬫᬳᬸᬢᬫ᭞ᬧᬳᬶᬘᬦ᭄ᬳᬶᬤᬪᬝᬭᬶ᭞ᬢᬸᬫᬸᬮᬶᬢᬭᬶᬫᬦ᭄ᬳᬶᬤ᭞ᬭᬶᬲᬫ᭄ᬧᬸᬦᬾᬲᬫᬶᬧᬸᬧᬸᬢ᭄᭞ᬢᬍᬃᬪᬝᬭᬶᬗᬦ᭄ᬤᬶᬓ᭞
ᬳᬸᬮᬶᬚᬦᬶ᭞ᬧᬭᬩ᭄ᬘᭂᬦᬶᬂᬲᬸᬤ᭄ᬟᬫᬮ᭟ᬯᬶᬭᬾᬄᬘᭂᬦᬶᬂᬫᬜᬶᬤ᭄ᬟᬬᬂ᭞ᬗᬮᬸᬓᬢ᭄ᬫᬗ᭄ᬭᬸᬯᬢ᭄ᬫᬫᬶ᭞ᬲᬂᬲᬸᬤ᭄ᬟᬫᬮᬫᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃᬧᬫᬶᬢ᭄ᬭᬢᬸ᭞ᬧᬶᬘᬦ᭄ᬭᬢᬸᬢᬸᬦᬲ᭄ᬢᬶᬢ᭄ᬬᬂ᭞ᬲ᭄ᬯᬾᬘᬳᬸ
ᬕᬶ᭞ᬳᬶᬭᬢᬸᬜᬃᬬ᭄ᬬᬦᬶᬦ᭄ᬢᬶᬢ᭄ᬬᬂ᭟ᬘ᭄ᬭᬶᬢᬫᬗ᭄ᬓᬶᬦ᭄ᬲᬂᬓᬮᬶᬓ᭞ᬧᬶᬓᬬᬸᬦᬾᬤᬳᬢ᭄ᬲᭂᬤᬶᬄ᭞ᬓᬢᬶᬗ᭄ᬕᬮᬦ᭄ᬢᬸᬓ᭄ᬕᬸᬲ᭄ᬢᬶᬦ᭄ᬜ᭞ᬫ᭄ᬯᬂᬧᬓᬤᬗᬦ᭄ᬳᬶᬧᬸᬦ᭄᭞ᬲ᭄ᬭᬸᬧᬢᬦ᭄ᬜᬦᬾᬫᬢᭂᬫ᭄ᬯᬲᬦ᭄᭞ᬭᬭᬶᬲ᭄ᬫᬗ᭄ᬓᬶ
ᬦ᭄᭞ᬗᬦ᭄ᬤᬶᬓᬭᬶᬂᬲᬳᬵᬤᬾᬯ᭟ᬤᬸᬄᬭᬢᬸᬲᬂᬲᬳᬵᬤᬾᬯ᭞ᬢᬸᬮᬸᬂᬤᬾᬯᬾᬓ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬮᬸᬓᬢ᭄ᬧᬧᬦ᭄ᬭᬓᬦ᭄ᬢᬶᬢ᭄ᬬᬂ᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬲᬶᬤᬦᬸᬮᬸᬲ᭄᭞ᬤᭀᬢ᭄ᬫᬯᬮᬶᬓᬓᬳ᭄ᬬ
Kaca:Bali-lontar-gaguritan-suddhamala-02-300ppi.pdf/19
Kaca puniki sampun kauji-wacén
