[᭒᭑ 21B]
᭞᭒᭑᭞
ᬓᬶᬂᬲᬾᬢ᭄ᬭ᭞ᬲᬾᬢ᭄ᬭᬕᬦ᭄ᬟᬫᬬᬸᬬᬸᬓ᭄ᬢᬶ᭞ᬗ᭄ᬮᬸᬓᬢ᭄ᬗ᭄ᬮᬸᬯᬢ᭄ᬤᬾᬯᬶᬤᬸᬃᬕ᭄ᬕ᭞ᬫᬭᬶᬂᬲᬾᬢ᭄ᬭᬕᬦ᭄ᬟᬫᬬᬸ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧ᭄ᬭᬲᬶᬤ᭄ᬟ᭞ᬤᬸᬃᬕ᭄ᬕᬤᬾᬯᬷ᭞ᬫᬦᬤᬶᬪᬝᬭᬷᬳᬸᬫ᭟ᬢᬶᬢ᭄ᬬᬂᬦ᭄ᬤᬶᬓᬬᬗ᭄ᬳᬶᬤ᭞ᬫᬗ᭄ᬤᬾᬦ᭄ᬤᬶᬕᭂᬮᬶ
ᬲ᭄ᬫᬭᬶᬓᬶ᭞ᬗ᭄ᬮᬸᬓᬢ᭄ᬗ᭄ᬭᬸᬯᬢ᭄ᬲᬂᬪᬕᬯᬵᬦ᭄᭞ᬦᬸᬮᬶᬲᬂᬪᬕᬯᬵᬦ᭄ᬜᬸᬚᬸᬃ᭞ᬭᬶᬂᬮᬶᬗ᭄ᬕᬄᬲᬂᬲᬸᬤ᭄ᬟᬫᬮ᭞ᬭᬭᬶᬲ᭄ᬫᬗ᭄ᬓᬶᬦ᭄᭞ᬲᬂᬲᬸᬤ᭄ᬟᬫᬮᬫᬦᬶᬫ᭄ᬩᬮ᭄᭟ᬤᬸᬫᬤᬓ᭄ᬲᬶᬤ᭄ᬟᬓᬲᬤ᭄ᬬᬦ᭄᭞ᬧᬲ᭄ᬯᬾᬘᬦ᭄ᬳ᭄ᬬᬂᬧ᭄ᬭᬫᬓᬯᬶ᭞
ᬧ᭄ᬭᬲᬶᬤ᭄ᬟᬲᬶᬗ᭄ᬕᬶᬄᬪᬕᬯᬵᬦ᭄᭞ᬫᬜᬸᬃᬬ᭄ᬬᬦᬶᬦ᭄ᬓᬤᬶᬧᬢᬸᬢ᭄᭞ᬤᬳᬢ᭄ᬮᬾᬤᬂᬲᬂᬪᬕᬯᬵᬦ᭄᭞ᬫᬫᬶᬭᬕᬶ᭞ᬧᬦᬶᬓᬦ᭄ᬲᬂᬲᬸᬤ᭄ᬟᬫᬮ᭟ᬳᬶᬄᬤᬾᬯᬲᬂᬲᬸᬤ᭄ᬟᬫᬮ᭞ᬮᬶᬯᬢ᭄ᬮᭂᬕᬦ᭄ᬩᬧᬘᭂᬦᬶᬂ᭞ᬬᬦ᭄ᬲᬶᬤ᭄ᬟᬩᬧᬫ
ᬜᬶᬗᬓ᭄᭞ᬦᬄᬢᭀᬳᬤᬧ᭄ᬬᬦᬓ᭄ᬳᬶᬗ᭄ᬲᬸᬦ᭄᭞ᬤᬾᬯᬶᬰᭀᬓᬫ᭄ᬯᬂᬧᬤᬧ᭞ᬤᬸᬯᬂᬤᬶᬭᬶ᭞ᬳᭂᬦ᭄ᬢᭀᬤᬾᬯᬗᬗ᭄ᬕᭀᬦ᭄ᬲᭀᬫᬄ᭟ᬳᬶᬗ᭄ᬕᬶᬄᬬᬦᬶᬂᬲᬧᬸᬦᬶᬓ᭞ᬗᬶᬭᬶᬂᬤᬩ᭄ᬤᬩᬂᬦᬾᬫᬗ᭄ᬓᬶᬦ᭄᭞ᬳᬸᬧᬘᬭ
[᭒᭒ 22A]
ᬧᬗ᭄ᬮᬸᬓᬢᬦ᭄᭞ᬧᬸᬦᬶᬓᬤᬩ᭄ᬤᬩᬂᬤᬸᬫᬸᬦ᭄᭞ᬭᬶᬲᬫ᭄ᬧᬸᬦ᭄ᬲᬫᬶᬘᬸᬫᬤᬂ᭞ᬲᬺᬕᭂᬧ᭄ᬲᬫᬶ᭞ᬯᬯᬸᬢᬶᬢ᭄ᬬᬂᬫᬗᬺᬤᬦ᭟ᬲᬸᬤ᭄ᬟᬫᬮᬫᬗᬺᬤᬦ᭞ᬗᬸᬜ᭄ᬘᬭᬂᬯᬾᬤᬲ᭄ᬢᬸᬢᬶ᭞ᬫᬗᬺᬤᬦᬲᬂᬳ᭄ᬬᬂᬰᬶᬯ᭞ᬲᬳᬓᬤᬸᬮᬸᬭᬶᬦ᭄ᬳ
ᬢᬸᬃ᭞ᬲᭂᬓᬭᬸᬭᬓᬲᬫ᭄ᬩᭂᬳᬂ᭞ᬯᬶᬚᬓᬸᬦᬶᬂ᭞ᬭᬶᬂᬳᬗ᭄ᬕᬦ᭄ᬳᬶᬤᬪᬕᬯᬵᬦ᭄᭟ᬲᬂᬳ᭄ᬬᬂᬇᬦ᭄ᬤ᭄ᬭᬓᬭᬕᬬᬂ᭞ᬭᬶᬂᬧᬜᬶᬗᬦ᭄ᬓᬓᬮᬶᬄ᭞ᬢᬷᬃᬣᬭᬭᬶᬲ᭄ᬓᬲᬶᬭᬢᬂ᭞ᬧᬗ᭄ᬮᬸᬓᬢ᭄ᬧᬗ᭄ᬭᬸᬯᬢ᭄ᬳᬶᬓᬸ᭞ᬧᬜᬶᬗᬓᬦ᭄ᬲᬂ
ᬪᬕᬯᬵᬦ᭄᭞ᬫᬓᬓᬮᬶᬄ᭞ᬲᬫ᭄ᬧᬸᬦ᭄ᬲᬶᬦᬄᬫᬗᬦ᭄ᬢᭂᬦᬂ᭟ᬓᬮᬶᬄᬳᬸᬦᬶᬂᬫᬭᬶᬂᬭᬸᬧ᭞ᬲᬮ᭄ᬯᬶᬭᬶᬂᬯᬃᬡ᭄ᬦᬯᬃᬡ᭄ᬦᬶ᭞ᬗᬭᬭᬶᬲ᭄ᬳᬶᬤᬫᬫᬃᬕ᭄ᬕ᭞ᬓᬧᬰ᭄ᬭᬫᬦ᭄ᬚᬢᬶᬢᬸᬳᬸ᭞ᬲᬋᬂᬭᬶᬂᬲᬂᬲᬸᬤ᭄ᬟᬫᬮ᭞ᬢᬸᬃᬫᬮᬶᬗ᭄ᬕᬶᬄ᭞
ᬭᬶᬂᬩᬮᬾᬲᬂᬓᬮᬶᬄᬓᭀᬘᬧ᭄᭟ᬭᬭᬶᬲ᭄ᬪᬕᬯᬵᬦ᭄ᬗᬦ᭄ᬤᬶᬓ᭞ᬭᬶᬂᬧᬸᬢ᭄ᬭᬦᬾᬫᬓᬓᬮᬶᬄ᭞ᬤᬾᬯᬶᬰᭀᬓᬫ᭄ᬯᬂᬧᬤᬧ᭞ᬫᬓᬓᬮᬶᬄᬳᬬᬸᬳᬬᬸ᭞ᬪᬕᬯᬵᬦ᭄ᬭᬭᬶᬲ᭄ᬗᬦ᭄ᬤᬶᬓ᭞ᬦᬄᬢᭀᬘᭂᬦᬶᬂ᭞
Kaca:Bali-lontar-gaguritan-suddhamala-02-300ppi.pdf/22
Kaca puniki sampun kauji-wacén
