[᭒᭘ 28 B]
᭒᭘
ᬦᬶ᭞ᬕ᭄ᬮᬶᬲ᭄ᬫᬵᬢᬹᬃᬳᬶᬤᬲᬂᬲᬳᬵᬤᬾᬯ᭞ᬧᬺᬦᬫ᭄ᬬᬭᬶᬂᬩ᭄ᬬᬗᬾ ᬫᬗ᭄ᬓᬶᬦ᭄᭞ᬫᬶᬯᬄᬭᬶᬂᬭᬓᬦ᭄ᬭᬓᬦ᭄ᬳᬶᬤ᭞ᬭᬶᬂᬲᬂᬧ᭄ᬭᬪᬸᬧᬶᬗᬚᭂᬂ᭞ᬦ᭄ᬤᬯᭂᬕ᭄ᬳᬓ᭄ᬱᬫᬬᬂᬫᬗ᭄ᬓᬶᬦ᭄᭞ᬓᬲᬶᬲᬶᬧᬦ᭄ᬢᬶᬢ᭄ᬬᬂ᭞ᬓ
ᬲᬾᬧ᭄ᬢᬶᬢ᭄ᬬᬂᬫᬗ᭄ᬭᬯᬸᬳᬶᬦ᭄᭟ᬤᬸᬓᬾᬩ᭄ᬬᬂᬗᬵᬢᬸᬭᬂᬭᬶᬂᬳᬶᬤᬳ᭄ᬬᬂᬤᬹᬃᬕ᭄ᬕ᭞ᬭᬶᬂᬕᬦ᭄ᬥᬫᬬᬹᬗᬸᬦᬶ᭞ᬭᬭᬶᬲ᭄ᬢᬶᬢ᭄ᬬᬂᬓᬦ᭄ᬤᬶᬓᬬᬂ᭞ᬫᬗ᭄ᬭᬸᬯᬢ᭄ᬫᬮᬦ᭄ᬳᬶᬤ᭞ᬲᬓᬶᬂᬢᬶᬢᬄᬲᬂᬳ᭄ᬬᬂᬯᬶᬥᬷ᭞ᬧᬺᬱᬶᬤ᭄ᬥᬢᬶ
ᬢ᭄ᬬᬂ᭞ᬤᬤᭀᬲ᭄ᬤᬾᬯᬷᬉᬫᬫᬯᬮᬶ᭞ᬭᬭᬶᬲ᭄ᬳᬶᬤᬫᬗᭂᬦ᭄ᬢᭀᬲᬶᬦ᭄ᬯᬱ᭄ᬝᬦ᭄ᬢᬶᬢ᭄ᬬᬂ᭞ᬰᬸᬤ᭄ᬥᬫᬮᬓᬯᬱ᭄ᬝᬦᬶᬦ᭄᭞ᬢᬹᬃᬓᬷᬘ᭄ᬙᬾᬦ᭄ᬚᬢᬸᬓᬃᬫ᭄ᬫ᭞ᬳᬦᬓ᭄ᬳᬶᬃᬢ᭄ᬭᬶᬧᬸᬦᬶᬓ᭞ᬧᬸᬢ᭄ᬭᬶᬦ᭄ᬢᬫ᭄ᬩᬧᬾᬢᬺᬋ
ᬱᬶ᭞ᬭᬶᬧ᭄ᬭᬗ᭄ᬳᬮᬲ᭄᭞ᬳᬶᬤᬪᬕᬯᬵᬦ᭄ᬫᬮᬶᬗ᭄ᬕᬶᬄ᭟ᬲᬓᬶᬂᬢᬶᬢ᭄ᬬᬂᬲᬶᬤ᭄ᬥᬗ᭄ᬭᬸᬯᬢ᭄ᬫᬮᬦ᭄ᬳᬶᬤ᭞ᬢᬦ᭄ᬧᬦᭀᬦᬾᬳᬶᬤᬗᬸᬦᬶ᭞ᬚᬦ᭄ᬢᭀᬲᬶᬤ᭄ᬥᬗᬵᬓ᭄ᬱᬶᬳᬶᬤ᭞ᬲᬧᬸᬦᬶᬓᬳᬢᬹᬃᬲᬂᬲᬳᬵᬤᬾ
[᭒᭙ 29 A]
ᬯ᭞ᬗᬸᬦᬶᬗᬂᬳᬶᬦ᭄ᬤᬶᬓᬾᬗᬹᬦᬶ᭞ᬚᬦ᭄ᬢᭀᬲ᭄ᬧ᭄ᬭᬧ᭄ᬢ᭞ᬤᬾᬯᬶᬓᬸᬦ᭄ᬢᬶᬗᬦ᭄ᬤᬶᬓᬳᬭᬶᬲ᭄᭟ᬉᬤᬸᬄᬘ᭄ᬦᬶᬂᬧ᭄ᬬᬦᬓ᭄ᬫᬾᬫᬾᬫᬓᬤᬤ᭄ᬯ᭞ᬤᬳᬢ᭄ᬪᬕ᭄ᬬᬘ᭄ᬦᬶᬂᬧ᭄ᬭᬵᬧ᭄ᬢ᭄ᬢᬶ᭞ᬢᬹᬃᬫᬗᬚᬓ᭄ᬲᭀᬫᬄ᭞ᬤᬫᬮᬸᬫ
ᬍᬕᬦ᭄ᬍᬕᬦ᭄᭞ᬲᬢᭀᬦ᭄ᬤᬾᬦ᭄ᬫᬸᬲᬸᬳᬾᬫᬢᬶ᭞ᬳᭂᬦ᭄ᬢᭀᬳᬶᬤᬾᬢ᭄ᬬ᭞ᬓᬵᬮᬜ᭄ᬚᬬᬓᬵᬮᬦ᭄ᬢᬓᬫᬮᬶᬄ᭟ᬳᭂᬦ᭄ᬢᭀᬳᬶᬬᬗᬦ᭄ᬢᬶᬦᬶᬦ᭄ᬧᬭᬓᭀᬭᬯ᭞ᬲᬧᬸᬦᬶᬓᬤᬾᬯᬷᬓᬸᬦ᭄ᬢᬷ᭞ᬗᬸ
ᬤᬸᬄᬧᬸᬢ᭄ᬭᬦᬾᬫᬬᬸᬤ᭄ᬥ᭞ᬫᬶᬋᬂᬯᬘᬦᬦ᭄ᬳᬶᬩ᭄ᬬᬂ᭞ᬲᬗ᭄ᬓᬭᭀᬧᬺᬦᬫ᭄ᬬᬪᬓ᭄ᬢᬶ᭞ᬗ᭄ᬭᬭᬶᬲ᭄ᬫ᭄ᬤᬮ᭄᭞ᬫᬵᬓ᭄ᬢᬲᬜ᭄ᬚᬢᬉᬢ᭄ᬢᬫᬶ᭟ᬓᬳᬶᬭᬶᬂᬳᬦ᭄ᬢᬸᬓ᭄ᬧᬭᬯᬤ᭄ᬯᬧᬵᬡ᭄ᬥᬯ᭞ᬲᬂᬦᬵᬓᬸᬮᬗ
ᬦ᭄ᬤᬶᬓᬳᬭᬶᬲ᭄᭞ᬅᬤᬶᬳ᭄ᬤᬳᬫ᭄ᬧᬳᬫ᭄ᬧᬄ᭞ᬧᬶᬢ᭄ᬓᭂᬢᬾᬳᬾᬮᬶᬗᬂ᭞ᬢᬸᬫᬸᬮᬶᬫ᭄ᬤᬮ᭄ᬲᬂᬓᬮᬶᬄ᭞ᬭᬯᬸᬄᬭᬶᬂᬚᬩ᭞ᬳᬶᬤᬾᬢ᭄ᬬᬓᬮᬶᬄᬗᬦ᭄ᬢᭂᬦᬶᬦ᭄᭟ᬓᬵᬮᬜ᭄ᬚᬬᬯᬶᬭᭀᬱᬦᬗ᭄ᬲᭂ
Kaca:Bali-lontar-gaguritan-suddhamala-01-350ppi.pdf/29
Kaca puniki sampun kauji-wacén
