[᭒᭙ 29 B]
᭒᭙
ᬓᬂ᭞ᬲᬳᬩᬗ᭄ᬕ᭄ᬭᬲ᭄ᬫᬢ᭄ᬩᬢᬶᬦ᭄᭞ᬇᬄᬦᬵᬓᬸᬮᬲᬳᬵᬤᬾᬯ᭞ᬲᬬᬂᬳᬶᬩᬩᬚᬂᬩᬚᬂ᭞ᬗᬾᬤᬍᬫ᭄ᬗᭀᬂᬢ᭄ᬓᬾᬜ᭄ᬘᬳᬶ᭞ᬬᬦ᭄ᬗᬫᬢ᭄ᬬᬂ᭞ᬫ᭄ᬮᬄᬓ᭄ᬫᬘᬳᬶᬫᬸᬮᬶᬄ᭟ᬭᬭᬶᬲ᭄ᬜᬯᬶᬲ᭄ᬲᬂᬦᬵᬓᬸᬮ
ᬲᬳᬵᬤᬾᬯ᭞ᬓᬳᬶᬢ᭄ᬯᬭᬢᬓᬸᬢ᭄ᬫᬢᬶ᭞ᬤᭀᬂᬮᬯᬸᬢ᭄ᬫᬢᬶᬳᬋᬧᬂ᭞ᬫᬲᬳᬶᬤᬸᬧ᭄ᬘᬳᬶᬓᬭ᭄ᬯ᭞ᬲᬂᬤᬾᬢ᭄ᬬᬓᬮᬶᬯᬢ᭄ᬩ᭄ᬭᬗ᭄ᬢᬶ᭞ᬢᬹᬃᬧᬭᬶᬓᭀᬰ᭞ᬜᬕ᭄ᬚᬕ᭄ᬗᬗ᭄ᬕᬃᬓᭀᬦ᭄ᬢᬍᬯᬶᬄ᭟
ᬲᬳᬵᬤᬾᬯᬦᬾᬜᬩᬸᬢ᭄ᬚᬦᬶᬚᬶᬯᬦ᭄ᬳᬶᬩ᭞ᬓᬮ᭄ᬧᬲ᭄ᬓᭀᬦ᭄ᬢᬦᬾᬕ᭄ᬮᬶᬲ᭄᭞ᬗ᭄ᬦᬾᬦᬶᬦ᭄ᬲᬂᬲᬳᬵᬤᬾᬯ᭞ᬦᬵᬗᬶᬂᬢᬦ᭄ᬩᬾᬭᬾᬤ᭄ᬳᬶᬤ᭞ᬯᬯᬸᬧᬘᬂᬗᬬᬢᬂᬫᬮᬶᬄ᭞ᬓᬲᬸᬤᬸᬓ᭄ᬯᬶᬚᬗᭂᬜ᭞
ᬢ᭄ᬩᬄᬗ᭄ᬮᬸᬃᬭᬶᬂᬧᬺᬣᬶᬯᬶ᭟ᬯᬤ᭄ᬯᬦ᭄ᬜᬦᬾᬲᬫᬶᬫ᭄ᬮᬳᬶᬩ᭄ᬧᬩ᭄ᬮᬲᬢ᭄᭞ᬓᬵᬮᬵᬦ᭄ᬢᬓᬗ᭄ᬯᬍᬲ᭄ᬕ᭄ᬮᬶᬲ᭄᭞ᬲᬜ᭄ᬚᬢᬮᬶᬫ᭄ᬧᬸᬂᬓᬢᬶᬯᬓᬂ᭞ᬲᬂᬲᬳᬵᬤᬾᬯᬗᬋᬧᬂ᭞ᬲᬧᬶᬲᬦ᭄ᬳᬶᬤᬾᬢ᭄ᬬᬫ
[᭓᭐ 30 A]
ᬢᬶ,ᬓᬦ᭄ᬤᬸᬕᬶᬓᬮᬄ᭞ᬫ᭄ᬲᭂᬳᬶᬤᬫᬓᬓᬮᬶᬄ᭟ᬭᬶᬯᬯᬸᬦᬾᬲᬂᬓᬮᬶᬄᬗᬶᬗ᭄ᬓᬶᬦᬂᬩᬸᬤᬮ᭄᭞ᬳᬦᬓ᭄ᬮᬦᬂᬭᬯᬸᬄᬓᬓᬮᬶᬄ᭞ᬲ᭄ᬯᬪᬵᬯᬩᬕᬸᬲ᭄ᬧᬶᬲᬦ᭄᭞ᬢᬸᬫᬸᬮᬶᬫᬜᬫ᭄ᬩ᭄ᬭᬫ᭞
ᬫᬵᬚᭂᬂᬭᬶᬂᬲᬂᬧᬸᬢᬺᬫᬤ᭄ᬭᬷ᭞ᬥᬹᬄᬲᬶᬗ᭄ᬕᬶᬄᬤᬾᬯ᭞ᬍᬕᬦ᭄ᬩᬧᬦᬾᬢᬦ᭄ᬲᬶᬧᬶ᭟ᬤᬾᬦᬶᬂᬲᬶᬤ᭄ᬥᬤᬾᬯᬗ᭄ᬭᬸᬯᬢ᭄ᬫᬮᬦ᭄ᬩᬧ᭞ᬳᬦᬾᬩ᭄ᬯᬢ᭄ᬢᬦ᭄ᬲᬶᬦᬶᬧᬶ᭞ᬲᬧᬸᬦᬶᬓᬩᬯᭀᬲ᭄ᬲᬂᬓᬃᬯᬢ᭄᭞
ᬫᬵᬚᭂᬂᬲᬂᬲᬳᬵᬤᬾᬯ᭞ᬲᬸᬚᬢᬶᬦᬾᬩᬧᬗᬹᬦᬶ᭞ᬢ᭄ᬯᬄᬯᬶᬤ᭄ᬬᬥᬭ᭞ᬉᬮᬶᬰᬷᬯᬮᭀᬓᬘ᭄ᬦᬶᬂ᭟ᬳᬤᬦ᭄ᬩᬧᬘᬶᬢ᭄ᬭᬵᬗ᭄ᬕᬤᬘᬶᬢ᭄ᬭᬲᬾᬦ᭞ᬓᬩᬢᭂᬓ᭄ᬳᬫ᭄ᬧᬳᬾ ᬗᬹᬦᬶ᭞ᬫᬵ
ᬚᭂᬂᬭᬶᬂᬳ᭄ᬬᬂᬕᬸᬭᬸᬰᬷᬯ᭞ᬤᬶᬢᬸᬩᬧᬓᬲᬧ᭞ᬤᬤᬶᬭᬓ᭄ᬱᬲᬲᬋᬂᬓᬮᬶᬄ᭞ᬫᬗᬶᬭᬶᬂᬳᬶᬤ᭞ᬳ᭄ᬬᬂᬤᬹᬃᬕ᭄ᬕᬭᬶᬂᬲᬾᬢᬺᬗᬹᬦᬶ᭟ᬲᬓᬶᬂᬧᬗᬸᬤᬸᬄᬳᬶᬤᬤᬾᬯᬷᬤᬹᬃᬕ᭄ᬕ᭞ᬓᭀᬭᬯ
Kaca:Bali-lontar-gaguritan-suddhamala-01-350ppi.pdf/30
Kaca puniki sampun kauji-wacén
