[᭒᭗ 27 B]
᭒᭗
ᬦᬵᬓᬸᬮᬓᭂᬲ᭄ᬬᬩ᭄ᬫᬶᬭᬕᬶ᭞ᬢᬹᬃᬗᬦ᭄ᬤᬶᬓ᭞ᬗᬶᬭᬶᬗ᭄ᬳᬤᬶᬕᬾᬩ᭄ᬭᬲᬂ᭞ᬫᬗ᭄ᬤᬢᬦ᭄ᬓᬲᬾᬧ᭄ᬭᬯᬸᬳᬾ᭞ᬭᬭᬶᬲ᭄ᬢᬗ᭄ᬓᬶᬮ᭄ᬭᬶᬂᬋᬱᬶᬕᬸᬭᬸ᭞ᬳᬶᬦ᭄ᬤᬶᬓᬚᬕᬫᬧᬫᬶᬢ᭄᭞ᬪᬕᬯᬵᬦ᭄ᬭᬭᬶᬲ᭄ᬗᬦ᭄ᬤᬶᬓ᭞
ᬩᬧᬮᬲ᭄ᬬᬘ᭄ᬦᬶᬂᬩᬕᬸᬲ᭄᭞ᬭᬶᬂᬧᬶᬤᬩ᭄ᬤᬩ᭄ᬳᬶᬤᬾᬯ᭞ᬦᬄᬮᬯᬸᬢᬂ᭞ᬓ᭄ᬫᬘ᭄ᬦᬶᬂᬚᬦᬶᬫᬫᬃᬕ᭄ᬕᬶ᭞ᬲᬂᬘᬢᬹᬃᬭᬭᬶᬲ᭄ᬫᬫᬃᬕ᭄ᬕᬶ᭟᭚᭜᭚ᬧᬸᬄᬤᬹᬃᬫ᭄ᬫ᭚᭜᭚ᬢᬦ᭄ᬳᬸᬘᬧᬦ᭄ᬮᬫ᭄ᬧᬳᬶᬤᬫᬭᬶᬂᬚ
ᬮᬦ᭄᭞ᬭᬶᬂᬇᬦ᭄ᬤ᭄ᬭᬧ᭄ᬭᬵᬱ᭄ᬝᬧ᭄ᬭᬵᬧ᭄ᬢᬶ᭞ᬮᬶᬦ᭄ᬢᬂᬲᬫᬸᬦ᭄ᬭᬶᬂᬩᬜ᭄ᬘᬶᬗᬄ᭞ᬢᬦ᭄ᬓᬤᬶᬲᬸᬩᬲᬸᬩ᭞ᬲᬵᬦ᭄ᬢᬸᬓᬦ᭄ᬲᬫᬶᬳᬚ᭄ᬭᬶᬄ᭞ᬭᬶᬂᬳᬶᬤᬾᬢ᭄ᬬ᭞ᬯᬦ᭄ᬢᬄᬕ᭄ᬩᬕᬦ᭄ᬓᬮᬶᬄ᭟ᬓᬓᬦ᭄ᬢᭂᬦᬂᬧᬗ᭄ᬭᬯᬸᬄᬲᬂᬦᬶ
ᬗ᭄ᬕᬮ᭄ᬧᬸᬭ᭞ᬕ᭄ᬮᬶᬲ᭄ᬳᬶᬧᬸᬦ᭄ᬗᬸᬗ᭄ᬓᬩ᭄ᬓᭀᬭᬶ᭞ᬲᬂᬓᬮᬶᬄᬗᬧᬸᬃᬬ᭄ᬬᬂ᭞ᬚᬸᬫᬸᬚᬸᬕ᭄ᬭᬶᬂᬧᬦᬗ᭄ᬓᬶᬮᬦ᭄᭞ᬧᬗ᭄ᬕᬶᬄᬲᬫ᭄ᬢᭀᬦᬾᬢᬗ᭄ᬓᬶᬮ᭄᭞ᬫᬶᬯᬄᬩᬳᬸᬥᬡ᭄ᬥ᭞ᬲᬂᬓᬮᬶᬄᬭᬭᬶᬲ᭄ᬗᬸᬪᬓ᭄ᬢᬶ᭟ᬦᬸᬮᬶᬗ
[᭒᭘ 28 A]
ᬦ᭄ᬤᬶᬓᬳᬶᬤᬲᬂᬥᬃᬫ᭄ᬫᬧᬸᬢᬺ᭞ᬲᬂᬪᬷᬫᬵᬃᬚ᭄ᬚᬸᬦᬜᬋᬗᬶᬦ᭄᭞ᬉᬤᬸᬳᬤᬶᬳᬚᬓ᭄ᬤᬤ᭄ᬯ᭞ᬉᬮᬶᬤᬶᬚᬫᬭᬢ᭄ᬓ᭞ᬲᬂᬪᬷᬫᬦᬶᬫ᭄ᬩᬮ᭄ᬦᬓᬾᬦᬶᬦ᭄᭞ᬉᬮᬶᬤᬶᬚᬤᬤᬶᬫᬭᬫᬸᬮᬶᬄ᭟ᬫᬮᬶᬄᬜᬯᬶ
ᬲ᭄ᬲᬂᬅᬃᬚ᭄ᬚᬸᬦᬫᬦᬓᬾᬦᬂ᭞ᬉᬤᬸᬳᬤᬶᬲᬋᬂᬓᬮᬶᬄ᭞ᬩ᭄ᬮᬶᬲᬗᭂᬢ᭄ᬍᬕ᭞ᬩᬳᬦ᭄ᬲᬥ᭄ᬬᬳᬶᬤᬾᬯᬧ᭄ᬭᬵᬧ᭄ᬢ᭞ᬢ᭄ᬓᭂᬤᬶᬚᬮᬸᬗ᭄ᬳᬅᬤᬶ᭞ᬦᬄᬦᬶᬗᬂ᭞ᬲᬂᬦᬵᬓᬸᬮᬭᬭᬶᬲ᭄ᬜᬯᬶᬲ᭄᭟ᬭᬭᬶᬲ᭄ᬫ
ᬗ᭄ᬓᬶᬦ᭄ᬲᬂᬦᬵᬓᬸᬮᬫᬗᬋᬧᬂ᭞ᬭᬶᬚᭂᬂᬲᬂᬧ᭄ᬭᬪᬸᬗᬸᬪᬓ᭄ᬢᬶ᭞ᬫᬵᬢᬹᬃᬉᬦᬶᬂᬧᬭᬶᬳᬶᬦ᭄ᬤᬶᬓ᭄ᬜ᭞ᬤᬸᬭᬸᬂᬧᬸᬧᬸᬢ᭄ᬗᬸᬦᬶᬗᬬᬂ᭞ᬧᬶᬤᬩ᭄ᬤᬩ᭄ᬳᬶᬤᬦᬾᬗᬹᬦᬶ᭞ᬇᬩᬸᬦ᭄ᬳᬶᬤᬤᬸᬮᬸᬃᬢᬗᬶᬲ᭄᭟
ᬫᬓᬓᬮᬶᬄᬓᬕ᭄ᬮᬸᬢ᭄ᬧᬸᬢ᭄ᬭᬦ᭄ᬳᬶᬤ᭞ᬲᬂᬓᬮᬶᬄᬫᬘ᭄ᬮᭀᬲ᭄ᬗᬸᬪᬓ᭄ᬢᬶ᭞ᬫᬮᬶᬗ᭄ᬕᬶᬄᬤᬸᬭᬸᬲᬂᬩ᭄ᬬᬂ᭞ᬲᬵᬫ᭄ᬧᬸᬦᬂᬩᬗᭂᬢ᭄ᬜᬸᬗ᭄ᬓᬦᬂ᭞ᬤᬾᬯᬷᬓᬸᬦ᭄ᬢᬶᬕ᭄ᬮᬶᬲ᭄ᬫᬮᬶᬗ᭄ᬕᬶᬄ᭞ᬢᬹᬃᬫᬗᬦ᭄ᬤᬶᬓ᭞ᬦᬄᬢᬸᬢᬸᬭᬂᬘ᭄ᬦᬶᬂᬚ
Kaca:Bali-lontar-gaguritan-suddhamala-01-350ppi.pdf/28
Kaca puniki sampun kauji-wacén
