[᭒᭔ 24 B]
᭒᭔
ᬲ᭄ᬗᬋᬧᬂ᭞ᬕ᭄ᬮᬶᬲ᭄ᬫᬸᬗ᭄ᬕᬸᬄ᭞ᬲᬋᬂᬲᬋᬂᬫᬮᬶᬗ᭄ᬕᬶᬄ᭞ᬲᬂᬓᬮᬶᬄᬲᬮᬶᬂᬳᬓ᭄ᬱᬫᬶ᭟ᬲᬂᬳᬭᬶᬫᬶᬤᬵᬃᬣᬬᬂᬫᬗ᭄ᬓᬶᬦ᭄᭞ᬮᬫ᭄ᬧᬳᬶᬤ᭞ᬓᬵᬯᬶᬢ᭄ᬚᬦ᭄ᬢᭀᬲ᭄ᬧ᭄ᬭᬕᬢ᭄᭞ᬕ᭄ᬮᬶᬲ᭄ᬭᬯᬸᬄᬧᬜᬸ
ᬕᬸᬳᬾ᭞ᬗᬶᬭᬶᬂᬩ᭄ᬮᬶᬗᬚᭂᬂᬤᬸᬫᬸᬦ᭄᭞ᬲᬂᬦᬵᬓᬸᬮᬓᬕ᭄ᬬᬢ᭄ᬗᬓ᭄ᬱᬶ᭞ᬲᬗᬢᬹᬭᬂᬭᬬᬸᬦᬦ᭄᭞ᬲᬋᬂᬓᬮᬶᬄᬳᬬᬸᬳᬬᬸ᭞ᬭᬭᬶᬲ᭄ᬳᬶᬤᬫᬦᬓᬾᬦᬂ᭞ᬲᬧᬲᬶᬭ᭞ᬲᬗ᭄ᬓᬮᬶᬄ
ᬧᬸᬦᬶᬓᬅᬭᬶ᭞ᬲᬂᬲᬳᬵᬤᬾᬯᬦᬸᬢᬸᬭᬂ᭟ᬳᬶᬗ᭄ᬕᬶᬄᬩ᭄ᬮᬶᬲᬗᬶᬲ᭄ᬢ᭄ᬭᬷᬧᬸᬦᬶᬓᬶ᭞ᬯᬦ᭄ᬢᬳᬶᬤ᭞ᬓᬧᬸᬢᬺᬪᬕᬯᬵᬦ᭄᭞ᬦᬗ᭄ᬳᬶᬂᬬᬦ᭄ᬫᬸᬗ᭄ᬕ᭄ᬯᬶᬂᬧᬧᬲᬶᬄ᭞ᬤ᭄ᬬᬄᬰᭀᬓᬧᬶᬦᬶᬄᬤᬸᬯᬸᬃ᭞ᬤ᭄ᬬᬄ
ᬧᬤᬧᬲᬗᬭᬶ᭞ᬦᬾᬤᬸᬫᬸᬦ᭄ᬳᬶᬤᬪᬕᬯᬵᬦ᭄᭞ᬓ᭄ᬦᬶᬲᬸᬗ᭄ᬓᬦ᭄ᬢᬦ᭄ᬗᬭᬸᬗᬸ᭞ᬲᬓᬶᬂᬧᬶᬢᬸᬤᬸᬄᬤᬾᬯᬷᬉᬫ᭞ᬫᬧᬺᬱᬶᬤ᭄ᬥ᭞ᬚᬦ᭄ᬢᭀᬲ᭄ᬧᬺᬱᬶᬤ᭄ᬥᬫᬗᬓ᭄ᬱᬶ᭞ᬧᬸᬢ᭄ᬭᬦᬾ ᬭᬭᬶᬲ᭄ᬓᬧᬶᬘ᭄ᬙ᭟
[᭒᭕ 25 A]
ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬬᬦ᭄ᬫᬵᬦᬸᬢ᭄ᬢᬢᬓ᭄ᬭᬫᬶ᭞ᬧᬯᬶᬯᬳᬦ᭄᭞ᬩ᭄ᬮᬶᬗᬫ᭄ᬩᬶᬮ᭄ᬦᬾ ᬤᬸᬯᬸᬭᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬅᬭᬶᬦᬾᬗᬫ᭄ᬩᬶᬮ᭄᭞ᬲᬧᬸᬦᬶᬓᬲᬗ᭄ᬳᬭᬶᬫᬵᬢᬹᬃ᭞ᬲᬂᬦᬵᬓᬸᬮᬭᬭᬶ
ᬲ᭄ᬜᬯᬶᬲ᭄᭞ᬉᬤᬸᬄᬳᬤᬶᬩ᭄ᬮᬶᬢ᭄ᬭᬶᬫ᭞ᬲᬫᬶᬫᬗ᭄ᬓᬶᬦ᭄ᬧᬥᬳᬤᬸᬂ᭞ᬢᬦ᭄ᬲᬦ᭄ᬤᬂᬫᬮᬶᬄᬩᬯᭀᬲᬂ᭞ᬲᬂᬓᬃᬯ᭞ᬯᬾᬦ᭄ᬢᭂᬦ᭄ᬭᬶᬂᬧᬰ᭄ᬭᬫᬦᬶᬓᬶ᭞ᬘ᭄ᬭᬶᬢᬬᬂᬲᬂᬤᬾᬢ᭄ᬬᬓᬃᬯ᭟ᬤᬾᬢ᭄ᬬ
ᬭᭀᬭᭀᬫᬓᬓᬦ᭄ᬢᬶ᭞ᬲᬂᬓᭀᬭᬯ᭞ᬗᬋᬧᬶᬦ᭄ᬲᬂᬧᬡ᭄ᬥᬯ᭞ᬫᬶᬭᬕᬶᬳᭀᬃᬣᬳᬶᬧᬸᬦ᭄ᬋᬓᬾ᭞ᬓᬢᬃᬓ᭄ᬓᬫᬢᬶᬲᬫ᭄ᬧᬸᬦ᭄᭞ᬲᬂᬦᬵᬓᬸᬮᬮᬦ᭄ᬲᬂᬳᬭᬶ᭞ᬓᬢᬥᬄᬳ᭄ᬬᬂ
ᬤᬹᬃᬕ᭄ᬕ᭞ᬤᬾᬢ᭄ᬬᬓᬮᬶᬄᬲᬦᬓ᭄ᬗ᭄ᬩᬸᬕ᭄᭞ᬓᬤᬶᬳᬶᬤ᭄ᬳᬲᬂᬧᬡ᭄ᬥᬯ᭞ᬲᬸᬪᬯᬬᬦ᭄ᬜ᭞ᬲᬂᬧᬵᬡ᭄ᬥᬯᬫᬓᬲᬫᬶ᭞ᬧ᭄ᬚᬳᬲᬶᬓᬶᬲᬾᬤ᭄ᬥᬲᬫ᭄ᬬᬦ᭄᭟ᬚᬮᬦ᭄ᬚᬦᬶᬩ᭄ᬮᬶᬳᬤᬶᬫ
Kaca:Bali-lontar-gaguritan-suddhamala-01-350ppi.pdf/25
Kaca puniki sampun kauji-wacén
