[᭒᭕ 25 B]
᭒᭕
ᬫᬃᬕ᭄ᬕ᭞ᬫᬓᬫᬸᬓ᭞ᬗᭂᬦ᭄ᬤᭀᬦᬶᬦ᭄ᬧᬡ᭄ᬥᬯ᭞ᬲᬗ᭄ᬓᬭᭀᬲᬳᬲᬫᬗ᭄ᬓᬶᬦ᭄᭞ᬓᬓᬤᬸᬮᬸᬭᬶᬦ᭄ᬲᬳᬢᬩᬸᬄ᭞ᬫᬓᬧᬕᬮᬓ᭄ᬳᬶᬧᬸᬦ᭄ᬲᬫᬶ᭞ᬫᬤᬸᬮᬸᬭᬦ᭄ᬧᬜ᭄ᬚᬓᬢᬄ᭞ᬫ
ᬓᬲᬫᬶᬕᬶᬭᬂᬗ᭄ᬮᬸᬃ᭞ᬧᬗᬸᬗ᭄ᬲᬶᬧᬡ᭄ᬥᬯᬓᬸᬮ᭞ᬲᬵᬫ᭄ᬧᬸᬦ᭄ᬢᬢᬲ᭄᭞ᬲᬂᬧᬵᬡ᭄ᬥᬯᬫᬭᬶᬂᬳᬶᬦ᭄ᬤᬶᬓ᭄᭞ᬧᬶᬤᬩ᭄ᬤᬩ᭄ᬳᬶᬤᬾᬢ᭄ᬬᬓᬃᬯ᭟ᬗᬦ᭄ᬤᬶᬓᬲᬂᬥᬃᬫ᭄ᬫᬲᬹᬦᬸᬫᬗ᭄ᬓᬶᬦ᭄᭞ᬭᬶᬂᬅᬭᬶ
ᬦᬾᬲᬂᬪᬶᬫᬵᬃᬚ᭄ᬚᬸᬦ᭞ᬫᬯᭀᬲᬂᬳᬶᬦ᭄ᬤᬶᬓ᭄ᬫᭂᬲᭂᬳᬾ᭞ᬲᬵᬫ᭄ᬧᬸᬦ᭄ᬗᬸᬬᬸᬂᬗ᭄ᬩᬸᬕ᭄᭞ᬫᬗᭂᬦ᭄ᬤᭀᬦᬶᬦ᭄ᬢ᭄ᬓᬫᬳᬶ᭞ᬢᬦ᭄ᬮ᭄ᬬᬦᬶᬤᬾᬢ᭄ᬬᬃᬯ᭞ᬳᬦᬾ ᬫᬦᬧᬫᬸᬘᬸᬓ᭄᭞ᬚᬮᬜ᭄ᬚ
ᬦᬶᬤᬩ᭄ᬤᬩᬂ᭞ᬦᬦ᭄ᬤᬶᬗᬶᬦ᭄ᬳᬶᬬ᭞ᬫᬜᭂᬦ᭄ᬢᭀᬓᬂᬓᬰᬓ᭄ᬢᬶᬦ᭄᭞ᬤᬯᬸᬳᬶᬦ᭄ᬯᬤ᭄ᬯᬦᬾ ᬳᭀᬜ᭟ᬓᬤᬶᬳᬶᬤᬲᬂᬅᬃᬚ᭄ᬚᬸᬦᬫᬗ᭄ᬓᬶᬦ᭄᭞ᬫᬓᬫᬸᬓ᭞ᬭᬶᬂᬢ᭄ᬗᬳᬶᬂᬭᬡ
[᭒᭖ 26 A]
᭞ᬓᬳᬶᬭᬶᬂᬳᬦ᭄ᬢᬸᬦ᭄ᬯᬤ᭄ᬯᬦᬾ᭞ᬅᬤᬶᬲᬂᬪᬷᬫᬤᬶᬉᬗ᭄ᬓᬸᬃ᭞ᬗᭂᬫ᭄ᬩᬦ᭄ᬯᬤ᭄ᬯᬦᬾᬲᬫᬶ᭞ᬲᬂᬓᬮᬶᬄᬭᬭᬶᬲ᭄ᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬧ᭄ᬭᬪᬸ᭞ᬢᬶᬢ᭄ᬬᬂᬜᬥ᭄ᬬᬫᬗᬶᬭᬶᬗᬂ᭞ᬲᬋᬂ
ᬓᬃᬯ᭞ᬦᬦ᭄ᬤᬶᬗᬶᬦ᭄ᬫ᭄ᬲᭂᬄᬪᬹᬧᬢᬶ᭞ᬢᬶᬢ᭄ᬬᬂᬜᬥ᭄ᬬᬓᬧᬸᬘᬸᬓᬂ᭟ᬭᬶᬲᬵᬫ᭄ᬧᬸᬦᬾ ᬲ᭄ᬦᬕ᭄ᬓᬮᬶᬄᬗᬸᬪᬓ᭄ᬢᬶ᭞ᬭᬭᬶᬲ᭄ᬫ᭄ᬤᬮ᭄ᬫᬗᬸᬗ᭄ᬲᬶᬓᬧᬬᬸᬤ᭄ᬥᬦ᭄᭞ᬢᬹᬃᬭᬶᬂᬲᬺᬕᭂᬧ᭄ᬲᬜ᭄ᬚᬢ
ᬦᬾ᭞ᬭᬭᬶᬲ᭄ᬓᬦ᭄ᬢᭂᬦ᭄ᬳᬶᬰᬢ᭄ᬭᬸ᭞ᬓᬵᬮᬜ᭄ᬚᬬᬫᬦᬕ᭄ᬦ᭄ᬢᭂᬦᬂᬫᬗ᭄ᬓᬶᬦ᭄᭞ᬧᬶᬤᬩ᭄ᬤᬩ᭄ᬲᬂᬅᬃᬚ᭄ᬚᬸᬦ᭞ᬭᬭᬶᬲ᭄ᬗᬋᬧᬂᬳᬶᬧᬸᬦ᭄᭞ᬲᬳᬫᬢ᭄ᬩᬢ᭄ᬲᬂᬅᬃᬚ᭄ᬚᬸᬦ᭞ᬍᬕᬧ᭄ᬲᬦ᭄᭞ᬦᬾ ᬚᬦᬶᬓᬳᬶᬫᬢᬦ᭄ᬤᬶᬂ
ᬮᬯᬸᬢᬂᬚᬦᬶᬤᬗ᭄ᬲᭂᬓᬂ᭟ᬲᬂᬅᬃᬚ᭄ᬚᬸᬦᬲᬵᬫ᭄ᬧᬸᬦ᭄ᬢᬢᬲ᭄ᬗᬵᬓ᭄ᬱᬶ᭞ᬲᬜ᭄ᬚᬢᬦ᭄ᬜ᭞ᬳᬶᬓᬵᬲᬜ᭄ᬚᬬᬫᬗ᭄ᬭᬭᬶᬲ᭄ᬫᬗᬬᬢᬂ᭞ᬲᬜ᭄ᬚᬢᬵᬕ᭄ᬦᬶᬫᬸᬭᬸᬩ᭄᭞ᬬᬸᬤ᭄ᬥᬦᬾ ᬗᬺᬱᬺᬱᬶᬦ᭄᭞ᬫᬶᬯᬄ
Kaca:Bali-lontar-gaguritan-suddhamala-01-350ppi.pdf/26
Kaca puniki sampun kauji-wacén
