[᭒᭓ 23 B]
᭒᭓
ᬦ᭄᭞ᬳᬶᬦ᭄ᬤᬶᬓ᭄ᬳᬭᬶᬦ᭄ᬤᬾᬯᬤᬸᬫᬸᬦ᭄᭞ᬳᬬᬢ᭄ᬚᬕᬓᬲᬗ᭄ᬓᬵᬮ᭞ᬤ᭄ᬯᬦᬶᬂᬳᬶᬤ᭞ᬗ᭄ᬭᬸᬯᬢ᭄ᬪᬝᬵᬭᬶᬢᬦ᭄ᬓᬳ᭄ᬬᬸᬦ᭄᭞ᬕ᭄ᬮᬶᬲ᭄ᬓᬲ᭄ᬯᬾᬘ᭄ᬙᬦᬶᬦ᭄ᬪᬝᬵᬭ᭞ᬧᬦᬸᬕ᭄ᬭᬳᬦ᭄ᬤᬳᬢ᭄᭞ᬍᬯᬶᬄ᭟ᬳ᭄ᬬᬂ
ᬤᬹᬃᬕ᭄ᬕᬕ᭄ᬮᬶᬲ᭄ᬓᬮᬸᬓᬢ᭄᭞ᬧᬺᬫᬗ᭄ᬓᬶᬦ᭄᭞ᬤᬤᭀᬲ᭄ᬳ᭄ᬬᬂᬉᬫᬫᬯᬮᬶ᭞ᬦᬸᬮᬶᬪᬝᬵᬭᬶᬫᬯᬸᬯᬸᬲ᭄᭞ᬫᬳᬶᬘ᭄ᬙᬬᬂᬚᬢᬸᬓᬃᬫ᭄ᬫ᭞ᬳᬦᬓ᭄ᬳᬶᬲ᭄ᬢ᭄ᬭᬷ᭞ᬓᬓᬮᬶᬄᬳᬬᬸᬳᬬᬸ᭞ᬳᬶᬭᬶᬓᬭᬶᬂᬧ᭄ᬭᬗ᭄ᬳ
ᬮᬲ᭄᭞ᬭᬶᬂᬢᬫ᭄ᬩᬺᬧᬢᬺᬋᬱᬶ᭟ᬲᬂᬦᬵᬓᬸᬮᬫᬜ᭄ᬲᭂᬤᬂ᭞ᬳᬶᬗ᭄ᬕᬶᬄᬤᬾᬯ᭞ᬲᬂᬓᬵᬮᬶᬓᬯ᭄ᬮᬲᬶᬗ᭄ᬳᬢᬶ᭞ᬦᬧᬶᬓᬾ ᬰᬯᬶᬦᬦ᭄ᬳᬶᬧᬸᬦ᭄᭞ᬯᬦ᭄ᬢᬄᬪᬝᬵᬭᬶᬓᬮᬸᬓᬢ᭄᭞ᬓᬤᬶ
ᬳᬶᬤᬾᬯ᭞ᬦᬧᬶᬳᬯᬶᬦᬦᬾᬓᬦ᭄ᬢᬸᬦ᭄ᬲᬂᬓᬵᬮᬶᬓᬭᬭᬶᬲ᭄ᬦᬶᬫ᭄ᬩᬮ᭄᭞ᬲᬶᬲᬶᬧ᭄ᬢᬶᬢ᭄ᬬᬂᬢᬦ᭄ᬕᬶᬕᬶᬲᬦ᭄᭟ᬜ᭄ᬢᬶᬓ᭄ᬲᭀᬫᬄᬳᬶᬯᬂᬢᬶᬢ᭄ᬬᬂ᭞ᬓᬢᬳ᭄ᬜᬦᬾ ᭞ᬧᬢ᭄ᬲᬲᬸᬃᬫᬓ
[᭒᭔ 24 A]
ᬲᬫᬶ᭞ᬧᬸᬦᬶᬓᬳᬯᬶᬦᬦ᭄ᬓᬦ᭄ᬢᬸᬦ᭄᭞ᬲᬂᬦᬵᬓᬸᬮᬓᬧᬶᬯ᭄ᬮᬲᬦ᭄᭞ᬫᬫᬶᬋᬗᬂ᭞ᬳᬢᬹᬃᬲᬂᬓᬵᬮᬶᬓᬲᭂᬦ᭄ᬤᬸ᭞ᬭᬭᬶᬲ᭄ᬳᬶᬤᬲᬂᬦᬵᬓᬸᬮ᭞ᬫᬵᬢᬸᬃᬦᬸᬦᬲ᭄ᬚᬕᬧᬫᬶᬢ᭄᭟ᬳᬶ
ᬗ᭄ᬕᬶᬄᬤᬾᬯᬲᬂᬓᬵᬮᬶᬓ᭞ᬲᬦᬾ ᬫᬗ᭄ᬓᬶᬦ᭄᭞ᬮᬾᬤᬗᬂᬓᬦ᭄ᬢᬸᬦ᭄ᬳᬶᬭᬶᬓᬶ᭞ᬳᬶᬘ᭄ᬙᬾᬦᬶᬦ᭄ᬢᬶᬢ᭄ᬬᬂᬧᬢᬸᬜ᭄ᬚᬸᬓ᭄᭞ᬳᭂᬜ᭄ᬘᬾᬦ᭄ᬫᬃᬕᬶᬧᬵᬢᬸᬢ᭄ᬳᬫ᭄ᬩᬄ᭞ᬫᬗ᭄ᬤᬲᬶᬤ᭄ᬥ᭞ᬭᬯᬸᬄᬭᬶᬂᬕ᭄ᬦᬳᬾ
ᬢᬸᬚᬸ᭞ᬲᬂᬓᬵᬮᬶᬓᬫᬢᬸᬚ᭄ᬯᬂ᭞ᬭᬸᬭᬸᬗᬾᬦ᭄ᬗᭂᬦ᭄ᬫᬃᬕᬶᬦᬶᬦ᭄᭟᭚᭜᭚ᬧᬸᬄᬤᬗ᭄ᬤᬂᬕᬸᬮ᭚᭜᭚ᬲᬂᬦᬵᬓᬸᬮᬭᬶᬲᬫ᭄ᬧᬸᬦᬾ ᬫᬧᬫᬶᬢ᭄᭞ᬕ᭄ᬮᬶᬲ᭄ᬫᬫᬃᬕ᭄ᬕ᭞ᬦᬹᬢᬸᬤᬸᬄ
ᬲᬂᬓᬵᬮᬶᬓ᭞ᬢᬦᬸᬘᬧᬦ᭄ᬧᬫᬃᬕ᭄ᬕᬶᬦᬾ᭞ᬭᬶᬂᬧ᭄ᬭᬂᬳᬮᬲ᭄ᬭᬯᬸᬄ᭞ᬅᬭᬶᬦ᭄ᬳᬶᬤᬧᬗ᭄ᬕᬶᬄᬫᬗ᭄ᬓᬶᬦ᭄᭞ᬲᬂᬳᬭᬶᬭᬭᬶᬲ᭄ᬜᬫ᭄ᬩ᭄ᬭᬫ᭞ᬲᬳᬵᬗᬢᬹᬭᬶᬦ᭄ᬫᬮᬸᬗ᭄ᬕᬸᬄ᭞ᬲᬗ᭄ᬓᬓᬭᬭᬶᬲ?
Kaca:Bali-lontar-gaguritan-suddhamala-01-350ppi.pdf/24
Kaca puniki sampun kauji-wacén
