[᭒᭒ 22 B]
᭒᭒
ᬫᬜᬸᬲᬸᬧ᭄ᬳᬮᬲᬭᬶᬧᬶᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬭᬱᬧᬓᬾᬯᬸᬄ᭞ᬲ᭄ᬭᬶᬂᬳᬶᬤᬫᬭᬃᬬ᭄ᬬᬦ᭄᭞ᬚ᭄ᬮᬾᬫ᭄ᬧᬄᬚ᭄ᬮᬾᬫ᭄ᬧᭀᬄ᭞ᬗᬚᬧ᭄ᬳᬚᬧ᭄ᬳᬭᬶᬦᬾ ᬤᬶᬢᬸ᭞ᬉᬤᬸᬳᬤᬶᬲᬂᬲᬳᬵᬤᬾᬯ᭞ᬤᬶᬚᬭᬸᬭᬸᬄ
ᬩ᭄ᬮᬶᬚᬦᬶ᭟ᬓᬾᬦᬾᬳᬮᬲ᭄ᬫᬤᬹᬃᬕ᭄ᬕᬫ᭞ᬢᬸᬃᬭᬸᬭᬸᬗᬾ᭞ᬦᬸᬚᬸᬕᬦ᭄ᬥᬫᬬᬸᬲ᭄ᬭᬶᬧᬶᬢ᭄᭞ᬓᬢᬄᬫᬦ᭄ᬥᬸᬦᬶᬦ᭄ᬧᬗ᭄ᬓᬸᬂ᭞ᬓᬮᬸᬤᬦ᭄ᬤᬾᬯᬾᬓᬾᬩ᭄ᬤᬓ᭄᭞ᬭᬭᬶᬲ᭄ᬳᬶᬤ᭞ᬗᬭᬸᬭᬸᬄᬢᭀᬬᬭᬶᬂᬧ
ᬗ᭄ᬓᬸᬂ᭞ᬧᬗ᭄ᬕᬶᬄᬢᭀᬬᬳ᭄ᬦᬶᬂᬧᬶᬲᬦ᭄᭞ᬭᬭᬶᬲ᭄ᬳᬶᬤᬦᬵᬬᬸᬩ᭄ᬯ᭄ᬯᬾ᭟ᬢᬦ᭄ᬓᭀᬘᬧᬦ᭄ᬮᬫ᭄ᬧᬳᬶᬤ᭞ᬲᬕᬾᬢ᭄ᬲᬵᬫ᭄ᬧᬸᬦ᭄᭞ᬭᬶᬂᬕᬦ᭄ᬥᬫᬬᬸᬧ᭄ᬭᬵᬧ᭄ᬢᬶ᭞ᬲᬂᬓᬵᬮᬶᬓᬧᬗ᭄ᬕᬶᬄᬤᬶᬢᬸ᭞ᬳᬗ᭄ᬮᬶ
ᬮᬘᬶᬢ᭄ᬢᬭᬶᬂᬢᬫᬦ᭄᭞ᬦᬸᬮᬶᬓᬕ᭄ᬬᬢ᭄᭞ᬲᬂᬓᬵᬮᬶᬓᬯᬳᬸᬫ᭄ᬢᬸ᭞ᬓᬲᭂᬗ᭄ᬕᬸᬄᬲᬂᬰᬸᬤ᭄ᬥᬫᬮ᭞ᬫᬯᬮᬶᬫᬗ᭄ᬭᬯᬸᬳᬶᬦ᭄᭟ᬭᬭᬶᬲ᭄ᬗᬋᬧᬂᬜᬫ᭄ᬩ᭄ᬭᬫ᭞ᬳᬶᬗ᭄ᬕᬶᬄᬤᬾᬯ᭞ᬲᬧᬸᬦᬧᬶ
[᭒᭓ 23 A]
ᬫᬯᬮᬶᬫᬮᬶᬄ᭞ᬦᬧᬶᬫᬗ᭄ᬓᬶᬜ᭄ᬚᬕᬤᬸᬭᬸᬲ᭄᭞ᬫᬗ᭄ᬭᬸᬯᬢ᭄ᬫᬮᬦ᭄ᬢᬶᬢ᭄ᬬᬂ᭞ᬓᬤᬶᬓᬾᬫᬤ᭄᭞ᬲᬂᬦᬵᬓᬸᬮᬦᬫ᭄ᬧᬶᬳᬢᬹᬃ᭞ᬭᬭᬶᬲ᭄ᬳᬶᬤᬫᬗᬵᬓ᭄ᬱᬫ᭞ᬩᭀᬬᬰᬸᬤ᭄ᬥᬫᬮᬧᬸᬦᬶᬓᬶ᭟ᬢᬶ
ᬢ᭄ᬬᬂᬯᬦ᭄ᬢᬄᬲᬂᬦᬵᬓᬸᬮ᭞ᬭᬯᬸᬄᬫᬗ᭄ᬓᬶᬦ᭄᭞ᬯᬦ᭄ᬢᬄᬗᬭᬸᬭᬸᬄᬲᬂᬳᬭᬶ᭞ᬲᬂᬲᬳᬵᬤᬾᬯᬓᬯᬸᬯᬸᬲ᭄᭞ᬓᭀᬘᬧ᭄ᬳᬶᬭᬶᬓᬶᬓᬲᬗ᭄ᬓᬵᬮ᭞ᬳᬶᬗ᭄ᬕᬶᬄᬤᬾᬯ᭞ᬬᬦ᭄ᬲ᭄ᬯᬾᬘ᭄ᬙᬤᬾᬯᬦᬸᬮᬸᬂ᭞ᬦ᭄ᬤᬶ
ᬓᬳᬶᬦ᭄ᬓᬸᬤ᭄ᬳᬢᬶᬢ᭄ᬬᬂ᭞ᬭᬶᬂᬤ᭄ᬚᬳᬶᬧᬸᬦ᭄ᬓᬧᬢᬶ᭟ᬢᬶᬢ᭄ᬬᬂᬜᬥ᭄ᬬᬲᬋᬂᬧ᭄ᬚᬄ᭞ᬫᬗ᭄ᬤᬓᬧᬗ᭄ᬕᬸᬄ᭞ᬭᬶᬂᬦᬶᬲ᭄ᬓᬮᬢᬶᬢ᭄ᬬᬂᬫᬮᬶᬄ᭞ᬲᬂᬓᬵᬮᬶᬓᬜᬯᬶᬲ᭄ᬫᬵᬢᬹᬃ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬤᬾᬯ
ᬳᬦ᭄ᬢᬸᬓ᭄ᬳᬶᬯᬂ᭞ᬜᭂᬗ᭄ᬕᬸᬳᬂᬓᬤᬶᬳᬶᬭᬢᬸ᭞ᬳᬶᬗ᭄ᬕᬶᬄᬳᬶᬤᬲᬂᬲᬳᬵᬤᬾᬯ᭞ᬫᬕᭂᬦ᭄ᬢᭀᬲᬭᬩᬾ ᬫᬗ᭄ᬓᬶᬦ᭄᭟ᬫᬸᬗ᭄ᬕ᭄ᬯᬶᬂᬯᬃᬡ᭄ᬦᬧᬢᭂᬄᬧᬶᬲᬦ᭄᭞ᬩᬕᬸᬲ᭄ᬳᬦᭀᬫ᭄᭞ᬢᬦ᭄ᬓ᭄ᬦᬶᬳᬦ᭄ᬢᬸᬓ᭄ᬫᬶᬦᬦᬶ
Kaca:Bali-lontar-gaguritan-suddhamala-01-350ppi.pdf/23
Kaca puniki sampun kauji-wacén
