[᭒᭑ 21 B]
᭒᭑
ᬚᭀᬕ᭄ᬳᭂᬗ᭄ᬲᭂᬓ᭄ᬓᬳ᭄ᬬᬸᬦᬾ ᬫᬗᬓ᭄ᬱᬶ᭞ᬢᬢᬯᬃᬡ᭄ᬦᬦ᭄ᬲᬂᬳᬢᬫ᭄ᬬᬸ᭞ᬫᬸᬗ᭄ᬕ᭄ᬯᬶᬂᬪᬵᬯᬩᬕᬸᬲ᭄ᬧᬶᬲᬦ᭄᭟ᬕᬕᬾᬲᭀᬦᬦ᭄᭞ᬧᬘᬦᬗᬦᬾ ᬓᬵᬢᬹᬃ᭞ᬫᬚᭂᬂᬭᬶᬂᬳᬶᬤᬪᬕᬯᬵᬦ᭄᭞ᬫ
ᬤᬸᬮᬸᬃᬗᬵᬢᬸᬭᬂᬪᬓ᭄ᬢᬶ᭟ᬪᬕᬯᬵᬦ᭄ᬭᬭᬶᬲ᭄ᬗᬦ᭄ᬤᬶᬓ᭞ᬳᭂᬦ᭄ᬢᭀᬘ᭄ᬦᬶᬂ᭞ᬢᬫ᭄ᬬᬸᬦᬾ ᬳᬢᬸᬭᬶᬦ᭄ᬫᬗ᭄ᬓᬶᬦ᭄᭞ᬭᬭᬶᬲ᭄ᬓᬵᬢᬹᬃᬭᬶᬂᬲᬂᬩᬕᬸᬲ᭄᭞ᬫᬤᬸᬮᬸᬃᬧᬜᬫ᭄ᬩ᭄ᬭᬫ᭞ᬳᬶᬗ᭄ᬕᬶᬄᬤᬸᬭᬸᬲᬂ᭞ᬚ᭄ᬭᭀᬦᬾ
ᬫᬘᬦᬂᬤᬸᬫᬸᬦ᭄᭞ᬲᬂᬰᬸᬤ᭄ᬥᬫᬮᬓᬕ᭄ᬬᬢ᭄᭞ᬗᬵᬓ᭄ᬱᬶᬦᬶᬦ᭄ᬲᬗ᭄ᬳᬬᬸᬓᬮᬶᬄ᭟ᬲᬗᬳᬬᬸᬲᬋᬂᬤᬤ᭄ᬯ᭞ᬓᬤᬶᬤᬸᬤᬸᬢ᭄᭞ᬓᬳ᭄ᬬᬸᬦᬾ ᬫᬗᬵᬓ᭄ᬱᬶᬦᬶᬦ᭄᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬧᬜ᭄ᬚ᭄ᬭᭀ
ᬯᬦ᭄ᬭᬯᬸᬄ᭞ᬗᬵᬢᬸᬭᬂᬭᬭᬬᬸᬦᬦ᭄᭞ᬳ᭄ᬬᬂᬪᬕᬯᬵᬦ᭄᭞ᬗᬦ᭄ᬤᬶᬓᬳᬶᬦ᭄ᬳᬶᬤᬲᬗᬬᬸ᭞ᬘ᭄ᬦᬶᬗ᭄ᬳᬬᬸᬳᬚᬓ᭄ᬤᬤ᭄ᬯ᭞ᬳᬶᬭᬶᬂᬩ᭄ᬮᬶᬦᬾ ᬗᬵᬚᭂᬂᬚᬦᬶ᭟ᬲᬂᬰᬸᬤ᭄ᬥᬫᬮᬗᬦ᭄ᬤᬶᬓ᭞ᬲᬶᬗ᭄ᬕᬶᬄᬭᬢᬸ
[᭒᭒ 22 A]
ᬢᬶᬢ᭄ᬬᬂᬦᬸᬦᬲᬦᬾ ᬫᬗ᭄ᬓᬶᬦ᭄᭞ᬗᬶᬭᬶᬂᬳᬸᬗ᭄ᬕᬳᬶᬦ᭄ᬤᬸᬫᬸᬦ᭄᭞ᬲᬫᬶᬧᬥᬗᬭᬬᬸᬦᬂ᭞ᬢᬦᬸᬘᬧᬦ᭄᭞ᬗᬭᬬᬸᬦᬂᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬬᬦ᭄ᬫᬓᬸᬤᬂᬓᬸᬤᬂᬩᬸᬮᬦ᭄᭞ᬲᬂᬰᬸᬤ᭄ᬥᬫᬮ
ᬳᬶᬭᬶᬓ᭟ᬘᬭᬶᬢᬬᬂᬭᬶᬂᬧᬡ᭄ᬥᬯ᭞ᬮᬶᬦ᭄ᬢᬂᬲ᭄ᬥᬶᬄ᭞ᬳᬾᬮᬶᬂᬭᬶᬂᬳᬭᬶᬦᬾ ᬫᬗ᭄ᬓᬶᬦ᭄᭞ᬲᬂᬦᬵᬓᬸᬮᬤᬳᬢ᭄ᬲᬸᬗ᭄ᬲᬸᬢ᭄᭞ᬳᬾᬮᬶᬂᬭᬶᬂᬲᬂᬲᬳᬵᬤᬾᬯ᭞ᬭᬭᬶᬲ᭄ᬳᬶᬤ᭞ᬜᬸᬚᬸᬃᬲᬾᬢ᭄ᬭᬕ
ᬦ᭄ᬤᬫᬬᬹ᭞ᬗ᭄ᬢᬸᬢ᭄ᬮᬫ᭄ᬧᬄᬳᬭᬶᬦ᭄ᬳᬶᬤ᭞ᬦᬾᬓᬵᬢᬹᬭᬶᬂᬤᬹᬃᬕ᭄ᬕᬤᬾᬯᬷ᭟ᬭᬳᬶᬦᬯ᭄ᬗᬶᬫᬲᬫ᭄ᬩᬢᬦ᭄᭞ᬲᬃᬯ᭄ᬯᬶᬦᬗᬶᬲ᭄᭞ᬢᭀᬬᬦ᭄ᬧᬦᭀᬦᬾᬢᬦ᭄ᬫᬭᬶ᭞ᬲ᭄ᬯᬪᬵᬯᬦᬾ ᬮᬶᬦ᭄ᬢᬂᬳᬘᬸᬫ᭄
᭞ᬢᬦ᭄ᬳᬸᬓ᭄ᬮᬫᬶᬓᬲ᭄ᬤᬶᬳᬦ᭄᭞ᬦᬾᬗᬯᬶᬦᬂ᭞ᬳ᭄ᬮᬲ᭄ᬧᬶᬓᬬᬸᬦᬾ ᬫ᭄ᬢᬸ᭞ᬜᬥ᭄ᬬᬫᬗᬢᬹᬭᬂᬭᬕ᭞ᬫᬗ᭄ᬤᬾᬲᬋᬂᬫᬗ᭄ᬫᬲᬶᬦ᭄᭟ᬧᬫᬃᬕ᭄ᬕᬦ᭄ᬳᬶᬤᬲᬂᬦᬵᬓᬸᬮ᭞ᬲᬤᬜᬶᬮᬶᬩ᭄᭞
Kaca:Bali-lontar-gaguritan-suddhamala-01-350ppi.pdf/22
Kaca puniki sampun kauji-wacén
