[ ᭒᭗ 27B]
᭒᭗᭞
ᬳᭂᬦ᭄ᬢᭀᬪᬓ᭄ᬢᬶᬦᬶᬦ᭄᭞ᬲᭀᬮᬄᬳᬗ᭄ᬕᬾᬦ᭄ᬜᭂᬫ᭄ᬩᬄ᭞ᬢᬦ᭄ᬢᭂᬕᭂᬧ᭄ᬪᬓ᭄ᬢᬶᬩᬦ᭄ᬫᬦ᭄ᬢ᭄ᬭ᭞ᬬᬤᬶᬦ᭄ᬲᭀᬓ᭄ᬜᬓᬸᬧᬂᬚᬭᬶᬚᬶ᭞ᬗᬸᬮᬄᬕᬫ᭄ᬧᬂ᭞ᬚᬮᬦ᭄ᬲᬳᬶᬧᬳᬸᬭᬸᬓᬶᬦ᭄᭟
᭐᭟᭘᭟ᬓᬾᬢᭀᬢᬸᬯᬄᬢᬶᬗ᭄ᬓᬳᬶᬂᬥᬃᬫᬲᬯᬶᬢ᭄ᬭ᭞ᬚᬮᬦ᭄ᬦᬾᬚᬮᬦᬶᬓᬯᬶᬢᬶᬦ᭄᭞ᬳᬸᬦ᭄ᬤᬸᬓᬾᬜᬭᬢᬂ᭞ᬦᬶᬓᬭᬸᬡᬷᬲᬂᬮ᭄ᬯᬶᬃᬩᬸᬮᬦ᭄᭞ᬳᭂᬦ᭄ᬢᭀᬋᬫ᭄ᬩᬸᬕ᭄ᬳ
ᬧᬂᬧᬲ᭄ᬢᬶ᭞ᬳᭂᬤᬫᬶᬫ᭄ᬧᬲ᭄᭞ᬢᭂᬓᬾᬦ᭄ᬦᭂᬫᬤᬦ᭄ᬬᬸᬓ᭄ᬢᬶ᭟᭐᭟᭙᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬤᬸᬗᬦ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬭᬳᬶᬡᬩᭂᬘᬶᬓ᭄ᬦᬸᬚᭀᬦᬶᬦ᭄᭞ᬤ
ᬯᬸᬄᬓᬢᬧᬓᬂ᭞ᬫᭂᬦᭂᬗᬶᬦ᭄ᬪᬕᬫᬳᬸᬃᬣ᭞ᬧᬫᬃᬕ᭄ᬕᬶᬦᬾᬲᬤᬕᬢᬶ᭞ᬕᭂᬮᬶᬲᬶᬂᬘᬭᬶᬢ᭞ᬭᬶᬂᬲᬸᬓᬯᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟᭐᭟᭑᭐᭟ᬯᬸᬲ᭄ᬫᬤᬩ᭄ᬤᬩ᭄᭞
[ ᭒᭘ 28A]
ᬓᬫ᭄ᬧᬸᬄᬲᬵᬫᬵᬧᬸᬦ᭄ᬓᬢᭂᬤᬸᬦᬂ᭞ᬲᬂᬓᬮᬶᬄᬭᬭᬶᬲ᭄ᬗᬭᬜ᭄ᬚᬶᬂ᭞ᬫᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬗᬮᬧ᭄ᬓᬲᭀᬃᬭᬶᬂᬲᬂᬢᬧ᭞ᬲᬂᬢᬧᬕᭂᬮᬶᬲ᭄ᬜᬕ᭄ᬚᬕᬶᬦ᭄᭞ᬢᬹᬃᬫᬜᬧ᭞
ᬭᬶᬂᬕᭂᬋᬄᬓᬘᬢᬸᬃᬫᬶᬭᬶᬩ᭄᭟᭐᭟᭑᭑᭟ᬩᬕᬸᬲ᭄ᬲᬬᬂᬫᬓᬓᬮᬶᬄᬩᬳᬸᬧ᭄ᬭᬧ᭄ᬢ᭞ᬭᬭᬶᬲᬂᬤᬾᬯᬫᬮᬶᬗ᭄ᬕᬶᬄ᭞ᬦᬗ᭄ᬳᬶᬂᬅᬓ᭄ᬱᬫᬬᬂ᭞ᬕᭂᬦᬄᬓᬲᭀᬃᬲᭀ
ᬔᬾᬫ᭄ᬩᭀᬦᬦ᭄᭞ᬭᬾᬄᬧᭀᬦ᭄ᬤᭀᬓ᭄ᬯᭀᬂᬢ᭄ᬯᬫᬶᬲ᭄ᬓᬶᬦ᭄᭞ᬫᬬᬸᬲ᭄ᬮᬸᬤᬦ᭄᭞ᬭᭀᬫᭀᬦ᭄ᬢᬦ᭄ᬘᬭᬦᬵᬕᬭᬶ᭟᭐᭟ᬯᬸᬲ᭄ᬫᬜᬧᬗᭂᬜ᭄ᬚᬸᬳᬂᬘᬦᬂᬦᬜ᭄ᬚᬾᬦᬂ᭞ᬦᬶᬓ
ᬭᬸᬡᬶᬫᭂᬤᬮ᭄ᬜᬧᬢᬶᬦ᭄᭞ᬘᬶᬗᬓ᭄ᬫᬶᬦ᭄ᬢᬂᬓᭂᬫ᭄ᬩᬃ᭞ᬫᬧᬫᬶᬢ᭄ᬯᬸᬲ᭄ᬫᬜᬧ᭞ᬭᬶᬩᬢᬦ᭄ᬳᬗ᭄ᬰᬡᬫᬮᬶᬗ᭄ᬕᬶᬄ᭞ᬳᬶᬰᬸᬘᬶᬢ᭞ᬲᬓᬶᬢ᭄ᬗᭂᬋᬱ᭄ᬫᬗᬯᬶᬢᬶᬦ᭄᭟᭐᭟᭑᭓᭟
Kaca:Bali-lontar-gaguritan-sucita-300ppi.pdf/28
Kaca puniki sampun kauji-wacén
