[ ᭑᭔᭕ 145B]
᭑᭔᭕᭞
ᬬᬦᬸᬧᬫᬶ᭞ᬬᬦ᭄ᬓᬮᬶᬢᭂᬧᭂᬢ᭄ᬲᬢᬸᬯᬸᬓ᭄᭞ᬩᬶᬮᬶᬄᬚᬕᬢᬾᬬᬭᬸᬲᬓ᭄᭞ᬓᭂᬩᬸᬲ᭄ᬧᬸᬯᬸᬦ᭄ᬢᬦ᭄ᬫᬮᬸᬤᬶᬄ᭞ᬲᬗ᭄ᬓᬦ᭄ᬮᬸᬯᬸᬂ᭞ᬧᬓᬃᬬ᭄ᬬᬦ᭄ᬳᬶᬤᬳ᭄ᬬᬂᬢᬶᬢᬄ᭟᭐᭟᭓᭟ᬲᬚ᭄ᬭᭀᬦᬶᬂᬓᬤ᭄ᬬᬸ
ᬤᬬᬦ᭄᭞ᬲᬫᬶᬫᭀᬩᬄᬢ᭄ᬯᬭᬍᬯᬶᬄ᭞ᬦᬾᬫᬧᬸᬡ᭄ᬥᬸᬄᬤᬤᬶᬩᭂᬮᬲ᭄᭞ᬦᬾᬧᬲᬄᬫᬓᬸᬫ᭄ᬧᬸᬮ᭄ᬫᬮᬶᬄ᭞ᬢᬗᬦ᭄ᬲᬸᬓᬸᬭᬵᬕᬲᬫᬶ᭞ᬉᬕᬶᬧᬲᬄᬧᬘᬂᬧᬸᬗ᭄ᬓᬸᬃ᭞ᬢᬸᬯᬶᬦ᭄ᬰᬭᬷᬭ
ᬮᬦ᭄ᬅᬢ᭄ᬫ᭞ᬢᬦ᭄ᬯᬗ᭄ᬤᬾᬩᭂᬮᬲ᭄ᬫᬦᬤᬶ᭞ᬲᬮ᭄ᬯᬶᬃᬉᬡ᭄ᬥᬓ᭄᭞ᬢ᭄ᬯᬭᬳᬤᬢᬦ᭄ᬫᬳᭀᬩᬄ᭟᭐᭟᭔᭟ᬳᬯᬶᬦᬦ᭄ᬩᭂᬘᬶᬓ᭄ᬫᬜᭂᬭᬄ᭞ᬦᬭᬶᬫᬲᬮᬸᬯᬶᬃᬇᬡ᭄ᬥᬶᬓ᭄᭞ᬲᬫ᭄ᬩᬶᬮ᭄ᬢᬦ᭄ᬧᭂ
ᬕᬢᬸᬢ᭄ᬲᬳᬵ᭞ᬗᬸᬧᬤᬶᬦᬾᬓᬳᭂᬢᭀᬳᬶᬦ᭄᭞ᬤ᭄ᬬᬲ᭄ᬢᬸᬩᭂᬮᬲ᭄ᬤᬶᬲᬶᬲᬶ᭞ᬤᬶᬢᭂᬗᬄᬳᬧᬂᬦᬸᬗᬢᬹᬢ᭄᭞ᬫᬗ᭄ᬤᬾᬦ᭄ᬲᬓᬵᬤᬶᬳᬶᬓᬸᬃᬫ᭄ᬫ᭞ᬦᬶᬗ᭄ᬕᬮ᭄ᬢᬮᬸᬄᬫᬗᭂᬚᭀ
[ ᭑᭔᭖ 146A]
ᬳᬶᬦ᭄᭞ᬦᬗ᭄ᬳᬶᬂᬳᬶᬧᬸᬦ᭄ᬫᬶᬲᬤ᭄ᬬᬦᬾᬢ᭄ᬯᬭᬧᭂᬕᬢ᭄᭟᭐᭟᭕᭟ᬯ᭄ᬬᬤᬶᬦᬶᬧᬸᬦᬶᬓᬢᬓ᭄᭞ᬩᭂᬘᬶᬓᬸᬕᬶᬧᬢᬸᬯᬸᬢᬶᬦ᭄᭞ᬩᬾᬩᬲ᭄ᬗᭂᬚᭀᬄᬦᬶᬗ᭄ᬕᬮ᭄ᬧᬦᬓ᭄᭞ᬗ᭄ᬳᬶᬂᬫᬲᬦ᭄ᬧᬵᬓᬓ᭄ᬜ
ᬫᬸᬓ᭄ᬢᬶ᭞ᬭᬯᬸᬄᬳᬶᬧᬸᬦ᭄ᬫᬯᬾᬄᬪᬸᬓ᭄ᬢᬶ᭞ᬪᭀᬬᬓᬶᬭᬂᬲᬬᬂᬳᬶᬧᬸᬦ᭄᭞ᬢᬦ᭄ᬩᭂᬘᬶᬓ᭄ᬩᬲ᭄ᬦᬸᬮᬤ᭄ᬳᬗ᭄ᬰ᭞ᬫᬓᭂᬳᭂᬫ᭄ᬭᬳᬶᬡᬯᭂᬗᬶ᭞ᬓᬦ᭄ᬢᬶᬓᬘᬸᬤ᭄᭞ᬩ᭄ᬭᬕᬭᬶᬕ᭄ᬢᬦ᭄ᬓᬲᬶᬤᬦ᭄᭟᭐᭟᭖᭟
ᬫᬶᬗ᭄ᬓᬶᬦ᭄ᬲᬂᬤᬤᬶᬫᬵᬦᬸᬱ᭞ᬢᬦ᭄ᬓᬶᬥᬶᬓ᭄ᬧᬢᬹᬢ᭄ᬳᬾᬢᬗᬶᬦ᭄᭞ᬢᬗ᭄ᬓᬳᬾᬗᬮᬶᬄᬓᭀᬢ᭄ᬢᬫᬦ᭄᭞ᬫᬗ᭄ᬤᬾᬦ᭄ᬜᬲᬶᬤ᭄ᬥᬓᬧᬗ᭄ᬕᬶᬄᬲᬗ᭄ᬓᬦ᭄ᬢ᭄ᬯᬭᬜᬦ᭄ᬤᬂᬲᭂᬤᬶᬄ᭞ᬬᬦ᭄ᬩᭂᬮᬲ᭄ᬳᬦᬾᬫ
ᬧᬸᬦ᭄ᬤᬸᬄ᭞ᬓᬾᬯᬮᬬᬤᬶᬦ᭄ᬫᬚᭀᬳᬦ᭄᭞ᬤᬶᬓᬬᬸᬦ᭄ᬢᬫ᭄ᬧᭂᬓᬂᬲᬳᬶ᭞ᬢ᭄ᬯᬭᬮᬸᬯᬸᬂᬳᬦᬓᬾᬢᬦ᭄ᬗᬗ᭄ᬕᭀᬦ᭄ᬕᬦ᭄ᬢᬲ᭄᭟᭐᭟᭗᭟ᬓ᭄ᬭᬡᬫᬢᬹᬃᬲᬧᬸᬦᬶᬓ᭞ᬳᬶᬰᬸᬘᬶᬢ
Kaca:Bali-lontar-gaguritan-sucita-300ppi.pdf/146
Kaca puniki sampun kauji-wacén
