[ ᭔᭑ 41B]
᭔᭑᭞
ᬧ᭄ᬲᬸᬫᬗ᭄ᬓᬢ᭄᭞ᬕ᭄ᬩᬸᬃᬕᬸᬫᬶᬦᬾᬧ᭄ᬭᬚᬦᬶ᭞ᬲᬗ᭄ᬓᬮᬶᬄᬫ᭄ᬤᬮ᭄᭞ᬤᬶᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭟ᬗᭂᬮᭀᬲᬶᬓᭂᬧᬾᬩᬸᬓᬕᭂᬦ᭄ᬢᬸᬳᬾᬫᭂᬫ᭄ᬩᬄ᭞ᬫᬳᬶᬭᬶᬪᬸᬚᬦ᭄ᬳᬧᬶ᭞ᬩᭀᬩᭀᬓᬾᬫᬲᬶᬫ᭄ᬩᬦ᭄᭞ᬘᬯᬶᬭᬶᬮᬾᬦ᭄ᬮᬾᬦ᭄ᬢᬾᬭᬂ᭞ᬮᬶᬮᬶ
ᬦᬾᬲᬮᬾᬂᬮᬗ᭄ᬓᬸᬗᬶᬦ᭄᭞ᬫᬧᬦ᭄ᬢᬧᬦ᭄ᬢ᭞ᬗᭂᬩᭂᬮ᭄ᬧᬤᬫᬗᬦ᭄ᬢᬶ᭟ᬮᬯᬸᬢ᭄ᬢ᭄ᬓᬵᬳᬶᬬᬓ᭄ᬱᬭᬵᬫᬢᬹᬃᬜᬸᬫ᭄ᬩᬄ᭞ᬗᬚᬓ᭄ᬜᬫᬜᬲᬫᬶ᭞ᬫᬧᬫᬶᬢ᭄ᬫᬚᬮᬦ᭄᭞ᬧᬤᬫᬗᬗ᭄ᬕᭀᬤᬤᬃ᭞ᬲ᭄ᬩᭂᬗᬾᬳᬾᬕᬃᬢᬦ᭄ᬲᬶᬧᬶ᭞ᬳᬶ
ᬭᬶᬗᬂᬓᭂᬫ᭄ᬩᬮ᭄᭞ᬫᬩᬸᬘᬸᬳ᭄ᬫᬵᬲ᭄ᬧᬲ᭄ᬢᬶ᭟ᬫᬩ᭄ᬭᬶᬬᬸᬓ᭄ᬫᬜᬸᬫ᭄ᬩᬄᬳᬚᬓ᭄ᬫᬓ᭄ᬚᬂ᭞ᬫᬚᬮᬦ᭄ᬕᬗ᭄ᬲᬃᬚᬦᬶ᭞ᬧᬤᬦᬸᬗ᭄ᬕᬂᬚᬭᬦ᭄᭞ᬫᬧᬧᬚᭂᬗᬦᬭᬫ᭄᭞ᬳᬦᬸᬢ᭄ᬕᭀᬩᬦᬾᬧᬺᬚᬸᬭᬶᬢ᭄᭞ᬫᬧᬚᭃᬂᬓᭂᬫ᭄ᬩᬃ᭞ᬧᬓ᭄ᬭᬶᬦᬶᬂᬗᬸᬮ
ᬗᬸᬦᬶᬦ᭄᭟ᬫᬸᬧᬸᬢ᭄ᬲᬸᬩ᭄ᬧᬶᬦᬓᬵᬫᭀᬯ᭞ᬳ᭄ᬬᬳᬶᬓᬦ᭄ᬢᬃᬕᬸᬫᬶ᭞ᬫᬕ᭄ᬮᬃᬕᬭᬸᬤᬵ᭞ᬲᬸᬓ᭄ᬲᬸᬓ᭄ᬘᬶᬯᬶᬭᬚ᭄ᬜᬦᬵ᭞ᬳᬶᬫᬓᬭᬵᬗᬫᭀᬦᬶᬦ᭄᭞ᬳᬶᬲᬸᬭᬚ᭄ᬜᬦᬵ᭞ᬓᬢᬸᬤᬸᬄᬤᬤᬶᬓᬫ᭄ᬧᬶᬤ᭄᭟ᬫᬓᬳᬯᬓ᭄ᬲ
[ ᭔᭒ 42A]
ᬜ᭄ᬚᬢᬵᬳ᭄ᬬᬳᬶᬬᬓ᭄ᬱᬭᬵ᭞ᬳᬶᬳᬸᬓᬭᬤᬶᬩᬢᬶᬲ᭄᭞ᬬᬳᬶᬢ᭄ᬭᬶᬓᬬᬦᬵ᭞ᬮᬫ᭄ᬩᬸᬂᬳᬶᬲᬸᬭᬓ᭄ᬱᬭᬵ᭞ᬫᬜᬸᬦ᭄ᬤᬸᬮ᭄ᬳᬸᬲᬶᬂᬓᬮᬶᬮᬶᬄ᭞ᬳᬶᬲᬤᬓ᭄ᬱᬭᬵ᭞ᬳᬶᬍᬗ᭄ᬓᬭᬵᬫᬋᬗᬶᬦ᭄᭟ᬳ᭄ᬬᬂᬤᬶᬫᬢᬵᬳᬶᬫᬬᬓ᭄ᬱᬭᬫᬓᬢᬢᬄ᭞
ᬬᬤᭀᬫᬸᬓᬫᬮᬶᬄ᭞ᬮᬦ᭄ᬳᬶᬲᬦᬸᬲᬶᬓᬵ᭞ᬤᬤᬶᬘᬸᬗᬄᬧ᭄ᬭᬓᬱᬵ᭞ᬩᬳᭀᬂᬬᬳᬶᬋᬲ᭄ᬯᬧᬢᬶ᭞ᬮᬦ᭄ᬳᬶᬢᬓ᭄ᬱᬭᬵ᭞ᬳᬶᬳᬸᬓᬭᬵᬳᬶᬓᬹᬳᬶᬦ᭄᭟ᬳᭂᬦ᭄ᬢᭀᬓᬲᬸᬩ᭄ᬓᬢ᭄ᬭᬶᬮᭀᬓᬢᬹᬃᬯᬶᬤᬕ᭄ᬥᬵ᭞ᬧᬶᬦ᭄ᬢᭂᬃᬫᬗ᭄ᬭᬓ᭄ᬱᬲᬫᬶ᭞ᬳ᭄ᬬᬳᬶᬤᬓ᭄ᬱ
ᬭ᭞ᬫᭂᬜ᭄ᬘᬃᬢᬹᬃᬫᬦᬶᬢᬳᬂ᭞ᬳᬶᬢ᭄ᬭᬶᬫᬢ᭄ᬭᬫᬫᬋᬗᬶᬦ᭄᭞ᬦᬸᬤᬸᬄᬫᬺᬢᬶᬗ᭄ᬓᬄ᭞ᬫᬗᬶᬲᬶᬲᬫᬶᬲᬫᬶ᭟ᬤᬤᬶᬧᭂᬜ᭄ᬘᬃᬲᬶᬓᭂᬧᬾᬫᭀᬭᭀᬂᬗᭀᬭᭀᬗᬦ᭄᭟ᬫᬢᬶᬗ᭄ᬓᬄᬲᬸᬩᬧᬲ᭄ᬢᬶ᭞ᬫᬓᬤ᭄ᬥᬵᬫᬓ᭄ᬚᬂ᭞ᬮᬯᬸᬢ᭄ᬫᬲᬲᬸᬭ
ᬓᬦ᭄᭞ᬕᭀᬂᬓᭂᬦ᭄ᬤᬂᬢᬫ᭄ᬩᬸᬃᬮᬦ᭄ᬩᬾᬭᬶ᭞ᬫᬶᬯᬄᬢᬋᬩᬂ᭞ᬲᬸᬗᬹᬜ᭄ᬚ᭄ᬭᬶᬢ᭄ᬫᬫᬸᬜᬶ᭟ᬦ᭄ᬤᭂᬍᬲ᭄ᬱᬶᬓᭂᬧᬾ ᬓᬋᬧ᭄ᬬᬫᬕᬾᬮᭀᬳᬦ᭄᭞ᬫᬤᬄᬤᬄᬫᬗᬋᬧᬶᬦ᭄᭞ᬤᬾᬱᬵᬧᬸᬱ᭄ᬧᬲ᭄ᬓᬵᬃ᭞ᬧ᭄ᬭᬬᬢ᭄ᬦᬫᬗᬦ᭄ᬢᭀᬲᬂ᭞ᬜ᭄ᬚᭂ
Kaca:Bali-lontar-gaguritan-smara-ratih-300ppi.pdf/42
Kaca puniki sampun kauji-wacén
