[ ᭔᭒ 42B]
ᬍᬕ᭄ᬩᬸᬓᬵᬕᬸᬦᬸᬂᬳᬧᬶ᭞ᬲᬶᬓᬾᬧᬾᬢ᭄ᬓ᭞ᬳᬸᬮᬶᬤᬶᬧᬸᬱ᭄ᬧᬵᬲᬭᬶ᭟ᬤᬤᬶᬘᬦᭂᬕ᭄ᬩᬳᬦᬾᬬᬓᬢᬶᬫ᭄ᬧᬮᬦ᭄᭞ᬲᬬᬕᬧᬤᬗᬦ᭄ᬢᬶ᭞ᬮᬳᬸᬢ᭄ᬧᬥᬫᬤᬩ᭄ᬤᬩᬦ᭄᭞ᬫᬜ᭄ᬚᬮᬦᬂᬧᬦᬗ᭄ᬢᬂ᭞ᬓ᭄ᬫᬬᬓᬓᬭᬂᬗᬲ᭄ᬢᬶ᭞ᬳᬶᬩᬢᬸᬋᬫ᭄ᬧᬓ᭄᭞
ᬦᬾᬧ᭄ᬭᬓᬵᬱᬵᬫᬫᬵᬃᬕ᭄ᬕᬶ᭟ᬢᬦ᭄ᬲᬄᬦᬾᬦᬾ ᬓᬳᭀᬚᭀᬕ᭄ᬳᬶᬲᬸᬤᬜᬦᬵ᭞ᬩᬳᬦᬾ ᬓᬲᬸᬩ᭄ᬭᬶᬭᬶᬄ᭞ᬗᬋᬯᬄᬗᬾᬗ᭄ᬕᬮᬂ᭞ᬓᬳᬶᬦᬶᬫ᭄ᬧᬮᬶᬦ᭄ᬳᬶᬩ᭞ᬲᬮᬶᬂᬲᬶᬩᬓ᭄ᬲᬮᬶᬢ᭄ᬩᬶᬄ᭞ᬭᬲᬜᬳ᭄ᬫᭂᬲ᭄ᬢᬦ᭄ᬤᬲ᭄ᬳᬶᬩᬵᬩᬦ᭄ᬓᬳᬶ᭟
ᬤᬤᬶᬦ᭄ᬮᬶᬓ᭄ᬳᬶᬲᬸᬤᬚ᭄ᬜᬦᬵᬫᬦᬶᬫ᭄ᬩᬮ᭄᭞ᬦᬄᬦᬾᬮᬯᬸᬢᬂᬢ᭄ᬩᬶᬄ᭞ᬦᬾᬮᬯᬸᬢᬂᬲᬶᬩᬓ᭄᭞ᬳᬶᬩᬧᬮᬶᬩᬦᬶᬜ᭞ᬮᬳᬸᬢ᭄ᬗᬸᬦᬸᬲ᭄ᬓ᭄ᬭᬶᬲ᭄ᬓᬮᬶᬄ᭞ᬫᬫᬦ᭄ᬤᭂᬓ᭄ᬚᬭᬦ᭄᭞ᬫᬤ᭄ᬭᬦ᭄ᬲᬮᬶᬂᬳᬸᬗ᭄ᬲᬶ᭟ᬧᬤᬘ᭄ᬮᬂᬩᬸᬓᬵᬫ᭄ᬓᬦᬾᬫᬸᬜᭂᬗᬦ᭄᭞
ᬤᬾᬦᬶᬂᬧᬤᬘᬮᬶᬭᬶᬂ᭞ᬧᬤᬲᬮᬶᬂᬢ᭄ᬩᬄ᭞ᬓ᭄ᬭᭀᬤᬲᬮᬶᬂᬧᬶᬧᬶᬢᬂ᭞ᬳᬶᬩᬢᬸᬋᬫ᭄ᬧᬓ᭄ᬦ᭄ᬤᬸᬳᬸᬦᬶᬦ᭄᭞ᬳᬾᬗ᭄ᬕᬮ᭄ᬫᬦᬸᬚᬄ᭞ᬗᭂᬦᬾᬦ᭄ᬧᬮᬵᬳᬕᬶᬕᬶᬲ᭄᭟ᬤᬾᬦᬶᬂᬩ᭄ᬤᬄᬓᬸᬮᬫ᭄ᬩᬶᬦ᭄ᬜᬦᬾᬓᬢᬸᬫ᭄ᬩᬓ᭄᭞ᬳᬶᬲᬸᬤᬦ᭄ᬜᬦᬵᬫᬶᬫᬶᬢ᭄
[ ᭔᭓ 43A]
᭞ᬓ᭄ᬭᭀᬤᬦᬾᬓᬮᬶᬯᬢ᭄᭞ᬯᬮᬸᬬᬵᬓᬮᬦ᭄ᬢᬓᬵ᭞ᬮ᭄ᬯᬶᬃᬲᬗ᭄ᬳᬵᬳᬫᬗ᭄ᬲᬤᬕᬶᬂ᭞ᬦ᭄ᬭᬸᬫ᭄ᬧᬓᬂᬚᬭᬵᬦ᭄᭞ᬫᬗ᭄ᬤᬾᬩ᭄ᬘᬢ᭄ᬗᬶᬤᭂᬭᬶᬦ᭄᭟ᬫᬜᬤ᭄ᬬᬬᬂᬳᬶᬲᬸᬤᬚ᭄ᬜᬦᬵᬫᬜᭂᬫ᭄ᬧᬮ᭄᭞ᬳᬶᬩᬢᬸᬋᬫ᭄ᬧᬓ᭄ᬫᬢᬶ᭞ᬓᬲᬳᬸᬧ᭄ᬓᬧᬸ
ᬗ᭄ᬕᬮ᭄᭞ᬓᬢᬤ᭄ᬢᬤ᭄ᬓᬢᬦ᭄ᬤᬗᬂ᭞ᬮᬯᬸᬢ᭄ᬦᭀᬮᬶᬄᬫᬗᬸᬮᬧᬶᬦ᭄᭞ᬦᬄᬩ᭄ᬯᬶᬦ᭄ᬓᬋᬧᬂ᭞ᬦᬾᬮ᭄ᬬᬫᬦᬶᬫ᭄ᬧᬮᬶᬦ᭄᭟ᬫᬩ᭄ᬬᬬ᭄ᬯᬦ᭄ᬓᬳᬋᬧ᭄ᬫᬲᬮᬶᬬᬸᬭᬦ᭄᭞ᬩᬦ᭄ᬜᬫᬦ᭄ᬜᬦᬾᬫᬢᬶ᭞ᬧ᭄ᬭᬬᬗᬯᬍᬲᬂ᭞ᬩ᭄ᬤᬶᬮᬾᬫᬳᭀᬫ᭄ᬩᬓᬦ᭄
᭞ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬭᬭᬶᬲ᭄ᬗᬋᬧᬂ᭞ᬳ᭄ᬬᬂᬳᬶᬩᬢᬸᬕᬳᬶᬂ᭟ᬫᬳᬶᬭᬶᬗᬦ᭄ᬧᬜ᭄ᬚᬓ᭄ᬳᬤᬧ᭄ᬢᬂᬤᬰᬵ᭞ᬗᭀᬚᭀᬕ᭄ᬦᬾᬦᬾ ᬓᬧᬼᬗᬶᬦ᭄᭞ᬳᬶᬬᬵᬳᬶᬢᬓ᭄ᬱᬭᬵ᭞ᬭᬫᬾᬫᬢᬢᬸᬫ᭄ᬩᬓᬦ᭄᭞ᬓᬭᬂᬗᬱ᭄ᬝᬶᬦᬾᬓᬮᬶᬄ᭞
ᬦᬵᬗ᭄ᬳᬶᬂᬓᬦ᭄ᬥᬬᬵ᭞ᬫᬗᬶᬍᬲᬶᬦ᭄ᬳᬓᬶᬓᬶᬢ᭄᭟ᬫᬗ᭄ᬤᬾᬫᬳᬦ᭄ᬤᬶᬳᬾᬮᬳᬾᬗᬯᬍᬲᬂ᭞ᬬᬳᬶᬕᬦ᭄ᬢᬃᬕᬸᬫᬶ᭞ᬫᬫᬳᬗᬶᬦ᭄ᬓᬭᬂ᭞ᬓᬢ᭄ᬭᬸᬕ᭄ᬢᬸᬕ᭄ᬲᬳᬵᬲᬸᬭᬓ᭄᭞ᬫᬩᬶᬬᭀᬓ᭄ᬲᬶᬓᭂᬧ᭄ᬮᬦ᭄ᬩᭂᬤᬶᬮ᭄᭞ᬫᭀᬫ᭄ᬩᬵ
Kaca:Bali-lontar-gaguritan-smara-ratih-300ppi.pdf/43
Kaca puniki sampun kauji-wacén
