Kaca:Bali-lontar-gaguritan-smara-ratih-300ppi.pdf/41

Saking Wikisource
Kaca puniki sampun kauji-wacén

[ ᭔᭐ 40B]
᭔᭐᭞
ᬲᬶᬓᭂᬧᬾᬗᬗᬶᬦᬂ᭞ᬗᬋᬤᭂᬕ᭄ᬗᬸᬳᬸᬕᬂᬕᬸᬫᬶ᭞ᬗ᭄ᬢᭀᬃᬮᬶᬦᬸᬄᬫᬕᬾᬜ᭄ᬚᭀᬗᬦ᭄᭞ᬧ᭄ᬭᬢᬯᬦ᭄ᬲᬂᬯᬶᬭᬧᬢᬶ᭞ᬳᬧᬦ᭄ᬲᬫᬶᬧ᭄ᬭᬚᬸᬭᬶᬢ᭄᭞ᬩᬩᬢᭂᬓᬦ᭄ᬧᬤᬓᬲᬸᬩ᭄᭞ᬫᬩᭀᬗ᭄ᬓᭀᬮ᭄ᬩᬦ᭄ᬢᬶᬮᬸᬓᬵᬃ᭞ᬲᬶᬓᬬᬾᬩᬸᬓᬵᬢᬶᬕ᭄ᬢᬶᬕ᭄᭞ᬓ
ᬓᬸᬭᬸᬗᬦ᭄ᬰᬮᬄᬕᬮᬓ᭄ᬢᬸᬃᬧ᭄ᬭᬕᬮ᭄ᬩᬵ᭟᭐᭟᭚ᬤᬹᬃᬫ᭄ᬫᬵ᭝ᬢᬦ᭄ᬓᭀᬘᬧᬵᬤᬶᬚᬮᬦ᭄ᬫᬕᬕ᭄ᬗ᭄ᬲᬭᬦ᭄᭞ᬧᬚᬮᬦ᭄ᬜᬦᬾᬲᬫᬶ᭞ᬓᭀᬘᬧᬳᬶᬩᬶᬦ᭄ᬤᬵᬃ᭞ᬫᬸᬮ᭄ᬬᬦ᭄ᬩᬋᬂᬳᬶᬚᬾᬗ᭄ᬕᭂᬮᬃ᭞ᬜ᭄ᬫᬓ᭄ᬲᭀᬫᬄᬫᬧᬲᬶᬳᬶᬦ᭄᭞ᬩᬾᬮᬦᬶᬦ᭄ᬢ᭄ᬬᬂ᭞
ᬦᬄᬚᬮᬦ᭄ᬩᬋᬂᬫᬢᬶ᭟ᬫᬳᬶᬫᬮᬸᬳᬶᬤᬵᬫᬩᬶᬦ᭄ᬢᬓ᭄ᬮᬶᬜᭂᬗᬦ᭄᭞ᬭᬸᬢᬸᬲᬬᬂᬫᬵᬲ᭄ᬫᬡᬶᬓ᭄᭞ᬫᬶᬯᬄᬳᬢ᭄ᬫᬵᬚᬶᬯᬵ᭞ᬫᬳᬶᬫᬺᬫ᭄ᬭᬢᬸᬫᬵᬲ᭄᭞ᬩ᭄ᬓᭂᬮᬶᬦ᭄ᬳ᭄ᬬᬂᬳᬓᬶᬓᬶᬢ᭄᭞ᬫᬸᬂᬧᬸᬂᬲᬓᬮ᭞ᬢᭀᬦ᭄ᬤᬾᬦ᭄ᬓᬭ᭄ᬯᬦ᭄ᬢ᭄ᬬᬂᬫᬢᬶ᭟ᬤᬤᬶᬗ᭄ᬮᬶᬂᬳ
ᬢᬸᬳᬬᬸᬅ᭄ᬫᬓᬤᬤ᭄ᬯ᭞ᬳᬭᬄᬤᬧ᭄ᬲᬸᬫᬸᬜᬶ᭞ᬳᬯᬓ᭄ᬳᬸᬧᬄᬕᬦᬮ᭄᭞ᬧ᭄ᬢ᭄ᬯᬶᬫᬢᬶᬤ᭄ᬧᬂ᭞ᬲᬮᬄᬳᬯᬓᬾᬩᬲ᭄ᬮᬢᬶᬕ᭄᭞ᬗᬮᬶᬄᬩᬩᬾᬤᬦ᭄᭞ᬳ᭄ᬤᬢᬦ᭄ᬤ᭄ᬭᬸᬄᬩᬸᬓᬚᬦᬶ᭟ᬳᬢᬸᬩᬕᬸᬲ᭄ᬗᬭᬲ᭄ᬢᬸᬃᬫᬗᬸ
[ ᭔᭑ 41A]
ᬲᬧ᭄ᬳᬸᬲᬧ᭄᭞ᬲᬶᬂᬧᬶᬲᬦ᭄ᬢ᭄ᬬᬂᬚᬦᬶ᭞ᬧᬘᬂᬫᬦᬦ᭄ᬤ᭄ᬭᬸᬳᬂ᭞ᬢ᭄ᬯᬄᬫᬶᬲᬤ᭄ᬬᬧᬶᬲᬦ᭄᭞ᬧᬘᬂᬤᬤᬶᬭᬸᬭᬸᬩ᭄ᬕᬸᬲ᭄ᬢᬶ᭞ᬧᬶᬂᬲᬧ᭄ᬝᬵᬩᬭᬵ᭞ᬳᬧᬂᬢ᭄ᬬᬂᬩᬋᬂᬫᬢᬶ᭟ᬢᬦ᭄ᬘᬭᬶᬢᬢᬶᬗ᭄ᬓᬳᬾᬫᬕᬕᬭᬶᬫᬦ᭄᭞ᬢ᭄ᬓᬳᬶᬋᬱ᭄ᬯᬧᬢᬶ᭞ᬕᭀ
ᬗ᭄ᬲᭀᬃᬢᬦ᭄ᬧᬯ᭄ᬓᬲ᭄᭞ᬦᬭᭀᬚᭀᬕ᭄ᬓᬧᬫᬺᬫᬦ᭄᭞ᬫᬳᬢᬹᬃᬤᬸᬄᬭᬢᬸᬫᬶᬚᬶᬮ᭄᭞ᬧ᭄ᬲᬸᬳᬶᬩᬶᬦ᭄ᬤᬃ᭞ᬗᬓ᭄ᬮᬯᬸᬢ᭄ᬗᭂᬦᭂᬫᬶᬦ᭄᭟ᬗᬸᬦᬶᬗᬬᬂᬲᬶᬓᭂᬧ᭄ᬭᬯᬸᬄᬳᭂᬫ᭄ᬧᭂᬢ᭄ᬧᬶᬲᬦ᭄᭞ᬦ᭄ᬭᬸᬕ᭄ᬢᬸᬕ᭄ᬘᭀᬓᭀᬃᬳᬶᬕᬸᬲ᭄ᬢᬶ᭞ᬫᬫᬸ
ᬜᬶᬳᬶᬩᬶᬦ᭄ᬤᬃ᭞ᬚᬾᬗ᭄ᬕᭂᬮᬃᬫᬳᬶᬧ᭄ᬲᬸᬯᬦ᭄᭞ᬧ᭄ᬲᬸᬳᬶᬚᬾᬗ᭄ᬕᭂᬮᬃᬫᬗ᭄ᬭᬭᬶᬲ᭄᭞ᬜᬸᬫ᭄ᬩᬄᬬᬦ᭄ᬕᬓ᭄᭞ᬫᭂᬧᭂᬲ᭄ᬮᬯᬸᬢ᭄ᬫᬫᬸᬜᬶ᭟ᬲᬧᬸᬦᬧᬶᬧᬘᬂᬧᬸᬧᬸᬢ᭄ᬧᬓᬬᬸᬦᬦ᭄᭞ᬳᬶᬩᬶᬦ᭄ᬤᬃᬫᬜᬳᬸᬢᬶᬦ᭄᭞ᬢᬸᬦ᭄ᬤᬾᬦᬂᬫᬗ᭄ᬮᬯ
ᬦ᭄᭞ᬳᬶᬫᬬᬓ᭄ᬱᬭᬵᬦᬸᬦᬲ᭄᭞ᬧᬘᬂᬗ᭄ᬮᬯᬦ᭄ᬫᬦᬦ᭄ᬤᬶᬗᬶᬦ᭄᭞ᬫᬧᬫᬶᬢ᭄ᬜᬸᬫ᭄ᬩᬄ᭞ᬫᬶᬚᬶᬮ᭄ᬳ᭄ᬬᬂᬫᬓᬵᬓᬮᬶᬄ᭟ᬲᬸᬩᬗᭂᬫ᭄ᬩᬸᬢ᭄ᬓᬸᬮ᭄ᬓᬸᬮᬾᬧᬲᬮᬾᬂᬢᬶᬫ᭄ᬩᬮ᭄᭞ᬲᬶᬓᭂᬧᬾᬲᬫᬶᬫᬶᬚᬶᬮ᭄᭞ᬢ᭄ᬤᬸᬦ᭄ᬓᬩᬜ᭄ᬘᬶᬗᬄ᭞ᬲᬲᬼᬢ᭄