[ ᭓᭔ 34B]
᭓᭔᭞
᭞ᬫᬓ᭄ᬚᬂᬢ᭄ᬮᬲ᭄ᬓᬧᬸᬭᬶ᭞ᬫᬦ᭄ᬕᬓ᭄ᬳᬢᬧ᭄᭞ᬤᬶᬦᬢᬢᬾᬫᬗᬦ᭄ᬢᬶ᭟ᬦᬾᬓᬳᭀᬚᭀᬕ᭄ᬢᬦ᭄ᬫᬭᬶᬭᬶᬂᬕ᭄ᬤᭀᬂᬭᬸᬲ᭄ᬮᬦ᭄᭞ᬢᭀᬗᭀᬲ᭄ᬜᬦᬾᬓᬢᬶᬗ᭄ᬓᬶᬮ᭄᭞ᬭᬶᬂᬕ᭄ᬤᭀᬂᬳᬳᬾᬮᬫ᭄᭞ᬫᬸᬭᬸᬩ᭄ᬕᬾᬫ᭄ᬧᬾᬮ᭄ᬩᬦ᭄ᬧ᭄ᬭᬤᬵ᭞ᬫᬢᬾᬫ᭄ᬩᭀ
ᬓ᭄ᬕᬫ᭄ᬩᬃᬧᬓ᭄ᬭᬶᬡᬶᬂ᭞ᬕ᭄ᬤᬾᬫᬜᬮᬕ᭄᭞ᬩᬸᬓᬵᬕᬸᬦᬸᬗᬾᬗᭂᬦ᭄ᬤᬶᬄ᭟ᬫᬗᬮᬯᬸᬢ᭄ᬳᬶᬧᬸᬱ᭄ᬧᬓᬵᬫᬗᬢᬹᬃᬭᬂ᭞ᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬫᬫᬸᬜᬶ᭞ᬭᬢᬸᬲᬵᬫ᭄ᬧᬸᬦᬵᬧᬓ᭄᭞ᬭᬯᬸᬄᬲᬫᬶᬫᬗᭂᬦᬄ᭞ᬭᬶᬂᬮᬶᬗ᭄ᬕᬶᬄᬘᭀᬓᭀᬃᬳᬶᬕᬸᬲ᭄ᬢᬶ᭞
ᬧ᭄ᬲᬸᬳᬶᬩᬶᬦ᭄ᬤᬵᬃ᭞ᬓᬭᭀᬮᬜ᭄ᬘᬶᬗᬦ᭄ᬕᭂᬲᬶᬢ᭄᭟ᬓ᭄ᬘᬸᬤ᭄ᬕᭂᬧᬂᬫᬤᬸᬮᬸᬃᬩᬋᬂᬳᬶᬚᬾᬗ᭄ᬕᭂᬮᬃ᭞ᬓ᭄ᬦᭂᬳᬵᬳᬶᬩᬸᬓ᭄ᬕᬢᬶ᭞ᬧᬗᭂᬫ᭄ᬓᭂᬦ᭄ᬤᬸᬓᬶᬢᬵ᭞ᬫᬢᬩᭂᬗᬸᬮ᭄ᬫᬢ᭄ᬭᬩᬂ᭞ᬲᬸᬫᬶᬗ᭄ᬓᬶᬦ᭄ᬗᬶᬫ᭄ᬩᬸᬄᬳᬶᬦ᭄ᬫᬦᬶᬲ᭄᭞ᬩᬕᬸᬲ᭄ᬫᬍᬜᬤ᭄᭞ᬲ᭄ᬩᭂ
ᬗᬾᬓᬯ᭄ᬮᬲᬰᬶᬄ᭟ᬮᬯᬸᬢ᭄ᬓᭂᬜᬶᬧ᭄ᬲᬸᬫᬸᬜᬶᬓᬯ᭄ᬮᬲᬃᬱᬵ᭞ᬩᬧᬩ᭄ᬮᬶᬫᬗ᭄ᬭᬭᬶᬲ᭄᭞ᬫᬮᬶᬗ᭄ᬕᬶᬄᬫᬸᬗ᭄ᬕᬳᬦ᭄᭞ᬭᬭᬶᬲ᭄ᬗᬚ᭄ᬗᬵᬂᬲ᭄ᬥᬄ᭞ᬭᬾᬄᬯᬾᬦ᭄ᬢᭂᬦ᭄ᬧᬘᬂᬓᬶᬤᬶᬓ᭄᭞ᬳᬢᬹᬭᬂᬢᬶᬢ᭄ᬬᬂ᭞ᬭᬾᬄᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭟
[ ᭓᭕ 35A]
ᬳᭂᬦ᭄ᬢᭀᬜᬫᬵᬜᬫᬦᬾᬘᬳᬶᬫᬓ᭄ᬚᬂ᭞ᬫᬳᬶᬤᭂᬲᭂᬓᬶᬦ᭄ᬩᭂᬮᬶ᭞ᬤᬶᬤ᭄ᬬᬦ᭄ᬫᬗᬓ᭄᭞ᬧᬸᬗ᭄ᬕᬯᬜᬫᬵᬮ᭄ᬬᬦ᭄᭞ᬫᬭᬲ᭄ᬓᭂᬦᭂᬄᬳᬵᬢᬦ᭄ᬲᬶᬧᬶ᭞ᬭᬾᬄᬳᬸᬮᬶᬂᬗ᭄ᬓᬸᬦᬵ᭞ᬢ᭄ᬓᭀᬢᬳᬾᬦ᭄ᬩᬸᬓᬵᬚᬦᬶ᭟ᬗᭂᬦᭀᬢ᭄ᬕᬸᬲ᭄ᬢᬶᬦ᭄ᬜᬦᬾᬳᬶᬩᬸᬓ᭄ᬧᬶᬲ
ᬦ᭄᭞ᬲᬸᬫᬸᬬᬸᬕ᭄ᬫᬢᬸᬃᬩᬓ᭄ᬢᬶ᭞ᬫᬓᬤᬶᬦᬾᬓᬾᬫᬦ᭄᭞ᬳᬤᬰᬵᬫᬗ᭄ᬕᬮᬜ᭞ᬳᬶᬬᬓ᭄ᬱᬭᬢᭀᬦᬾᬭᬶᬭᬶᬄ᭞ᬩᬕᬸᬲ᭄ᬩ᭄ᬯᬶᬦ᭄ᬩᬾᬢᬓ᭄᭞ᬓᬗ᭄ᬕᭀᬗᭂᬜ᭄ᬘᬦᬶᬦ᭄ᬲᬫᬶ᭟ᬫᬶᬯᬄᬤᬶᬗ᭄ᬤᬶᬂᬥᬥᬦᬾᬳᬶᬤ᭄ᬯᬶᬚᬓ᭄ᬱᬭᬵ᭞ᬳᬶᬢ᭄ᬭᬶᬬᬓ᭄ᬱ
ᬭᬫ᭄ᬳᬮᬶᬸᬄᬋᬗᬶᬦ᭄᭞ᬮᬦ᭄ᬳᬶᬲᬸᬤᬚ᭄ᬜᬦ᭞ᬫᬶᬯᬄᬳᬶᬲ᭄ᬯᬚ᭄ᬜᬦᬵ᭞ᬳᬶᬬᬓ᭄ᬱᬭᬢᭀᬫᬓᬵᬤᬶ᭞ᬮᬶᬦ᭄ᬳᬶᬍᬗ᭄ᬓᬭ᭞ᬳᬶᬫᬓᬭᬫᬋᬗᬶᬦ᭄᭟ᬫᬓᬫᬶᬯᬄᬳᬶᬉᬁᬗ᭄ᬓᬭᬢᭀᬦᬾᬓᬾᬫᬦ᭄᭞ᬳ᭄ᬤᬲᬓ᭄ᬱᬭᬫᬮᬶᬄ᭞ᬮᬦ᭄ᬳᬶᬢ
ᬢ᭄ᬯᬵᬓ᭄ᬱᬭᬵ᭞ᬫᬶᬯᬄᬳᬶᬲᬤᬓ᭄ᬱᬭᬵ᭞ᬳᬶᬯᬶᬓᬤ᭄ᬜᬦᬵᬫᬓᬤᬶ᭞ᬦᬾᬧᬶᬦᬶᬄᬢ᭄ᬯᬵᬳᬶᬳᭀᬗ᭄ᬓᬭᬵᬢᬦ᭄ᬫᬭᬶ᭟ᬦᬾᬦᬾᬯ᭄ᬦᬂᬲᬸᬫᬩᬾᬂᬧᬸᬭᬲᬤᬶᬦᬵ᭞ᬳᬶᬋᬱ᭄ᬯᬫᬳᬶᬧᬢᬶ᭞ᬮᬦ᭄ᬳᬶᬤᬶᬃᬕ᭄ᬕᬦ᭄ᬢᬓᬵ᭞ᬫᬶᬯᬄᬳᬶ
Kaca:Bali-lontar-gaguritan-smara-ratih-300ppi.pdf/35
Kaca puniki sampun kauji-wacén
