[ ᭓᭕ 35B]
ᬕᬦ᭄ᬢᬃᬚᬕᬢ᭄᭞ᬳᬶᬮᬶᬤᭀᬫᬸᬓᬵᬫᬋᬗᬶᬦ᭄᭞ᬢᭀᬫᬦ᭄ᬢ᭄ᬭᬶᬫᬸᬓᬵ᭞ᬳᬧᬃᬘ᭄ᬘᬵᬬᬵᬳᭀᬲᬫᬶ᭟ᬫᬓᬫᬶᬯᬄᬓᬮ᭄ᬬᬂᬲᬢᬓ᭄ᬧᬶᬢᬸᬮᬲ᭄᭞ᬦᬾᬧᬶᬢᬸᬮᬲ᭄ᬫᬗ᭄ᬭᬭᬶᬲ᭄᭞ᬫ᭄ᬦᬾᬓᬦ᭄ᬫᬦ᭄ᬕᬓ᭄᭞ᬫᭂᬧᭂᬲ᭄ᬮᬯᬸᬢ᭄ᬫᬜᬸ
ᬫ᭄ᬩᬄ᭞ᬫᬳᬢᬹᬃᬫᬢᬸᬂᬢᬸᬂᬳ᭄ᬮᬶᬂ᭞ᬓᬩᬢᭂᬓ᭄ᬩᬳᬦ᭄ᬩᬓ᭄ᬢᬶᬦ᭄ᬜᬦᬾᬫᬕᬸᬲ᭄ᬢᬶ᭟ᬳᬤᬳᬮᭀᬦ᭄ᬳᬢᬸᬭᬾᬳᬫ᭄ᬮᬤ᭄ᬧ᭄ᬭᬡᬵ᭞ᬳᬶᬗ᭄ᬕᬶᬄᬭᬢᬸᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦᬸᬦᬲ᭄᭞ᬳᬯᬦᬦ᭄ᬲᬶᬦᬫ᭄ᬬᬦ᭄᭞ᬧᬋᬓᬾᬦ᭄ᬘᭀᬓᭀᬃᬳᬶᬕᬸ
ᬲ᭄ᬢᬶ᭞ᬢ᭄ᬮᬲ᭄ᬓᭂᬲᬾᬗᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬫᬗ᭄ᬓᬶᬦ᭄᭟ᬫᬗ᭄ᬤᬾᬲᬵᬫ᭄ᬧᬸᬦ᭄ᬭᬢᬸᬢᬦ᭄ᬯᬾᬦ᭄ᬢᭂᬦ᭄ᬢᬭᬕ᭄ᬬ᭞ᬯᬶᬭᬾᬄᬲᬓᬤᬶᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬢᭂᬫ᭄ᬩᬧᬶᬲᬦ᭄᭞ᬢᬶᬢ᭄ᬬᬂᬭᬢᬸᬗᬦ᭄ᬢᭂᬦᬂ᭞ᬲ᭄ᬯᬪᬵᬯᬦ᭄ᬘᭀᬓᭀᬃᬳᬶᬕᬸᬲ᭄ᬢᬶ᭞ᬯᬶᬱ᭄ᬡ
ᬦᬾᬭᬸᬲᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬤᬶᬫᬗ᭄ᬓᬶᬦ᭄᭟ᬳᭂᬗ᭄ᬓᭀᬦ᭄ᬓᬭᬶᬗᭀᬩ᭄ᬢᬶᬦ᭄ᬭᬶᬂᬧᬓᬮᬸᬦᬦ᭄᭞ᬳᬯᬶᬦᬦ᭄ᬲᬧᬸᬦᬶᬓᬶ᭞ᬋᬦ᭄ᬢᭂᬄᬧᬯᬘᬦᬵ᭞ᬳᭂᬗ᭄ᬓᬾᬦ᭄ᬓᬭᬶᬲᬸᬫᭂᬗ᭄ᬓᬵ᭞ᬓ᭄ᬭᬯᭀᬲ᭄ᬧᬘᬂᬧᬗ᭄ᬭᭀᬩᭂᬤᬶᬦ᭄᭞ᬢᬶᬢ᭄ᬬᬂᬘᬭᬸᬯᬂ᭞ᬚ
[ ᭓᭖ 36A]
ᬕᬦᬧᬶᬳᬸᬩᬸᬳᬶᬦ᭄᭟ᬳᬶᬗᬦ᭄ᬲᬫᬶᬜᬦ᭄ᬤᬂᬗᬢᬹᬭᬂᬧᬗᬬᬄ᭞ᬫᬩ᭄ᬭᬶᬬᬸᬓ᭄ᬜᬸᬫ᭄ᬩᬄᬲᬫᬶ᭞ᬲᬦᬾᬓᬘᬶᬗᬓᬦ᭄᭞ᬧᬤᬫᬢᬹᬃᬫᬜᬸᬫ᭄ᬩᬄ᭞ᬧᬢᬸᬄᬫᬸᬜᬶᬦ᭄ᬜᬦᬾᬲᬫᬶ᭞ᬧᬤᬦᬸᬦᬲᬂ᭞ᬮᬯᬸᬢ᭄ᬫᬧᬫᬶᬢ᭄ᬫᬢᬶ᭟ᬤᬤᬶ
ᬓ᭄ᬜᬶᬂᬳᬶᬚᬾᬗ᭄ᬕᭂᬮᬃᬩᬋᬂᬳᬶᬩᬶᬦ᭄ᬤᬵᬃ᭞ᬧ᭄ᬲᬸᬫᬸᬜᬶᬦᬾᬫᬦᬶᬲ᭄᭞ᬩ᭄ᬮᬶᬲᬳᬶᬩᬧ᭞ᬢᬶᬢ᭄ᬬᬂᬫᬢᬸᬃᬳᬸᬦᬶᬗᬵ᭞ᬭᬶᬂᬩᬧᬵᬫᬓᬵᬤᬶᬩ᭄ᬮᬶ᭞ᬘᬳᬶᬫᬓ᭄ᬚᬂ᭞ᬓᬾᬯᬦ᭄ᬢᭂᬦ᭄ᬲᬫᬶᬳᬸᬦᬶᬂ᭟ᬳᬶᬩᬶᬲᭀᬭᬾᬢᬶᬢ᭄ᬬᬂᬫᬗ᭄ᬭᬜ᭄ᬚᬶᬂᬓᬚ᭄ᬭᭀ
ᬯᬦ᭄᭞ᬗ᭄ᬭᬸᬲᬓ᭄ᬓᬦ᭄ᬬᬵᬭᬶᬂᬧᬸᬭᬶ᭞ᬭᬶᬂᬓᬭᬂᬲᬶᬮᬸᬫᬦ᭄᭞ᬲᬋᬂᬢᬶᬢ᭄ᬬᬂᬳᬶᬚᬾᬗ᭄ᬕᭂᬮᬃᬳᭀᬓᬦ᭄ᬕᬸᬲ᭄ᬢᬶᬢ᭄ᬭᬂᬕᬸᬫᬶ᭞ᬧᬸᬗ᭄ᬕᬯᬵᬩ᭄ᬲᬃ᭞ᬢᬹᬃᬓᬾᬫᬦ᭄ᬭᬶᬂᬦᬵᬕᬭᬶ᭟ᬫᬗ᭄ᬤᬾᬩᬧᬵᬩ᭄ᬮᬶᬳᬶᬲᬶᬤᬵᬦᬯᬂ᭞ᬫᬵᬃᬕ᭄ᬕᬦ᭄ᬢᬶᬢ᭄ᬬᬗᬾ
ᬫᬢᬶ᭞ᬦᬵᬗ᭄ᬳᬶᬂᬤᬵᬜᭂᬜᭂᬢᬂ᭞ᬢᬶᬢᬄᬯᬶᬤ᭄ᬥᬶᬳᬤᬜ᭞ᬩᬧᬵᬩ᭄ᬮᬶᬫᬶᬯᬄᬘᬳᬶ᭞ᬤᬶᬦᬶᬧᬂᬫ᭄ᬮᬄ᭞ᬓᬮᬳᬶᬦ᭄ᬢᬶᬢ᭄ᬬᬂᬫᬢᬶ᭟ᬦᬄᬢᭀᬳᬧᬵᬚᬳᬤᬩᬸᬤ᭄ᬬᬂᬚ᭄ᬯᬂ᭞ᬢᬕᬶᬄᬢ᭄ᬓᬾᬦᬶᬂᬩ᭄ᬮᬶ᭞ᬓᬵᬃᬱᬬᬂᬭᬶᬂᬢᬶᬢ᭄ᬬᬂ᭞ᬫᬸᬂᬧᬸᬂ
Kaca:Bali-lontar-gaguritan-smara-ratih-300ppi.pdf/36
Kaca puniki sampun kauji-wacén
