[ ᭓᭓ 33B]
ᬚᬾᬗ᭄ᬕᭂᬮᬃ᭞ᬳᬭᬄᬳᬯᬲᬶᬕᬸᬲ᭄ᬢᬶ᭟ᬩᬗᬸᬦ᭄ᬓᭂᬤᬾᬓ᭄ᬳᬶᬚᬾᬗ᭄ᬕᭂᬮᬃᬳᬚᬓ᭄ᬳᬶᬩᬶᬦ᭄ᬤᬃ᭞ᬧᬲᬸᬅ᭄ᬲ᭄ᬩᭂᬗᬾᬓ᭄ᬜᬶᬂ᭞ᬲᬫ᭄ᬩᬶᬮ᭄ᬗᬸᬲᬧ᭄ᬳᬯᬓ᭄᭞ᬚᬾᬗ᭄ᬕᭂᬮᬃᬮ᭄ᬬᬢᬶᬦ᭄ᬳ᭄ᬬᬂ᭞ᬓᬾᬦᬾᬳᭀᬜᬤᭂᬓ᭄ᬤᭂᬓ᭄ᬲᬶᬢ᭄ᬲᬶᬢ᭄᭞ᬳᬶᬤᬫᬓ᭄ᬭᬡᬧ
ᬤᬲ᭄ᬮᬾᬂᬳᬭᬦᬶᬦ᭄᭟ᬦᬄᬳᬓᬾᬢᭀᬧᬗ᭄ᬭᬯᭀᬲᬵᬤᬤᬶᬍᬫᬄ᭞ᬫᬮᬶᬄᬲᬂᬯᬶᬭᬵᬓᬮᬶᬄ᭞ᬫᬧᬫᬶᬣ᭄ᬬᬩᬸᬤᬮ᭄᭞ᬫᬫᬸᬜᬶᬓᬾᬦ᭄ᬳᬶᬮᬸᬓᬵᬃ᭞ᬮᬯᬸᬢ᭄ᬓᬩᬳᬂᬓᬸᬮᬫ᭄ᬩᬶ᭞ᬦᬾᬭᬢᬸᬚ᭄ᬯᬂ᭞ᬲᬢ᭄ᬬᬂᬳ᭄ᬦᬸᬤᬶᬦᬶ᭟ᬧᬤᬧ᭄ᬲᬸ
ᬫᬗ᭄ᬮᬶᬸᬗ᭄ᬮᬯᬸᬢ᭄ᬚᬦᬶᬫᬚᬮᬦ᭄᭞ᬤᬦᬾᬲᬂᬯᬶᬭᬵᬓᬮᬶᬄ᭞ᬳᬶᬩᬸᬓᬾᬓᬮᬶᬯᬢ᭄᭞ᬗᬺᬭᬦ᭄ᬢᬸᬦ᭄ᬲᬶᬂᬲᬶᬂᬚᬵᬮᬦ᭄᭞ᬳᬢ᭄ᬫᬦᬾᬓ᭄ᬘᬕ᭄ᬤᬶᬧᬸᬭᬶ᭞ᬓ᭄ᬭᬡᬬᬲᬮ᭄ᬲᬮ᭄᭞ᬧᬚᬮᬦ᭄ᬜᬦᬾᬫᬸᬮᬶᬄ᭟ᬫᬓᬧᬢᬦ᭄ᬧᬮᬦᬾᬳᭀᬳᭀ
ᬦ᭄ᬧᬶᬲᬦ᭄᭞ᬚᬗ᭄ᬓᬺᬂᬚᬗ᭄ᬓᬺᬂᬫᬦᭀᬮᬶᬄ᭞ᬩ᭄ᬗᭀᬂᬫᬧᬗᭂᬦᬦ᭄᭞ᬫᬵᬃᬡ᭄ᬦᬤᬶᬧᬲᬯᬗᬦ᭄᭞ᬬᬾᬦ᭄ᬓᬾᬦ᭄ᬓᬾᬦ᭄ᬭᬲᬜᬚᬦᬶ᭞ᬳᬶᬤᬵᬭᬢᬸᬫᬵᬲ᭄᭞ᬩᬦᬾᬓᬮᬳᬶᬦ᭄ᬫᬸᬮᬶᬄ᭟ᬲᬸᬩᬲᬜ᭄ᬚᬩᬳᬸᬫᬭᬢ᭄ᬓᭂᬤ᭄ᬚᬸᬫᬄ
[ ᭓᭔ 34A]
᭞ᬗᭀᬚᭀᬕ᭄ᬧᬫᬺᬫᬦ᭄ᬗᭂᬮᬶᬂ᭞ᬫᬕᬸᬬᬂᬫᬸᬮᬶᬲᬄ᭞ᬩᬋᬂᬳᬚᬓ᭄ᬳᬶᬚᬾᬗ᭄ᬕᭂᬮᬃ᭞ᬧᬤᬧᬲᬮᬾᬂᬤ᭄ᬓᭂᬲᬶᬦ᭄᭞ᬳᬶᬗ᭄ᬕᬶᬄᬩᬯᭀᬲᬂ᭞ᬦᬧᬶᬯᬱ᭄ᬝᬜᬫᬗ᭄ᬓᬶᬦ᭄᭟ᬗ᭄ᬕᬶᬄᬯᬶᬦᭂᬳᬶᬦ᭄ᬤᬸᬓᬶᬢᬦ᭄ᬳᬶᬧᬸᬦᬾᬧᬶᬲᬦ᭄᭞ᬦ᭄ᬢᭀᬭᬳᬶ
ᬦ᭄ᬘᭀᬓᭀᬃᬕᬸᬲ᭄ᬢᬶ᭞ᬓᬾᬗᬶᬦ᭄ᬓᬗᭂᬦ᭄ᬢᬶᬢ᭄ᬬᬂ᭞ᬳᬶᬩᬶᬦ᭄ᬤᬵᬃᬮᬯᬸᬢ᭄ᬦᬶᬫ᭄ᬩᬮ᭄᭞ᬫᬢᬸᬂᬢᬸᬂᬬᬾᬄᬫᬢᬵᬗ᭄ᬮᬶᬂ᭞ᬲᬺᬢ᭄ᬫᬸᬜᬶᬜ᭞ᬲᬶᬂᬤᬩᬶᬦᬵᬜᬕᬸᬲ᭄ᬢᬶ᭟ᬚᬦᬶᬚᬮᬦ᭄ᬤᬩ᭄ᬤᬩᬂᬧᬶᬲᬦ᭄ᬓᬃᬯᬦ᭄᭞ᬬᬾᬦ᭄ᬳᬶᬤᬸᬧ᭄ᬢᭀᬬᬾᬦ᭄ᬫᬢᬶ᭞ᬳᬄ
ᬢᭀᬂᬜᬦ᭄ᬤᬂᬢ᭄ᬬᬂ᭞ᬓᬾᬦᬾᬧᬘᬂᬗᬼᬍᬦ᭄ᬢᬓ᭄᭞ᬓᬲᬗ᭄ᬲᬭᬩᬸᬓᬵᬚᬦᬶ᭞ᬫᬮᬫᬮᬜ᭞ᬧᬂᬧᬶᬲᬦ᭄ᬧᬶᬲᬦ᭄ᬫᬢᬶ᭟ᬮᬳᬸᬢ᭄ᬦᭀᬮᬶᬄᬗᬸᬮᬧᬶᬦ᭄ᬦᬸᬦ᭄ᬤᬾᬦ᭄ᬧᬋᬓᬦ᭄᭞ᬧᬸᬱ᭄ᬧᬓᬵᬮ᭄ᬯᬲ᭄ᬢᬦᬶ᭞ᬫᬢᬢᬹᬃᬭᬢᬬᬂ᭟
ᬳᭀᬜᬂᬫᬓ᭄ᬚᬂᬳᬢᬕ᭄᭞ᬲᬜᬫᬜᬫᬜᬶᬸᬦᬾᬤᬶᬦᬶ᭞ᬫᬶᬯᬄᬓᬮ᭄ᬬᬂ᭞ᬲᬦᬾᬢ᭄ᬓᬾᬦᬶᬂᬓᬳᬶ᭟ᬲᬸᬩᬮ᭄ᬯᬲ᭄ᬳᬶᬧᬸᬦ᭄ᬱ᭄ᬧᬓᬵᬓᬾᬦ᭄ᬳᬶᬫᬬᬵ᭞ᬢᬹᬃᬫᬳᬢᬹᬃᬫᬫᬸᬜᬶ᭞ᬢ᭄ᬓᬾᬦᬶᬂᬓᬮ᭄ᬬᬂ᭞ᬫᬶᬯᬄᬭᬶᬂᬧ᭄ᬭᬧᬸᬗ᭄ᬕᬯᬵ
Kaca:Bali-lontar-gaguritan-smara-ratih-300ppi.pdf/34
Kaca puniki sampun kauji-wacén
