[ ᭓᭒ 32B]
᭓᭒᭞ᬗᬳᬾᬤᬬᬤᬤᬓᬦ᭄᭟ᬫ᭄ᬤᭂᬫ᭄ᬮᬯᬸᬢ᭄ᬫᬓᬤᬤ᭄ᬯ᭞ᬳᬶᬮᬸᬓᬵᬃᬧᬸᬍᬲ᭄ᬫᬗᭂᬗ᭄ᬓᬶᬲ᭄᭞ᬳᬶᬚᬾᬗ᭄ᬕᭂᬮᬃᬩᬋᬂᬳᬶᬩᬶᬦ᭄ᬤᬵᬃ᭞ᬫᬧᬶᬳᬶᬧᬶᬬ᭄ᬫᬓᬓᬮᬶᬄ᭞ᬫᬶᬬᭂᬕᬦ᭄ᬲᬮᬾᬂᬢᬶᬕ᭄ᬢᬶᬕ᭄᭞ᬫᬕᬸᬚᭂᬕ᭄ᬧᬲᬮᬾᬂᬕᬯᬸᬓ᭄᭞ᬫᬚᬸᬋᬢ᭄ᬲᬮᬾᬂ
ᬢᬶᬜ᭄ᬚᬓ᭄᭞ᬫᬕ᭄ᬮᬸᬢ᭄ᬧᬲᬮᬾᬂᬮᬶᬮᬶᬢ᭄᭞ᬧᬤᬓ᭄ᬭᭀᬤᬵ᭞ᬍᬗᭂᬤ᭄ᬳᬶᬬᬵᬫᬧᬸᬲᬶᬗᬦ᭄᭟ᬫᬗᬺᬤᭂᬕ᭄ᬳ᭄ᬬᬫᬕᬸᬮᬸᬗᬦ᭄᭞ᬗ᭄ᬢᭀᬃᬦ᭄ᬤᭀᬗᭀᬶᬸᬳᭀᬰᬗ᭄ᬓᬶᬄᬳᬗ᭄ᬓᬶᬄ᭞ᬩᬦ᭄ᬩᬶᬲᬦ᭄ᬜᬦᬾᬫ᭄ᬩᬶᬓᬲᬂ᭞ᬫᬳᬶᬭᬶᬩ᭄ᬯᬮᬸᬬᬚᬢᬶ᭞ᬲᬶᬧᬶᬲᬦ᭄ᬫᬢ᭄ᬭ
ᬫᬶᬭᬶᬩ᭄᭞ᬫᬗ᭄ᬭᬕ᭄ᬭᬕ᭄ᬳᬗᬦ᭄ᬳᬢ᭄ᬧᬸᬂ᭞ᬢ᭄ᬓᬧᬗᬸᬰᬗᭂᬢ᭄ᬢᬵ᭞ᬫᬗᬳᬾᬩᬶᬓᬲ᭄ᬫᬗᬶᬧᬶ᭞ᬫᬗ᭄ᬤᬾᬲᬭᬸᬩᬳᬦᬾᬋᬫᬸᬓ᭄ᬓᬕᬲ᭄ᬕᬲ᭄᭟᭐᭟᭚ᬤᬹᬃᬫ᭄ᬫᬵ᭝ᬤᬤᬶᬕ᭄ᬮᬳᬶᬮᬸᬓᬵᬃᬩᬗᬸᬦ᭄ᬫᬮ᭄ᬬᬢ᭄᭞ᬫᬘ᭄ᬩᬸᬃᬫᬓᬓᬭᬶᬕ᭄᭞ᬦᬾᬗᬸᬤ᭄ᬤᬵ
ᬳᬤᬜ᭞ᬫᬜ᭄ᬚ᭄ᬭᬶᬢ᭄ᬳ᭄ᬬᬫᬓᬯᬸᬓᬦ᭄᭞ᬳᬢᬸᬤᬾᬅ᭄ᬢᬸᬤᬾᬅ᭄ᬫᬢᬗᬶ᭞ᬗᬸᬤᬳᬤᬜ᭞ᬫᬧᬸᬦ᭄ᬢᭂᬮ᭄ᬲᬮᬾᬂᬢᬶᬕ᭄ᬢᬶᬕ᭄᭟ᬤᬤᬶᬫᭂᬦ᭄ᬤᭂᬧ᭄ᬩᬶᬓᬲ᭄ᬘᬭᬓᬰ᭄ᬘᬭᬓᬧᬸᬧᬸᬗᬦ᭄᭞ᬧᬮᬶᬂᬫᬗᭀᬕᭀᬤᬶᬂᬤᬶᬂ᭞ᬳᭀᬬᭀᬂᬳᭀᬬᭀᬂ
[ ᭓᭓ 33A]
ᬗᬓ᭄᭞ᬗᬶᬤᭂᬫ᭄ᬮᬯᬸᬢ᭄ᬫᬲᬤᬄ᭞ᬳᬶᬮᬸᬓᬵᬃᬬᬫᬗᭂᬤᬾᬓᬶᬦ᭄᭞ᬦᬾᬳᬶᬧᬶᬢ᭄ᬓ᭄ᬭᬸᬭᬵ᭞ᬢ᭄ᬯᬭᬵᬫᬦᬯᬂᬳᭂᬲᬶᬂ᭟ᬓᬚ᭄ᬫᬓᬂᬘᬭᬢᬦ᭄ᬮᬯᬸᬢ᭄ᬓᬳᬸᬜ᭄ᬘᬃ᭞ᬩᬦ᭄ᬢᬶᬬᬾᬄᬚᬗ᭄ᬓᬍᬘᬶᬂ᭞ᬳᬶᬮᬸᬓᬵᬃᬗᬾᬗ᭄ᬕᬮᬂ᭞ᬗᬧᬾᬃᬦᬸᬦ᭄ᬤᬸᬦ᭄ᬧᬋᬓᬦ᭄
᭞ᬦᬄᬚ᭄ᬫᬓ᭄ᬧᬤᬫᬩ᭄ᬲᬶᬓ᭄᭞ᬕᬶᬲᬶᬧᭂᬋᬫᬂ᭞ᬳᭂᬩᬳᬂᬲᬸᬩᬵᬚᬦᬶ᭟ᬤᬤᬶᬓ᭄ᬤᬾᬓ᭄ᬳᬶᬮᬸᬓᬵᬃᬳᬚᬓ᭄ᬫᬓ᭄ᬚᬂ᭞ᬲᬦᬾᬩᬗᬸᬦ᭄ᬦᬸᬮᬸᬗᬶᬦ᭄᭞ᬫᬩᬤᬶᬂᬳᬶᬩᬶᬦ᭄ᬤᬃᬧ᭄ᬲᬸᬫᬸᬜᬶᬓᬩᬗᬦ᭄᭞ᬚᬾᬗ᭄ᬕᭂᬮᬃᬩᬗᬸᬦ᭄ᬳ᭄ᬬᬂᬍᬲᬶᬂ᭞ᬩᬦ᭄ᬧ
ᬜᬸᬄᬭᬫᬬᭀᬂ᭞ᬜᬶᬭᬫ᭄ᬳᭀᬜᬳ᭄ᬬᬂᬍᬘᬶᬂ᭟ᬤᬤᬶᬳᭂᬗ᭄ᬓᭂᬮ᭄ᬳᬶᬮᬸᬓᬵᬃᬓ᭄ᬤᬾᬓ᭄ᬫᬕᬸᬬᬂ᭞ᬢᭀᬂᬤᬤᬶᬧ᭄ᬲᬸᬫᬸᬜᬶ᭞ᬳᬶᬚᬾᬗ᭄ᬕᭂᬮᬃᬦᬓᭀᬦᬂ᭞ᬢᬸᬤᬾᬅ᭄ᬓᭂᬦᬧᬵᬳ᭄ᬬᬂ᭞ᬤᬤᬶᬧᭂᬤᬶᬄᬳᭀᬜᬲᬶᬢ᭄ᬲᬶᬢ᭄᭞ᬓ᭄ᬤᬾ
ᬓ᭄ᬳᬶᬮᬸᬓᬃ᭞ᬢᭂᬕ᭄ᬢᭂᬕᬤᬸᬫᬸᬦ᭄ᬫᬗ᭄ᬓᬶᬦ᭄᭟ᬜᬦᬦ᭄ᬭᬢᬸᬢᬶᬢ᭄ᬬᬂᬫᬗᬢᬸᬭᬂᬓᬦ᭄ᬥᬵ᭞ᬘᭀᬓᭀᬃᬳᬶᬕᬸᬲ᭄ᬢᬶᬳᬧᬶᬢ᭄᭞ᬦᬯᬶᬫᬜᬸᬫ᭄ᬧ᭄ᬦᬵ᭞ᬓᬾᬗᬶᬦ᭄ᬧᬲᬮᬾᬂᬋᬕᬲ᭄᭞ᬦᬯᬶᬲ᭄ᬯᬧ᭄ᬦᬦᬾᬕᬸᬲ᭄ᬢᬶ᭞ᬓ᭄ᬤᬾᬓ᭄ᬳᬶ
Kaca:Bali-lontar-gaguritan-smara-ratih-300ppi.pdf/33
Kaca puniki sampun kauji-wacén
