Kaca:Bali-lontar-gaguritan-smara-ratih-300ppi.pdf/32

Saking Wikisource
Kaca puniki sampun kauji-wacén

[ ᭓᭑ 31B]
᭓᭑᭞
ᬦ᭄ᬧᬶᬂᬧᬢ᭄᭟ᬳ᭄ᬦᬸᬗ᭄ᬮᬶᬂᬓᬗᭂᬦ᭄ᬧᬶᬲᬦ᭄᭞ᬕᬸᬲ᭄ᬢᬶᬳᬬᬸᬫᬓᬓᬮᬶᬄ᭞ᬲᬶᬳ᭄ᬲᬶᬕᭂᬦ᭄ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬕᬸᬲ᭄ᬢᬶᬫᬕᬸᬲ᭄ᬫᬧᬲᬶᬳᬶᬦ᭄᭞ᬫ᭄ᬦᭃᬂᬭᬢᬸᬤᬅ᭄ᬦᬗᬶᬲ᭄᭞ᬕᬶᬲᬶᬓ᭄ᬦᭂᬄᬢ᭄ᬬᬗᬾᬭᬢᬸ᭞ᬲᬶᬂᬢ᭄ᬬᬂᬗᬸᬢᬂᬢᬶᬤᬵ᭞ᬚᬮᬄᬭᬢᬸᬩᬋᬂ
ᬫᬢᬶ᭞ᬤᬤᬶᬜᬜᬤ᭄ᬳ᭄ᬬᬂᬘ᭄ᬩᬸᬭᬶᬜᬳᬶᬤᬵ᭟ᬕᬸᬲ᭄ᬢᬶᬳᬬᬸᬫᬓᬵᬤᬤ᭄ᬯᬵ᭞ᬦᬗ᭄ᬓᬲᬂᬮᬯᬸᬢ᭄ᬫᬫᬸᬜᬶ᭞ᬓ᭄ᬫᬫᬸᬮᬶᬄᬲᬸᬩᬵᬍᬫᬸᬄ᭞ᬜᭂᬦ᭄ᬳᬤᬵᬳᬦᬓ᭄ᬦᭂᬧᬸᬓᬶᬦ᭄᭞ᬕᬸᬲ᭄ᬢᬶᬳᬩᬕᬸᬲ᭄ᬫᬗᬩᬶᬦ᭄᭞ᬗᬸᬲᬸᬤ᭄ᬳᬸᬲᬸᬤ᭄ᬲᬫ᭄ᬩᬶᬮ᭄‌ᬗ᭄ᬭᬸᬫ᭄ᬭᬸᬫ᭄᭞ᬳᬄᬭᬢᬸᬲ
ᬓᬶᬢ᭄ᬧᬶᬲᬦ᭄᭞ᬩᬲ᭄ᬋᬫᬸᬓ᭄ᬫᬦᬦ᭄ᬤᬂᬓᬦᬶᬦ᭄᭞ᬫᬗ᭄ᬓᬶᬦ᭄ᬢ᭄ᬬᬂᬧ᭄ᬲᬸᬫᬗᬮᬳᬶᬦ᭄ᬳᬶᬤᬵ᭟ᬢᭀᬳᬧᬳᬤᬜᬢ᭄ᬬᬂ᭞ᬫᬗᬮᬳᬶᬦ᭄ᬳᬶᬤᬵᬫᬸᬮᬶᬄ᭞ᬢᭀᬗ᭄ᬮᬲ᭄ᬓᭀᬭᬢᬸᬢ᭄ᬬᬂ᭞ᬲᬓᬶᬢᬦ᭄ᬢᭂᬓᬾᬦᬶᬂᬫᬢᬶ᭞ᬤ᭄ᬧᬂᬢ᭄ᬬᬂᬗᭂᬓᭂᬲ᭄ᬤᬶᬦᬶ᭞ᬫᬶᬭᬶᬩ᭄ᬢ᭄ᬬᬂᬢ
ᬓᬸᬢ᭄ᬭᬢᬸ᭞ᬧᬘᬂᬫᬾᬮᬦᬶᬦ᭄ᬳᬶᬤᬵ᭞ᬭᬢᬸᬳᬬᬸᬫᬜᬯᬸᬢᬶᬦ᭄᭞ᬗᬸᬤᬵᬓᬾᬢᭀᬓᬧᭀᬲᬶᬂᬧᬶᬲᬦ᭄ᬗᭂᬦᭂᬳᬂ᭟ᬢᭀᬳᬧᬓᭀᬦᬾᬳᬤᬦᬵ᭞ᬬᬾᬦ᭄ᬓᬾᬢᭀᬓ᭄ᬦᭂᬳᬾᬚᬦᬶ᭞ᬳᬯᬓ᭄ᬗᬓᬸᬓᭀᬦᬾᬢᬺᬱ᭄ᬡᬵ᭞ᬲᬾᬫ᭄ᬢᭀ
[ 32A]
ᬦ᭄ᬤᬾᬦ᭄‌ᬳᬾᬗ᭄ᬕᬮᬦ᭄ᬫᬢᬶ᭞ᬲᬂᬓᬮᬶᬄᬫᬜᬯᬸᬢᬶᬦ᭄᭞ᬫᬢᬸᬗ᭄ᬢᬸᬂᬬᬾᬄᬫᬢᬗ᭄ᬭᬸᬫ᭄ᬭᬸᬫ᭄᭞ᬘᬶᬗᬓ᭄ᬳᬦᬓ᭄ᬫᬤᬩ᭄ᬤᬩᬦ᭄᭞ᬫᬓᬫ᭄ᬩᭂᬦ᭄ᬳ᭄ᬬᬗᬦ᭄ᬢ᭄ᬬᬂᬫᬸᬮᬶᬄ᭞ᬗᭂᬜᬶᬢ᭄ᬲᬸᬦ᭄ᬤᬶᬄᬮᬯᬸᬢ᭄ᬦᭂᬕᬓ᭄᭞ᬳᬧᬂᬲᬩᬸᬓᬂᬳᬓᬶᬓᬶᬢ᭄᭞ᬲᬗ᭄ᬓᬸ
ᬳᬸᬩᬾᬳᭂᬜ᭄ᬚᬸᬳᬶᬦ᭄᭞ᬤᬾᬄᬓᬾᬲᬬᬂᬳᬦᬓᬵᬕᬸᬂ᭞ᬦᬄᬓᬾᬧᬳᭂᬫ᭄ᬩᬲᬾᬫᬶᬭᬄ᭞ᬩ᭄ᬓᭂᬮᬶᬦ᭄ᬢ᭄ᬬᬂᬳᬓᬶᬓᬶᬢ᭄᭞ᬦᬄᬤᬅ᭄ᬧᭂᬗ᭄ᬓᬸᬂᬳᬶᬤ᭄ᬧᬂᬧᬫᬸᬜᬶᬦ᭄ᬢ᭄ᬬᬂ᭟ᬳᬭᬄᬗᬸᬤᬵᬲᬶᬳᬤᬵᬜ᭞ᬫᬧᬾᬮᬕ᭄ᬧᬾᬮᬕᬦ᭄ᬫᬸᬜᬶ᭞ᬦᬄᬓ᭄ᬫᬵᬲᬸ
ᬩᬫᬓᬳᬤ᭄᭞ᬜᬾᬦ᭄ᬲᬶᬤ᭄ᬫᭂᬦ᭄ᬗᭂᬦ᭄ᬤᭂᬓ᭄ᬤᬶᬦᬶ᭞ᬓ᭄ᬜᭂᬫ᭄ᬲᬂᬯᬶᬭᬵᬓᬮᬶᬄ᭞ᬲᬶᬂᬚᬧ᭄ᬭᬄᬓᬾᬢᭀᬭᬢᬸ᭞ᬮᬕᬸᬢ᭄ᬢ᭄ᬬᬗᬾᬲᬮᬄ᭞ᬤᭀᬂᬤᬓᬾᬭᬢᬸᬫᬸᬘᬶᬗᬶᬦ᭄᭞ᬩᬳᬂᬧᬜ᭄ᬚᬓ᭄ᬳᬶᬤᬦᬾᬫᬦᬸᬦᬲ᭄ᬲᭂᬧᬄ᭟ᬓᬲᭂᬲᭂᬄᬬᬓᬓᬩᬼᬢᬂ
᭞ᬢᬸᬢᬸᬢ᭄ᬕᬸᬲ᭄ᬢᬶᬳᬬᬸᬓᬮᬶᬄ᭞ᬲᬸᬳᬸᬤ᭄ᬳ᭄ᬬᬂᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄᭞ᬮᬯᬸᬢ᭄ᬧᭂᬲᬸᬫᬓᬓᬮᬶᬄ᭞ᬜᭀᬢᬾᬫᬲᬶᬗ᭄ᬲᭂᬢ᭄ᬕᭂᬦ᭄ᬢᬶᬂ᭞ᬧ᭄ᬭᬬᬢ᭄ᬦᬫᬚᬮᬦ᭄‌‌ᬧ᭄ᬲᬸ᭞ᬲᬸᬩᬚᬦᬶᬤᬶᬚᬩ᭞ᬤᬤᬶᬗᬮᬶᬄᬓᬤᬶᬓᬤᬶ᭞ᬫᬗ᭄ᬤᬾᬲᬭᬸ᭞ᬫ