Kaca:Bali-lontar-gaguritan-semaun-300ppi.pdf/39

[᭓᭘ 38B]
᭓᭘
ᬕᬥᬶᬂ᭞ᬢᬸᬮᬮᬾᬧ᭄ᬭᬚᬸᬭᬶᬢᬶᬭ᭞ᬩᬲᬄᬢᬶᬕᬳᬯᬓ᭄ᬦᬾᬓᬶ᭞ᬩᬸᬦ᭄ᬢᬸᬢ᭄ᬧᬭᬧ᭄ᬭᬚᬸᬭᬶᬢ᭄᭞ᬲᬫᬗᬸᬦ᭄ᬢᭂᬗᭂᬭᬦ᭄ᬩᬸᬓᬸᬂ᭞ᬮᬚᭃᬗᬦᭂᬫ᭄ᬧᬸᬄᬫᭂᬲᬄ᭞ᬲᬯᬤ᭄ᬬᬲᬋᬂᬗᭂᬩ᭄ᬬᬓᬶ᭞ᬲᬫᬶᬦᬶᬢᬶᬄ᭞ᬢᬸᬭᬗ᭄ᬕᬲᬩᬮᬦᬶᬭ᭟
ᬯ᭄ᬯᭀᬂᬓᬧᬶᬃᬲᬯᬦᬾᬄᬗᬸᬘᬧ᭄᭞ᬳᬾᬄᬓᭀᬜ᭄ᬘᬤᬾᬦᬢᬶᬳᬢᬶ᭞ᬮᬄᬢᬳᬶᬓᬶᬳᬶᬬᬢᬧ᭞ᬧ᭄ᬭᬚᬸᬭᬶᬢ᭄ᬓᬂᬗᬫᬹᬓ᭄ᬤᬶᬗᬶᬦ᭄᭞ᬓᬂᬓᬧᬧᬓ᭄ᬫᬹᬓ᭄ᬗᬸᬦᬶ᭞ᬳᬦᬸᬫ᭄ᬧᭂᬲ᭄ᬯᭀᬂᬧᬢᬂᬧᬸᬮᬸᬄ᭞ᬗ᭞ᬇᬓᬓᬕᬶᬮᬶᬮ᭞ᬯ᭄ᬯᭀᬂ
ᬓᬧᬶᬃᬲᬋᬂᬗᭂᬩ᭄ᬬᬓᬶ᭞ᬲᬾᬦᬧᬢᬶᬄ᭞ᬲᬫᬗᬸᬦᬗᭂᬩ᭄ᬬᬸᬓ᭄ᬓᬢᬄ᭟ᬲᬫᬗᬸᬦ᭄ᬰᬷᬖ᭄ᬭᬓᬶᬦᭂᬧᬂ᭞ᬓᬦᬦ᭄ᬓᬾᬭᬳᬃᬱᬳᬸᬭᬶ᭞ᬲᬶᬦᭀᬭᬾᬗᬶᬕᬦ᭄ᬢᬸᬭᬢᬦ᭄᭞ᬲᬫᬗᬸᬦ᭄ᬓ᭄ᬭᭀᬥᬫᬯᬺᬤᬶ᭞ᬳᬲᬶᬂᬲᬶᬦᭂᬭᬂᬫᬵᬢᬶ᭞ᬓᬂ
ᬯᬗ᭄ᬓᬾᬲᬸᬲᬸᬦᬢᬶᬫ᭄ᬩᬸᬦ᭄᭞ᬧ᭄ᬭᬚᬸᬭᬶᬢᬶᬓᬂᬧᭂᬚᬄ᭞ᬳᬦ᭄ᬤᭂᬮᬶᬭᬓ᭄ᬬᬦᬧᬢᬶᬄ᭞ᬳᬗ᭄ᬲᬮ᭄ᬳᬸᬢᬸᬲ᭄᭞ᬧ᭄ᬭᬚᬸᬭᬶᬢᬶᬓᬂᬧᬮᬢ᭄ᬭ᭟ᬲᬓᬭᬶᬦᬾᬳᬶᬓᬂᬧᭂᬚᬄ᭞ᬮᬸᬫᬬᬸᬳᬋᬩᬸᬢ᭄ᬳᬸᬭᬶᬧ᭄᭞ᬲᬫᬗᬸᬦᬦ᭄ᬭᬚᬗᬶᬯ᭄ᬯᬂ᭞ᬓ
[᭓᭙ 39A]
ᬤ᭄ᬬᬪᬸᬢᬳᬦ᭄ᬤᭀᬦ᭄ᬫᬗ᭄ᬕᬶ᭞ᬩᬲᬄᬢᬶᬢᬶᬕᬲᬫᬶ᭞ᬲᬯᬤ᭄ᬬᬲᬋᬂᬳᬦᭂᬫ᭄ᬧᬸᬄ᭞ᬫ᭄ᬭᬯᬤ᭄ᬬᬩᬮᬓᭀᬧᬃᬓᬤ᭄ᬬᬩᬩᬢ᭄ᬢᬶᬕᬸᬂᬧᬘᬶᬂ᭞ᬓᬤᬶᬗ᭄ᬭᬫ᭄ᬧᬲ᭄᭞ᬯᬶᬮᬸᬫ᭄ᬩᬸᬦᬘᬄᬲᭂᬫᭀᬗ᭄ᬓᬵ᭟ᬯ᭄ᬯᭀᬂᬓᬧᬸᬃᬕᬾᬕᬾᬃᬧᬸᬬᭂᬗ
ᬦ᭄᭞ᬤᬢᬦᬦ᭄ᬢᬸᬓᬧᬸᬧᬸᬮᬶᬄ᭞ᬲᬶᬗᬳᬶᬓᬂᬧᬕᬄᬕᭂᬚᬄ᭞ᬮᬸᬫᬬᬸᬳᬦ᭄ᬤᬂᬓᬦᬶᬦ᭄᭞ᬯ᭄ᬯᭀᬂᬳᬶᬲ᭄ᬮᬫ᭄ᬧ᭄ᬭᬂᬦᬾᬓᬶ᭞ᬓᬤᬶᬲ᭄ᬗᬶᬍᬲ᭄ᬳᬭᬩ᭄ᬲᭂᬫᬸᬢ᭄᭞ᬯᬗ᭄ᬓᬾᬲᬸᬲᬸᬦᬢᬸᬫ᭄ᬧᬓ᭄᭞ᬮ᭄ᬩᬸᬓᬍᬩᬦᬶᬕ᭄ᬢᬶᬄ᭞ᬢ᭄ᬫᬄᬚ᭄ᬕᭀᬩ᭄᭞ᬲᬩᬸ
ᬗᬾᬓᬂᬫᬥᬧ᭄ᬚᬄ᭟ᬯᬗ᭄ᬓᬾᬦ᭄ᬬᬯᬳᬦ᭞ᬮ᭄ᬯᬶᬃᬲᬭᬄᬕᬸᬗᬶᬧᬧᭂᬢᬶ᭞ᬯ᭄ᬯᭀᬂᬳᬶᬲ᭄ᬮᬫ᭄ᬯᬤᬶᬲ᭄ᬲᬯᬶᬤᬓ᭄᭞ᬧᬸᬦᬶᬓᬧ᭄ᬭᬲᬫᬶᬓᬦᬶᬦ᭄᭞ᬮᬯᬦ᭄ᬲᬫᬗᬸᬦ᭄ᬧᬗ᭄ᬕᬶᬄ᭞ᬲᬲᬫ᭄ᬩᬸᬢᬶᬭᬫᬲᬹᬮᬲᬬᬸᬦ᭄᭞ᬲᬫᬗᬸᬦ᭄ᬓᬸ
ᬮ᭄ᬳᬫᬶᬢᬲ᭄᭞ᬲᬧᬭᬶᬳᬦ᭄ᬤᬶᬓᬯᬭᬶᬄ᭞ᬤ᭄ᬬᬦ᭄ᬲᬫᬗᬸᬦ᭄᭞ᬳᬗᬘᬸᬂᬓᭂᬦ᭄ᬧᬦᬸᬤᬸᬄᬲ᭟ᬳᬸᬫᬦ᭄ᬩᬸᬂᬓᬤᬶᬧᬦᬸᬕᬸᬭᬦ᭄᭞ᬓᬂᬢᭀᬬᬓᬮᬗ᭄ᬓᬸᬂᬯᬦᬶ᭞ᬧ᭄ᬭᬚᬸᬭᬶᬢᬦ᭄ᬤᬂᬩ᭄ᬭᬩ᭞ᬯᬭᬢᬳᬤᬸᬫᬯᬭᬶᬄ᭞ᬲᭂᬩᭂᬃᬓᬭᬶᬭ