Kaca:Bali-lontar-gaguritan-semaun-300ppi.pdf/40

[᭓᭙ 39B]
᭓᭙
ᬦᬾᬓᬶ᭞ᬢᬶᬦᬫ᭄ᬩᬦ᭄ᬫᬭᬶᬂᬲᬫᬗᬸᬦ᭄᭞ᬳᬯᬶᬢᬾᬤᬾᬦ᭄ᬬᬳᬧ᭄ᬭᬂ᭞ᬯᬓ᭄ᬢᬸᬧᬚᬃᬧ᭄ᬭᬧ᭄ᬢᬾᬂᬫᬕ᭄ᬭᬶᬩ᭄᭞ᬬᬢᬳᬗ᭄ᬮᬶ᭞ᬲᬫᬗᬸᬦ᭄ᬫ᭄ᬭᬶᬩᬲᬄᬢᬶᬕ᭟ᬢᬸᬯᬶᬦ᭄ᬫᬭᬶᬂᬯᬤ᭄ᬬᬩᬮ᭞ᬓᬩᬾᬄᬲᬦᬓ᭄ᬱᬦᬓ᭄ᬫᬫᬶ᭞ᬮᬄᬘᬶᬭᬧᬥᬯᭂᬭᬸᬳ᭞ᬮ
ᬫᬸᬦᬕᬦᬶᬗ᭄ᬲᬸᬦᬶᬓᬶ᭞ᬢᬸᬯᬶᬲ᭄ᬦᬲᬸᬧᬢᬗᬹᬦᬶ᭞ᬦᭀᬭᬫᬸᬮᬶᬄᬭᬕᬦᬶᬗ᭄ᬲᬸᬦ᭄᭞ᬫ᭄ᬭᬶᬦᬵᬕ᭄ᬭᬷᬫᬤᬶᬦᬄ᭞ᬢᬸᬯᬶᬦ᭄ᬫ᭄ᬭᬶᬯᬶᬰ᭄ᬫᬦ᭄ᬫᬫᬶ᭞ᬮᬫᬸᬦ᭄ᬢᬦ᭄ᬳᬸᬭᬸᬂ᭞ᬩ᭄ᬤᬳᬾᬦᬵᬕ᭄ᬭᬷᬲᬗ᭄ᬳᬵᬭ᭟ᬫᬶᬯᬳᬦᬶᬕᬲ᭄ᬫᬹᬃᬤᬦ᭄ᬬ᭞ᬳᬗᬫᭂᬲᬦ᭄ᬭᬵᬚᬮ
ᬧ᭄ᬢᬶ᭞ᬳᬫ᭄ᬩᭀᬬᭀᬂᬧᬸᬢ᭄ᬭᬷᬦᬮᬾᬦ᭄ᬤ᭄ᬭ᭞ᬫᬸᬮᬦᬾᬧᬭᬾᬦ᭄ᬢᬄᬫᬫᬶ᭞ᬧᬥᬳᬲᭀᬯᬦ᭄ᬤᬶᬗᬶᬦ᭄᭞ᬬᬫᬭᬶᬧᬓᬸᬯᭀᬦᬶᬧᬸᬦ᭄᭞ᬳᬦᬸᬮ᭄ᬬᬳᬲᬫᬕ᭄ᬭᬳᬦ᭄᭞ᬲᬸᬭᬸᬧ᭄ᬲᬹᬃᬬ᭄ᬬᬦᬸᬮ᭄ᬬᬲᬧᬶᬄ᭞ᬫᬲᬂᬕ᭄ᬭᬳᬦ᭄᭞ᬓᬮᬶᬳᬾ
ᬩᬵᬦᬬᬸᬥ᭟ᬬᬢᬳᭂᬦ᭄ᬢᬶᬓᬯᬃᬡ᭄ᬦᬳ᭞ᬫᬸᬦᬶᬢᭂᬗᭂᬭᬦᬚᬸᬭᬶᬢ᭄᭞ᬲᬫᬗᬸᬦ᭄ᬩᭂᬦ᭄ᬤᬾᬦᬯᬗ᭄ᬓᬂ᭞ᬕᭂᬡ᭄ᬥᬂᬕᭀᬂᬓᬮᬯᬦ᭄ᬪᬾᬭᬶ᭞ᬮᬶᬃᬩᬸᬢᬸᬮᬢᭂᬢᭂᬓ᭄ᬦᬾᬓᬶ᭞ᬲ᭄ᬯᬭᬦᬾᬮᬶᬃᬩᬸᬦᬸᬂᬭᬸᬩᬸᬄ᭞ᬭᬫᬾᬲᬸᬭᬓ᭄ᬱᬦᬸᬭᬓᬦ᭄
[᭔᭐ 40A]
᭞ᬩᬭᬸᬂᬳᬫ᭄ᬩᬸᬃᬮᬯᬦ᭄ᬪᬾᬭᬶ᭞ᬫ᭄ᬯᬄᬧᬭᬾᬭᬾᬢ᭄᭞ᬲᬸᬮᬶᬗᬶᬭᬲᬶᬦᬳᬸᬭᬦ᭄᭟ᬤᬤᬶᬳᬶᬲ᭄ᬮᬫ᭄ᬮᬦ᭄ᬯᭀᬂᬓᭀᬧᬃ᭞ᬲᬋᬗᬦᭂᬫ᭄ᬧᬸᬳᬶᬚᬸᬭᬶᬢ᭄᭞ᬫᬕᭂᬦ᭄ᬢᬸᬭᬦ᭄ᬲ᭄ᬯᬭᬦᬶᬭ᭞ᬓᬤᬶᬳᭀᬫ᭄ᬩᬓ᭄ᬦᭂᬫ᭄ᬧᬸᬄᬘᬸᬭᬶᬂ᭞ᬓ᭄ᬬᬦᬧᬢᬶᬄᬫᭂᬲᬄᬚᬸᬭᬶ
ᬢ᭄᭞ᬕᬶᬦᬋᬩᭂᬕ᭄ᬧ᭄ᬭᬢᬸᬫᭂᬗ᭄ᬕᬸᬂ᭞ᬲᬯᬶᬤᬓ᭄ᬓᬓᬄᬳᬶᬭ᭞ᬢᬦ᭄ᬓᬭᬶᬧᬲᬭᬾᬂᬧᬢᬶᬄ᭞ᬢᭂᬢᭂᬗᭂᬭᬾ᭞ᬮᬫᬸᬦ᭄ᬫᭂᬤᬮ᭄ᬲᬶᬭᬧᬢ᭄ᬬ᭟ᬳᬦ᭄ᬤᬯᬓ᭄ᬦᬶᬢᬶᬄᬤᬶᬧᭀᬗ᭄ᬕ᭞ᬳᬦᬾᬂᬫᬃᬕ᭄ᬕᬳᬜᬶᬭᬶᬓ᭄᭞ᬲᬫᬶᬕᬫ᭄ᬩᬶᬭᬓᬂᬬᬸᬥ᭞ᬲᬫᬧ᭄ᬭᬯᬷ
ᬭᬳᬶᬂᬚᬸᬭᬶᬢ᭄᭞ᬲᬾᬯᬸᬯᬤ᭄ᬬᬦᬶᬭᬾᬓᬶ᭞ᬯᬤ᭄ᬬᬲᬶᬓᭂᬧ᭄ᬮᬯᬸᬂᬢᬸᬢᬸᬮ᭄᭞ᬲᬯᬦᬾᬄᬯᬬᭀᬲᬧᭀᬦ᭄ᬢᬂ᭞ᬳᬦᬲᬶᬓᭂᬲ᭄ᬫᬬᭀᬲ᭄ᬚᬶᬕ᭄ᬭᬶ᭞ᬳᬧᬦ᭄ᬲᬫᬶ᭞ᬯᬤ᭄ᬬᬧᬢᬶᬄᬧᬶᬲᬶᬮᬶᬳᬦ᭄᭟ᬳᬢᬸᬯᬸᬓ᭄ᬤᬶᬦᬸᬮᬂᬫᬗᬩ᭄᭞ᬕᬫ᭄ᬩᬶᬭᬢ
ᬫᬗ᭄ᬕᬶᬄᬯᬶᬱ᭄ᬝᬶ᭞ᬲᬤᬬᬦᬗᬄᬭᬳᬭᬄ᭞ᬓᬤᬶᬪᬸᬢᬫᭀᬗ᭄ᬰᬤᬕᬶᬂ᭞ᬬᬧᬢᬶᬄᬗᬦ᭄ᬤᬶᬓᬳᬭᬶᬲ᭄᭞ᬤᬢᭂᬂᬲᬕᬸᬂᬧ᭄ᬭᬢᬸᬫᭂᬗ᭄ᬕᬸᬂ᭞ᬓᬂᬫᬯᬶᬬᬶᬳᬸᬧᬘᬭ᭞ᬓᭀᬜ᭄ᬘᬯᬸᬯᬸᬳᬶᬲᬗᬚᬶ᭞ᬢᬦ᭄ᬧᬋᬗ᭞ᬫᬸᬮᬶᬄᬫᬭᬶᬂᬲ᭄ᬯᬦᬵᬕᬭ᭟ᬬᬦ᭄ᬫᬸ