[᭒᭙ 29B]
᭒᭙
ᬲᬂᬳ᭄ᬬᬂᬲᬫ᭄ᬩᬸᬳᬶᬤᬵᬗᬃᬤ᭄ᬬᬂ᭞ᬗᬯᬾᬭᬶᬭᬶᬄ᭞ᬧ᭄ᬭᬚ᭄ᬜᬦ᭄ᬥᬃᬫ᭄ᬫᬲᬂᬳ᭄ᬬᬂᬢᬶᬕ᭚ᬳᬶᬤᬵᬲᬂᬳ᭄ᬬᬂᬕᬸᬭᬸᬭᬾᬓᬫᬶᬯᬄᬲᬂᬳ᭄ᬬᬂᬲᬭᬰ᭄ᬯᬢᬶ᭞ᬗᬯᬾᬩᬾᬮᭀᬓ᭄ᬳ᭄ᬬᬂᬫᬜ᭄ᬘᭀᬗᬾᬮ᭄᭞ᬓᬮᬶᬓᬫᬗᬯᬾᬩᬸᬤᬸᬄ
᭞ᬗᬯᬾᬚᬮᬶᬃᬢ᭄ᬯᬄᬤᬤ᭄ᬯ᭞ᬓᬫᬭᬢᬶᬄ᭞ᬫᬶᬯᬄᬲᬂᬳ᭄ᬬᬂᬓᬫᬚᬬ᭚ᬗᬯᬾᬘᬡ᭄ᬥᬸᬳ᭄ᬬᬂᬢᬢᬶᬕ᭞ᬦᬵᬪᬶᬳᬥᬫ᭄ᬲᬓᬶᬂᬚᬯᬶ᭞ᬫᬶᬯᬄᬳ᭄ᬬᬂᬦᬪᬶᬪᬶᬩᬕᬶᬡ᭄ᬟᬵ᭞ᬦᬪᬶᬬᬸᬲᬸᬧ᭄ᬰᬓ᭄ᬢᬶᬫᬸᬧᬸᬢ᭄᭞ᬗᬯᬾᬧᬶ
ᬧᬶᬲ᭄ᬧᬥᬶᬳ᭄ᬫᬲ᭄᭞ᬢᬸᬳᬸᬬᬸᬓ᭄ᬢᬶ᭞ᬳᬶᬤᬵᬫᬜᬶᬯᬶᬳ᭄ᬬᬂᬩ᭄ᬭᬳ᭄ᬫᬵ᭚ᬫᬗ᭄ᬓᬶᬦ᭄ᬳ᭄᭟ᬳ᭄ᬬᬂᬩ᭄ᬭᬳ᭄ᬫᬵᬫᬬᭀᬕ᭄ᬕᬵ᭞ᬗᬬᭀᬕᬬᬂᬚᬕᬳ᭄ᬲᬫᬶ᭞ᬓ᭄ᬮᬶᬬᬲ᭄ᬚᬕᬢ᭄ᬧᬦᭂᬲ᭄ᬩᬭᬵ᭞ᬲᬂᬭᬵᬢᬸᬫᬗ᭄ᬭᬱᬓᬾᬯᬸᬄ᭞ᬓ
ᬮᬶᬬᬸᬕᬫᬓᬮᬶᬓᬦ᭄᭞ᬗᬯᬾᬧᬮᬶᬂ᭞ᬧᬶᬲᬸᬦᬵᬲᬳᬶᬫᬗᬫ᭄ᬩᬵᬄ᭚ᬲᬤᬸᬤᬃᬫ᭄ᬫᬢᬦ᭄ᬓᬳᬾᬫᬦ᭄᭞ᬩᭀᬕ᭄ᬩᬾᬕ᭄ᬫᭀᬫᭀᬦᬾᬓᬧᬸᬚᬶ᭞ᬤ᭄ᬫᭂᬦ᭄ᬳᬚᬸᬫᬾᬫᬚᬮᬦ᭄᭞ᬤᬵᬬᬭᬸᬲᬶᬢᬸᬬ
[᭓᭐ 30A]
ᬫᬸᬧᬤ᭞ᬲᬃᬯ᭄ᬯᬥᬃᬫ᭄ᬫᬵᬢᬦ᭄ᬧᬕᬸᬡᬵ᭞ᬤᬬᬤ᭄ᬫᬶᬢ᭄᭞ᬓᬢᭀᬦ᭄ᬲᬤᬸᬫᬯᬾᬥᬾᬦᬵ᭚ᬩ᭄ᬯᬶᬦ᭄ᬳᬸᬮᬬᬦ᭄ᬯ᭄ᬮᬡ᭄ᬥᬵ᭞ᬫᬗᬯᬾᬦᬂᬭᬸᬦ᭄ᬤᬄᬕᬸᬫᬶ᭞ᬘᬵᬫ᭄ᬧ᭄ᬬᬸᬦ᭄ᬢᬸᬭᬸᬦ᭄ᬫᬸᬤᬄᬫᬸᬤᬄ᭞ᬧᬫᬤᬢᬦ᭄ᬲᬬᬦ᭄᭠
ᬮ᭄ᬬᬸ᭞ᬮᬸᬄᬫ᭄ᬯᬦᬶᬧᬤᬕᬶᬭᬂ᭞ᬫᬓ᭄ᬚᬂᬦᬸᬫ᭄ᬧ᭄ᬮᬶᬓ᭄᭞ᬫᬫᬤᬢ᭄ᬫᬦᬸᬮᬤ᭄ᬦᬸᬮᬤ᭄᭚ᬢᬶᬯᬲᬸᬕᬶᬄᬥᬃᬫ᭄ᬫᬵᬘᭀᬭᬄ᭞ᬲᬸᬩᬫᬫᬤᬢ᭄ᬫᬦᬸᬫ᭄ᬧ᭄ᬮᬶᬓ᭄᭞ᬓᬲᬸᬲᬸᬧᬦ᭄ᬓᬤᬾᬦ᭄ᬫ᭄ᬮᬄ᭞ᬤᬦᬾᬥᬃᬫ᭄ᬫᬵᬫᬶᬮᬸᬳᬶ᭠
ᬗᬸᬄ᭞ᬩᬶᬱᬗ᭄ᬮᬶᬜᭀᬓ᭄ᬫᬮᬕᬾᬦ᭄ᬤᬄ᭞ᬗᬸᬮᬄᬩᬸᬓ᭄ᬢᬶ᭞ᬗ᭄ᬭᬫ᭄ᬧᭀᬓ᭄ᬜᭀᬧᬾᬢ᭄ᬫᬗᬯᬬ᭚ᬳᬤᬳᬦᬓ᭄ᬳ᭄ᬮᬸᬄᬢᬶᬯᬲ᭄᭞ᬓᬤᬸᬂᬓᬲᬸᬲᬸᬧᬦ᭄ᬦᬸᬫ᭄ᬧ᭄ᬮᬶᬓ᭄᭞ᬫᬧᬬᬲ᭄ᬫᭂᬲᬸᬯᬂᬭᬭᬲ᭄᭞ᬫᬧᬸᬧᬸᬃ
ᬳᬮᬶᬲ᭄ᬜᬮᬶᬓᬸᬃ᭞ᬗᬓᬸᬤᬤᬶᬤᬕᬂᬩᬲᬃ᭞ᬫᬗᬾᬩᬾᬢᬶᬦ᭄᭞ᬤᬶᬧᬶᬲᬕᬜᭀᬧᬾᬢ᭄ᬢᬶᬫ᭄ᬧᬮ᭄᭚ᬘ᭄ᬦᬶᬂᬳ᭄ᬤᬓᬾᬢᭀᬫᬦᬸᬮᬤ᭄᭞ᬫᬶᬮᬸᬩᬋᬂᬗᬯᬾᬧ᭄ᬮᬶᬄ᭞ᬧᬕᭂᬄᬳᬾᬱ᭄ᬝᬶᬭᬶᬂᬧᬧ᭄ᬮᬚᬵᬦ᭄
Kaca:Bali-lontar-gaguritan-sebun-bangkung-300ppi.pdf/30
Kaca puniki sampun kauji-wacén
