[᭓᭐ 30B]
᭓᭐
᭞ᬤᬦᬾᬳᭀᬮᬲ᭄ᬳᭂᬦ᭄ᬢᭀᬭᬗ᭄ᬲᬸᬓ᭄᭞ᬢ᭄ᬯᬭᬵᬚᬦᬶᬬᬧᬸᬧᬸᬯᬂ᭞ᬭᬶᬯ᭄ᬓᬲ᭄ᬢᬫᬶ᭞ᬫᬤᬲᬃᬳᬬᬸᬦᬶᬂᬮᬫ᭄ᬧᬄ᭚ᬤ᭄ᬬᬧᬶᬦ᭄ᬚᬦᬶᬘ᭄ᬦᬶᬂᬲᬲᬃ᭞ᬳ᭄ᬤᬧᬶᬲᬦ᭄ᬫᬶᬮᬸᬧᬮᬶᬂ᭞ᬓᬃᬫ᭄ᬫᬦᬾᬮᬓ᭄ᬱᬡᬬᬂ᭞ᬓ᭄ᬢᬄᬢᬶᬫ᭄ᬧᬮᬾ
ᬦ᭄ᬢᭀᬢᬸᬯᬸᬢ᭄᭞ᬲᬂᬭᬵᬫᬲᬸᬗ᭄ᬲᬸᬢ᭄ᬭᬶᬂᬳᬮᬲ᭄᭞ᬮᬶᬦ᭄ᬢᬂᬰᬓ᭄ᬢᬶ᭞ᬫᬲᬶᬄᬫᬗ᭄ᬕᬶᬄᬮᬭᬯᬶᬭᬂ᭚ᬧ᭄ᬭᬶᬬᬦᬶᬭᬤᬾᬯᬶᬲᬶᬢ᭄ᬢᬵ᭞ᬲᬂᬭᬵᬯᬡᬋᬓᬗᬫ᭄ᬩᬶᬮ᭄᭞ᬯ᭄ᬓᬲ᭄ᬫᬮᬶᬄᬦ᭄ᬫᬸᬲᬤ᭄ᬬ᭞ᬲᬂᬰᬹᬕ᭄ᬭᬶᬯᬩᬓ᭄ᬢᬶᬜᬸᬗ᭄ᬲᬸᬂ᭞ᬫᬗ᭄ᬭᬸᬲ
ᬓᬂᬲᬂᬭᬯᬡᬵ᭞ᬚᬦ᭄ᬢᭀᬲ᭄ᬫᬢᬶ᭞ᬤᬾᬯᬶᬲᬶᬢ᭄ᬢᬩ᭄ᬯᬶᬦ᭄ᬫᬢᬸᬮᬓ᭄᭚ᬫᬶᬯᬄᬳᬶᬯᬶᬭᬵᬢ᭄ᬦᬵᬦ᭄ᬢᬚ᭞ᬓᬾᬮᬗᬦ᭄ᬳᬶᬭᬵᬗ᭄ᬓᬾᬲᬭᬶ᭞ᬲ᭄ᬟᬶᬄᬗᬸᬩᬶᬸᬫ᭄ᬩᬂᬫᬳᬶᬤᭂᬳᬦ᭄᭞ᬢ᭄ᬓᭂᬤ᭄ᬓᬚᬯᬫᬜᬸᬲᬸᬧ᭄᭞ᬧᬕᭂᬄᬳᬾ
ᬱ᭄ᬝᬶᬍᬩᬶᬄᬢᬺᬱ᭄ᬡᬵ᭞ᬯ᭄ᬓᬲ᭄ᬧᬗ᭄ᬕᬶᬄ᭞ᬭᬶᬂᬧ᭄ᬭᬂᬯᬶᬤ᭄ᬬᬲᬭᬶᬬᬸᬤᬵ᭚ᬤᬤᬶᬫᭂᬦᬂᬭᬶᬂᬧᬬᬸᬤ᭄ᬟᬦ᭄᭞ᬦᬶᬭᬗ᭄ᬓᬾᬲᬵᬭᬶᬬᬫᬸᬮᬶᬄ᭞ᬓᬾᬦ᭄ᬢᭀᬤᬾᬯᬢᬸᬲᬶᬂᬮᬶᬜᭀᬓ᭄᭞ᬳ᭄ᬤᬵᬜᭂᬮ᭄ᬲᭂᬮ᭄ᬭᬕᬮᬘᬸᬃ᭞ᬰ
[᭓᭑ 31A]
ᬲ᭄ᬢ᭄ᬭᬦᬾᬲ᭄ᬟᭂᬂᬳᬶᬗᭂᬢᬂ᭞ᬤᬦᬾᬬᬸᬓ᭄ᬢᬶ᭞ᬳᬗ᭄ᬕᭀᬦ᭄ᬲᬲᬸᬮᬸᬄᬭᬶᬂᬧ᭄ᬭᬩ᭄ᬪ᭚ᬰᬵᬲ᭄ᬢ᭄ᬭᬦᬾᬬᬸᬓ᭄ᬢᬶᬢᬶᬦ᭄ᬤᬶᬳᬂ᭞ᬩᬧᬚ᭄ᬯᬗᬚᬳᬶᬦ᭄ᬘ᭄ᬦᬶᬂ᭞ᬤᬶᬦᬶᬩᬋᬂᬳᬚᬓ᭄ᬩᬧᬵ᭞ᬲᬶᬜᬲᬕᬾᬢ᭄ᬳᬤᬵᬢᬸᬤᬸᬄ᭞ᬳ᭄ᬬᬂᬲᬭᬰ᭄ᬯ
ᬢᬶᬰ᭄ᬯᬾᬘ᭄ᬙᬵ᭞ᬢ᭄ᬓᬾᬦ᭄ᬘ᭄ᬦᬶᬂ᭞ᬓᬾᬃᬢ᭄ᬢᬶᬦ᭄ᬩᬧᬘ᭄ᬦᬶᬂᬦᭂᬫ᭄ᬯᬂ᭚᭜᭚ᬧᬹᬄᬤᬸᬃᬫ᭄ᬫᬵ᭚᭜᭚ᬤᬤᬶᬳᬶᬲᭂᬂᬫᬗᬯᬶᬭᬱᬾᬂᬘᬶᬢ᭞ᬳᬶᬩᬸᬓ᭄ᬫᬦᬳᬾᬢᬦ᭄ᬲᬶᬧᬶ᭞ᬩᬦ᭄ᬤ᭄ᬫᭂᬦᬾᬓᬮᬶᬯᬢ᭄᭞ᬫᬩᭂᬢ᭄
ᬯ᭄ᬭᬸᬄᬭᬶᬂᬯᬶᬭᬵᬱ᭞ᬫᬶᬢᬸᬯᬸᬢᬶᬦ᭄ᬳᬦᬓ᭄ᬭᬶᬭᬶᬄ᭞ᬗᬤᭀᬓᬂᬧᭀᬗᬄ᭞ᬢ᭄ᬯᬭᬢᬓᬸᬢ᭄ᬓᬓ᭄ᬤᬾᬓᬶ᭠ᬦ᭄᭚ᬳᬧᬂᬫᬶᬮᬸᬫᬲᬶᬄᬗ᭄ᬯᬗᬸᬦᬶᬦ᭄ᬕᬶᬢ᭞ᬲᬓᬾᬯᬦ᭄ᬢᭂᬦ᭄ᬫᬦᬸᬢ᭄ᬳᬶᬦ᭄ᬤᬶᬓ᭄᭞ᬢᬦ᭄ᬲᬓᬶᬂᬢᬢ᭄ᬮᭂᬩᬦ᭄᭞
ᬯᬳᬸᬫ᭄ᬮᬚᬄᬫᬰᬲ᭄ᬢ᭄ᬭ᭞ᬭᬶᬂᬳᬗ᭄ᬕᬾᬉᬗ᭄ᬕ᭄ᬯᬦ᭄ᬬᬲᬫᬶ᭞ᬯᬵᬳᬶᬸᬢᭂᬓ᭄ᬤᬾᬯᬢ᭞ᬦᬵᬯᬲᬗᬦᬾᬫᬗᬯᬶᬢ᭄᭚ᬇᬰ᭄ᬯᬭᬩ᭄ᬭᬳ᭄ᬫᬯᬶᬱ᭄ᬡᬸᬫᬳᬵᬤᬾᬯᬩᬸᬤ᭄ᬟᬵ᭞ᬧᬜ᭄ᬘᬩ᭄ᬭᬳ᭄ᬫᬵᬳᬶᬓᬬᬸᬓ᭄ᬢᬶ᭞ᬫᬾᬲᭀᬭ
Kaca:Bali-lontar-gaguritan-sebun-bangkung-300ppi.pdf/31
Kaca puniki sampun kauji-wacén
