[᭒᭘ 28B]
᭒᭘
ᬦ᭄ᬬᬸᬓ᭄ᬢᬶ᭞ᬯᬭᬶᬕᬦᬾᬫᬮᬸᬢᬸᬮᬤ᭄᭞ᬳᭂᬦᭀᬯᬶᬤᬶᬳᬮᬬᬸ᭞ᬤᬶᬢᬸᬫᬗ᭄ᬮᬦ᭄ᬢᬶᬗᬂᬳᬯᬓ᭄᭞ᬩ᭄ᬮᭀᬕ᭄ᬭᬶᬭᬶᬄ᭞ᬲᬸᬕᬶᬄᬢᬶᬯᬲ᭄ᬳᭂᬦ᭄ᬢᭀᬗᬤᬓᬂ᭚ᬯᬭᬶᬕᬰᬶᬯᬦᬾᬤᬬᬵ᭞ᬢᬸᬢᬸᬃᬕᬫᬧᬤᬜᬶ᭠
ᬯᬶ᭞ᬉᬱᬵᬥᬧᬥᬫᬰᬶᬯ᭞ᬲᬂᬢᬶᬕᬳᬶᬤᬵᬗ᭄ᬯᬗᬸᬦ᭄᭞ᬫᬺᬢ᭄ᬬᬫᬶᬯᬄᬲᬂᬳ᭄ᬬᬂᬰᬹᬓ᭄ᬮᬵ᭞ᬕᬸᬭᬸᬤᬤᬶ᭞ᬲᬗ᭄ᬓᬦ᭄ᬰᬓ᭄ᬢᬶᬳᬶᬤᬓᬭᬦ᭚ᬓᬾᬦ᭄ᬢᭀᬮᬶᬂᬲᬂᬳ᭄ᬬᬂᬯᬭᬶᬕ᭞ᬰᬶᬯᬕᬸᬡᬦᬾᬫᬚᬭᬶᬦ᭄᭞ᬳ
ᬧᬂᬳ᭄ᬦᬸᬲᬮᬄᬢᬃᬓ᭄ᬓᬵ᭞ᬗᬱ᭄ᬝᬶᬢᬶᬚᬮᬦᬾᬧᬢᬸᬢ᭄᭞ᬲᬦ᭄ᬤᬂᬘ᭄ᬦᬶᬂᬚ᭄ᬯᬋᬲᭂᬧᬂ᭞ᬲᬂᬳ᭄ᬬᬂᬳᬚᬶ᭞ᬳ᭄ᬦᬾᬫᬤᬦ᭄ᬩ᭄ᬯᬦᬵᬫᬩᬄ᭚ᬭᬶᬂᬰᬶᬯᬕᬸᬡᬧ᭄ᬭᬚ᭄ᬜᬦ᭞ᬕᬸᬭᬸᬓᬫᬶᬢᬸᬤᬸᬳᬶᬦ᭄᭞ᬲᬫᬶᬤᬾᬯ
ᬢᬦᬾᬗᬫᭀᬂ᭞ᬢᬸᬢᬹᬃᬲᬂᬳ᭄ᬬᬂᬢᬶᬕᬗ᭄ᬯᬗᬸᬦ᭄᭞ᬫᬲᬶᬯᬭᬶᬂᬲᬂᬳ᭄ᬬᬂᬰᬸᬦ᭄ᬬ᭞ᬲᬸᬓ᭄ᬮᬲᬸᬘᬶ᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬳᬗᬶᬦ᭄ᬗ᭄ᬮᬬᬂ᭚ᬲᬂᬳ᭄ᬬᬂᬚᬓ᭄ᬱᬵᬕᬸᬭᬸᬯᬾᬢᬦ᭄᭞ᬭᬶᬂᬲᬂᬳ᭄ᬬᬂᬳᬇᬰ᭄ᬯᬭᬵᬜᬶᬯᬶ᭞ᬧᬦ᭄ᬤᬾ
[᭒᭙ 29A]
ᬯ᭄ᬲᬶᬭᬶᬂᬳ᭄ᬬᬂᬩ᭄ᬭᬳ᭄ᬫᬵ᭞ᬧᬦ᭄ᬤᬾᬫᬲ᭄ᬳᬶᬧᬸᬦ᭄ᬫᬕᬸᬭᬸᬜᬶᬯᬶᬭᬶᬂᬳ᭄ᬬᬂᬫᬳᬵᬤᬾᬯ᭞ᬇᬓᬂᬲᬗ᭄ᬕᬶᬄ᭞ᬫᬲᬶᬯᬭᬶᬂᬲᬗ᭄ᬳ᭄ᬬᬂᬇᬡ᭄ᬟ᭄ᬭᬵ᭚ᬳᬸᬦ᭄ᬤᬕᬶᬦᬾᬢᬳᬶᬦᬸᬘᬧ᭄᭞ᬭᬶᬂᬳ᭄ᬬᬂᬰᬶᬸᬯᬶᬰ᭄ᬯᬓᬃᬫ᭄ᬫᬜᬶᬯᬶ᭞ᬩᬮ᭄ᬬᬦ᭄ᬭᬶᬂᬋᬱᬶᬓᬲ᭄ᬬ
ᬧ᭞ᬗᬃᬤ᭄ᬟᬶᬯᬶᬲᬤ᭄ᬟᬵᬧᬸᬦᬶᬓᬸ᭞ᬧᬗᬶᬯᬋᬱᬶᬫᬺᬘᬸᬓᬸᬡ᭄ᬟ᭞ᬦᬸᬦᬸᬦ᭄ᬗᬦ᭄ᬢᬶᬄ᭞ᬥᬥᬭᬶᬫ᭄ᬯᬂᬤᬶᬸᬯᬶᬤ᭄ᬬᬥᬭ᭚ᬗᬃᬤ᭄ᬟᬶᬢ᭄ᬦᬸᬂᬓ᭄ᬯᬾᬄᬧᬶᬲᬦ᭄᭞ᬧ᭄ᬜᬭᬶᬓᬦ᭄ᬚᬸᬭᬸᬢᬸᬮᬶᬲ᭄᭞ᬫᬲᬶᬯᬭᬶᬂᬰᬶᬯᬕᭀᬢ᭄ᬭ᭞ᬰᬶᬯᬕᭀ
ᬢ᭄ᬭᬮᬦᬂᬯᬥᬸ᭞ᬤᬤᬶᬭᬢᬸᬚᬦᬵᬃᬤ᭄ᬟᬦ᭞ᬰᬶᬯᬦ᭄ᬕᬸᬫᬶ᭞ᬲᬋᬂᬯᬶᬓᬸᬰᬶᬯᬩᬸᬤ᭄ᬟᬵ᭚ᬫᬰᬶᬯᬭᬶᬂᬲᬂᬳ᭄ᬬᬂᬩ᭄ᬭᬳ᭄ᬫᬵ᭞ᬫᬶᬯᬄᬭᬶᬂᬳ᭄ᬬᬂᬯᬶᬱ᭄ᬡᬸᬫᬸᬃᬢ᭄ᬢᬶ᭞ᬤᬤᬶᬗᬭᬦ᭄ᬲᬂᬩᬸᬩᬸᬓ᭄ᬱᬄ᭞ᬳ᭄ᬬᬂᬕᬕᬓ᭄ᬳᬓᬧᬸᬦᬶᬓᬸ᭞ᬫᬶᬫᬶ
ᬢᬦ᭄ᬬᬰᬶᬯᬩᬸᬤ᭄ᬟᬵ᭞ᬩᬬᬸᬳ᭄ᬦᬶᬂ᭞ᬩ᭄ᬲᭂᬂᬲᬵᬮ᭄ᬯᬶᬃᬫᬮᬵᬧᬢᬓ᭚ᬤ᭄ᬯᬵᬰᬗᬯᬾᬲᬸᬢᬫ᭄ᬩᬵᬓ᭄᭞ᬲᬾᬲᬾᬃᬤᬸᬗ᭄ᬓᬶᬲᬢᭂᬩ᭄ᬧ᭄ᬮᬦ᭄ᬢᬶᬓ᭄᭞ᬫᬓ᭄ᬚᬂᬕᬯᬾᬦ᭄ᬲᬂᬩᬸᬩᬸᬓ᭄ᬱᬄ᭞ᬗᬯᬾᬓᬶᬮᬢ᭄ᬫᬶᬯᬄᬫᭂᬦ᭄ᬤᬸᬂ᭞
Kaca:Bali-lontar-gaguritan-sebun-bangkung-300ppi.pdf/29
Kaca puniki sampun kauji-wacén
