[᭔ 4B]
᭔
ᬯᬶᬄ᭞ᬅᬗ᭄ᬓᬸᬲ᭄ᬲᬜ᭄ᬚᬢᬦᬾᬓᭀᬘᬧ᭄᭞ᬫᬥ᭄ᬬᬲᬤᬰᬶᬯᬯ᭄ᬬᬓ᭄ᬢᬶ᭞ᬲᬸᬓ᭄ᬮᬯᬃᬡ᭄ᬦᬦᬾᬳᭂᬦᬶᬂ᭞᭠ᬢ᭄ᬭᬶᬅᬓ᭄ᬱᬭᬤᬤᬶᬦᬶᬧᬸᬦ᭄᭞ᬳᬧᬦ᭄ᬧᬸᬢᬸᬲᬶᬂᬰᬵᬲ᭄ᬢ᭄ᬭ᭞ᬫᬕᭂᬦᬄᬩᬸᬗ᭄ᬓᬳᬶᬗᬢᬶ᭞ᬬᬾᬦ᭄ᬜᬧ᭄ᬭᬕᬢ᭄᭞
ᬓᭀᬘᬧ᭄ᬯᬶᬰᬾᬱᬉᬢ᭄ᬢᬫ᭟᭜᭟ᬳᬧᬦ᭄ᬬᬚᬵᬢᬶᬯᬶᬰᬾᬱ᭞ᬓ᭄ᬭᬡᬲᭂᬗ᭄ᬓᬩᬳᬦ᭄ᬗᬾᬲ᭄ᬢᬶ᭞ᬦᬯᬲᬗ᭄ᬳᬵᬢ᭄ᬯᬄᬳᬓᬾᬢᭀ᭞ᬳᬸᬗ᭄ᬕ᭄ᬯᬦᬾᬩᬶᬲᬫᬲᬮᬶᬦ᭄᭞ᬚᬦᬶᬓᭂᬦᭂᬳᬂᬳᬮᬶᬄ᭞ᬧᬲᬶᬫ᭄ᬧᭂᬦᬦ᭄ᬜᬦᬾ
ᬭᬸᬭᬸᬄ᭞ᬧᬦ᭄ᬩᬶᬲᬓᬾᬦᬾᬓᬾᬢᭀ᭞ᬬᬦ᭄ᬢᬦ᭄ᬲᬂᬧᬸᬢᬸᬲᬶᬂᬓᬶᬃᬢ᭄ᬢᬶ᭞ᬜᬸᬓ᭄ᬱ᭄ᬫᬬᬂ᭞ᬤᬥᬭᬦᬾᬭᬶᬂᬰᬭᬷᬭ᭟᭜᭟ᬫᬧᬦ᭄ᬚᬵᬢᬶᬤᬳᬢ᭄ᬲᭂᬗ᭄ᬓ᭟ᬩᬩᬾᬤᬦ᭄ᬜᬦᬾᬢᬦ᭄ᬓᭀᬢᬶ᭞ᬬᬦ᭄ᬢᬦ᭄ᬮᬗ᭄ᬕᭂᬂ
ᬦᭂᬓᭂᬧ᭄ᬫᬦᬄ᭞ᬓᬸᬘᬧ᭄ᬩᬩᬾᬤᬦᬾᬲᬫᬶ᭞ᬳᬧᬂᬳᭂᬤᬵᬗᭂᬭᬸᬗᬾᬤᬦᬶᬦ᭄᭞ᬦᬾᬦᬾᬳᬧ᭄ᬢᬶᬬᬂᬚ᭄ᬯᬢᬸᬚᬸ᭞ᬤᬫᬳᬂᬩᬾᬭᬩᬾᬭᭀ᭞ᬧ᭄ᬭᬧᬜ᭄ᬘᬗᬸᬮᬸᬭᬶᬦ᭄ᬩᬸᬤ᭄ᬥᬶ᭞ᬳᬧᬦ᭄ᬲᬸᬩ᭞ᬧᬸᬢᬸ
[᭕ 5A]
᭕
ᬓᬧᬶᬂᬢᬸᬯᬶ᭞ᬫᬓᬭᭀᬦ᭄ᬧᬭᬫᬰᬶᬯ᭞ᬳᬶᬤᬗᬯᭂᬢᬸᬯᬂᬳᭂᬦᬶᬂ᭞ᬫᭂᬢᬸᬢᬸᬂᬢᬸᬗᬶᬂᬦᬟᬶ᭞ᬭᬶᬂᬦᬥᬶᬧᬸᬢᬶᬳᬾᬫᬸᬢᬸᬲ᭄᭞ᬮᬯᬗᬦ᭄ᬬᬫᬓᬭᭀ᭞ᬫᭂᬢᬸᬓᬶᬯᬩᬶᬦ᭄ᬢᬂᬤᬤᬶ᭞ᬫᭂᬢᬸᬢᭂ
ᬗᭂᬦ᭄᭞ᬢᬭᬗ᭄ᬕᬡᬳᬭᬦᬶᬭ᭟᭜᭟ᬤᬶᬲᬸᬩᬦᬾᬓᬾᬢᭀᬢᬢᬲ᭄᭞ᬤᬤᬶᬲᬹᬃᬬ᭄ᬬᬵᬤᬤᬶᬰᬰᬶᬄ᭞ᬫᬓᬫᬶᬯᬄᬤᬤᬶᬩᬶᬦ᭄ᬢᬂ᭞ᬚᬵᬢᬶᬦ᭄ᬜᬦᬾᬩ᭄ᬯᬶᬦ᭄ᬕᬮᬶᬳᬶᬦ᭄᭞ᬳᭂᬗ᭄ᬓᬾᬦᬾᬫᬦᬾᬚ
ᬦᬶᬦ᭄᭞ᬫᬓ᭄ᬭᬡᬕᬮᬗᬾᬫᬸᬭᬸᬩ᭄᭞ᬳᭂᬦ᭄ᬢᭀᬩᬸᬯᬶᬦ᭄ᬓᭂᬦᭂᬳᬂ᭞ᬲᭂᬓᭂᬦᬂᬳᬧᬂᬤᬵᬧᬮᬶᬂ᭞ᬩᬶᬦ᭄ᬢᬂᬲᬹᬃᬬ᭄ᬬ᭞ᬩᬸᬮᬦ᭄ᬧᬥᬮᬾᬦ᭄ᬗᬮᬗᬂ᭟᭜᭟ᬤᬶᬚᬮᬦ᭄ᬩᬸᬮᬦᬾᬳᭂᬦ᭄ᬤᬕ᭄᭞ᬫᬳᬾᬰ᭄ᬯᬭᬫ
ᬦᬾᬚᬦᬶᬦ᭄᭞ᬫᬓ᭄ᬭᬡᬓᬸᬦᬶᬗᬾᬕᭂᬤᬄ᭞ᬓᬮᬶᬬᬄᬥᬥᬸᬦᬾᬗᬯᭀᬭᬶᬦ᭄᭞ᬤᬶᬢᬚᭂᬕᬾᬫᬲᬮᬶᬦ᭄᭞ᬪᬝᬵᬭᬩ᭄ᬭᬳ᭄ᬫᬵᬦᬾᬤᬶᬢᬸ᭞ᬦᬾᬚᬦᬶᬦ᭄ᬲᬗ᭄ᬓᬦ᭄ᬚᭂᬓᬃ᭞ᬩᬭᬓᬾᬢᭂᬓᬾᬦᬶᬂ
