[᭓ 3B]
᭓
ᬤᬓ᭄ᬱᬶᬡᬧᬺᬦᬄᬦᬾᬓᬶ᭞ᬲᬂᬫᬾᬢ᭄ᬭᬶᬭᬶᬂᬳᭀᬢᭀᬢ᭄ᬮᬸᬗ᭄ᬕᬸᬄ᭞ᬭᬶᬂᬧᬸᬃᬯ᭄ᬯᬮᬶᬗ᭄ᬕᬶᬳᬶᬤ᭞᭠ᬲᬂᬓᬸᬭᬸᬱ᭄ᬬᬯᬮᬸᬂᬦᬾᬓᬶ᭞ᬭᬶᬂᬧᬰ᭄ᬘᬶᬫ᭞ᬓᬧᬺᬦᬄᬧᬮᬸᬗ᭄ᬕᬸᬳᬶᬤ᭟᭜᭟ᬳᬶᬤᬧᬺᬢᬜ᭄ᬚᬮᬤᬾ᭠
ᬯ᭞ᬤᬶᬲᬸᬫ᭄ᬲᬸᬫ᭄ᬳᬶᬤᬫᬮᬶᬗ᭄ᬕᬶᬄ᭞ᬭᬶᬂᬫᬥ᭄ᬬᬓᬧᬺᬦᬄᬲᬶᬭ᭞ᬦᬾᬭᬶᬂᬚᬚ᭄ᬭᭀᬯᬦᬾᬫᬮᬶᬄ᭞ᬳᬗ᭄ᬳᬶᬂᬯᬶᬓᬲᬶᬂᬧᬶᬗᬶᬢ᭄᭞ᬳᬬ᭄ᬯᬯᬾᬭᬳᬬ᭄ᬯᬘᬯᬸᬄ᭞ᬫᬳᬶᬮᬳᬶᬮᬤᬳᬢ᭄᭞ᬢᭀᬰᬶᬯᬲᬹᬓ᭄ᬱ᭄ᬫᬵ
ᬫᬲᬷᬥᬶ᭞ᬮᬶᬦ᭄ᬢᬂᬓᬾᬯᬸᬄ᭞ᬫᬦᬹᬱᬢᬦ᭄ᬓᭂᬦᬾᬂᬓᬮ᭄ᬧ᭟᭜᭟ᬳ᭄ᬬᬂᬪᬝᬵᬭᬚᬕᬢ᭄ᬦᬵᬣ᭞ᬫᭂᬢᬸᬬᬂᬳᬮᬶᬗ᭄ᬕᬶᬄᬲᬳᬶ᭞ᬇᬰ᭄ᬯᬭᬭᬶᬂᬧᬧᬸᬲᬸᬳᬦ᭄᭞ᬘᬳ᭄ᬬᬦᬾᬲ᭄ᬯᬾᬢᬵᬫᬳᭂᬦᬶᬂ᭞ᬩᬚ᭄ᬭᬲᬜ᭄ᬚᬢ
ᬦᬾᬓᬶ᭟ᬭᬶᬂᬩᬚ᭄ᬭᬲᬡᬳᬮᬸᬗ᭄ᬕᬸᬄ᭞ᬳ᭄ᬬᬂᬫᬳᬵᬤᬾᬯᬓᭀᬘᬧ᭄᭞ᬭᬶᬂᬉᬗ᭄ᬲᬶᬮᬦ᭄ᬳᭂᬗ᭄ᬕᭀᬦᬾᬓᬶ᭞ᬭᬶᬂᬧᬰ᭄ᬘᬶᬫ᭞ᬫᬮᬶᬗ᭄ᬕᬚᭂᬦᭂᬓᬂᬯᬃᬡ᭄ᬦ᭟᭜᭟ᬫᬲᬜ᭄ᬚᬢᬦᬕᬧᬰ᭞ᬩ᭄ᬭᬳ᭄ᬫᬵᬳᬸᬗ᭄ᬕ᭄ᬯᬦᬾᬭᬶᬂᬳᬢᬶ᭞
[᭔ 4A]
᭔
ᬭᬶᬂᬓᬶᬤᬸᬮ᭄ᬓᬧᬺᬦᬳᬶᬭ᭞ᬳᬩᬂᬫᬸᬭᬸᬩ᭄ᬯᬃᬡ᭄ᬦᬦᬾᬓᬶ᭞ᬥᬡ᭄ᬥᬲᬜ᭄ᬚᬢᬦᬾᬓᬶ᭞ᬰᬶᬯᬭᬶᬂᬫᬥ᭄ᬬᬫᬮᬸᬗ᭄ᬕᬸᬄ᭞ᬧᬤ᭄ᬫᬲᬜ᭄ᬚᬢᬦᬶᬭ᭞ᬩᬭᬸᬫ᭄ᬩᬦ᭄ᬢᬯᬃᬡ᭄ᬦᬦᬾᬓᬶ᭞ᬳ᭄ᬬᬂᬪᬝᬵᬭᬯᬶᬱ᭄ᬡᬸᬭᬶᬂᬅᬫ᭄ᬧ᭄ᬭᬸᬧᬳᬸᬗ᭄ᬕ᭄ᬯ᭠
ᬦ᭄᭟᭜᭟ᬉᬢ᭄ᬢᬭᬓᬧᬺᬦᬳᬶᬭ᭞ᬳᬶᬋᬂᬍᬢᭂᬂᬯᬃᬡ᭄ᬦᬦᬾᬓᬶ᭞ᬫᬮᬸᬗ᭄ᬕᬸᬄᬭᬶᬂᬘᬓ᭄ᬭᬲᬡ᭞ᬫᬲᬜ᭄ᬚᬢᬘᬓ᭄ᬭᬍᬯᬶᬄ᭞ᬲᬫ᭄ᬩᬸᬐᬃᬱᬡ᭄ᬬᬫᬮᬶᬄ᭞ᬧᬺᬦᬄᬲᬶᬭᬭᬶᬂᬧᬧᬭᬸ᭞ᬫᬲᬜ᭄ᬚᬢᬢ᭄ᬭᬶᬰᬸᬮ᭞ᬯᬃᬡ᭄ᬦᬩᬶᬭᬸ
ᬢᬸᬳᬸᬍᬯᬶᬄ᭞ᬧᭂᬢᭂᬂᬮᬶᬮᬸᬲ᭄᭞ᬓᭂᬤᬾᬧᬾᬮ᭄ᬯᬶᬃᬓᬤᬶᬫᬬ᭟᭜᭟ᬫᬳᬾᬰ᭄ᬯᬭᬭᬶᬂᬖ᭄ᬦᬾᬬᬵ᭞ᬥᬥᬸᬯᬃᬡ᭄ᬦᬫᬾᬖᬍᬯᬶᬄ᭞ᬭᬶᬂᬯᬤᬸᬓ᭄ᬤᭂᬳᭂᬗ᭄ᬕᭀᬦᬶᬭ᭞ᬥᬸᬧᬲᬜ᭄ᬚᬢᬦᬾᬓᬶ᭞ᬳ᭄ᬬᬂᬭᬸᬤ᭄ᬭᬦᬾ
ᬭᬶᬢᬶ᭞ᬢᬸᬫ᭄ᬧᬸᬓᬶᬗᬢᬶᬳᬮᬸᬗ᭄ᬕᬸᬄ᭞ᬫᭀᬓ᭄ᬱᬮᬲᬜ᭄ᬚᬢᬦ᭄ᬬ᭞ᬧᬶᬗ᭄ᬕᬮᬯᬃᬡ᭄ᬦᬦᬾᬍᬯᬶᬄ᭞ᬭᬶᬂᬯᬬᬩ᭄ᬬ᭞ᬮᬶᬗ᭄ᬕᬶᬄᬪᬝᬵᬭᬰᬗ᭄ᬓᬭ᭟᭜᭟ᬫᬮᬶᬗ᭄ᬕᬳᬶᬤᬭᬶᬂᬮᬶᬫ᭄ᬧ᭞ᬳᬶᬚ᭄ᬭᭀᬯᬃᬡ᭄ᬦᬳᬶᬤᬍ
