[᭕ 5B]
᭕
ᬓᬸᬦᬶᬂ᭞ᬕᬮᬂᬫᬸᬭᬸᬩ᭄᭞ᬤᬾᬦᬶᬂᬲᬢ᭄ᬫ᭄ᬬᬫᬯᭀᬭᬦ᭄᭟᭜᭟ᬲᬾᬂᬓᬯᬸᬄᬳᭂᬗ᭄ᬓᬾᬦ᭄ᬫᬦᬶᬫ᭄ᬩᬮ᭄᭞ᬫᬳᬵᬤᬾᬯᬫᬦᬾᬚᬦᬶᬦ᭄᭞ᬓ᭄ᬭᬡᬩᬭᬓ᭄ᬜᬦᬾᬧᬸᬦᬄ᭞ᬓᬸᬦᬶᬗᬾᬫᬸᬭᬸᬩ᭄ᬗᬸᬗ᭄ᬓᬸᬮᬶᬦ᭄᭞ᬤᬤᬶ
ᬜᬮᬾᬦ᭄ᬫᬕᭂᬦ᭄ᬢᬶ᭞ᬤᬶᬩᬯᬸᬩᬶᬦ᭄ᬢᬗᬾᬫᭂᬢᬸ᭞ᬫᬓ᭄ᬭᬡᬬᬫᬢᬾᬚ᭞ᬲᬂᬳ᭄ᬬᬂᬰᬶᬯᬫᬦᬾᬚᬦᬶᬦ᭄᭞ᬲᬗ᭄ᬓᬦ᭄ᬫᬸᬭᬸᬩ᭄᭞ᬲ᭄ᬯᬾᬢᬳᭂᬦᬶᬂᬢ᭄ᬯᬭᬧᬥ᭟᭜᭟ᬤᬶᬲᬸᬩᬦ᭄ᬜᬦᬾᬤᬲ᭄ᬮᭂᬫᬄ᭞ᬪᬝᬵᬭᬲᬫ᭄ᬩᬸ
ᬦᬾᬚᬦᬶᬦ᭄᭞ᬓ᭄ᬭᬡᬧᬸᬢᬶᬳᬾᬢᬦ᭄ᬲᭂᬦ᭄ᬢᬓ᭄᭞ᬩᬳᬦ᭄ᬩᬶᬭᬸᬦᬾᬜᬧᬸᬢᬶᬦ᭄᭞ᬦᬵᬗ᭄ᬳᬶᬂᬢᬾ᭠ᬳᬧᬵᬂᬳᬸᬦᬶᬂ᭞ᬬᬤᬶᬦ᭄ᬫᬸᬗ᭄ᬕᬸᬄᬚ᭄ᬭᭀᬦᬶᬂᬢᬸᬢᬸᬃ᭞ᬮᬫᬸᬦ᭄ᬢᬦ᭄ᬯᬶᬥᬶᬲ᭄ᬯᬾᬘ᭞ᬢᭂᬤᬲ᭄ᬢ᭄ᬯᬭᬤᬵᬓᬧᬗ᭄ᬕᬶᬄ᭞ᬲ
ᬗ᭄ᬓᬦ᭄ᬲᭂᬗ᭄ᬓ᭞ᬫᬮᬚᬄᬬᬤᬶᬦ᭄ᬳᬶᬤᭂᬭᬦ᭄᭟᭜᭟ᬤᬶᬚᬮᬦ᭄ᬲᬹᬃᬬ᭄ᬬᬦᬾᬳᭂᬦ᭄ᬤᬕ᭄᭞ᬲᬂᬳ᭄ᬬᬵᬂᬭᬸᬤ᭄ᬭᬫᬦᬾᬚᬦᬶᬦ᭄᭞ᬫᬓ᭄ᬭᬡᬲᬂᬫᬗᬯᬲᬂ᭞ᬧᬸᬢᬶᬳᬾᬫᬓᬮᬶᬬᬄᬢᬗᬶ᭞ᬦᬵᬗ᭄ᬳᬶᬂᬢᬾᬤ
[᭖ 6A]
᭖
ᬳᬢ᭄ᬳᭂᬦᬶᬂ᭞ᬬᬾᬦ᭄ᬲᬸᬩᬩᬚᭂᬕ᭄ᬫᬲᬶᬮᬸᬃ᭞ᬪᬝᬵᬭᬲᬤᬰᬶᬯ᭞ᬳᬶᬤᬫᬮᬶᬗ᭄ᬕᬦᬾᬚᬦᬶᬦ᭄᭞ᬓ᭄ᬭᬡᬫᬸᬭᬸᬩ᭄᭞ᬧᬸᬢᬶᬄᬢᬗᬶᬦ᭄ᬜᬦᬾᬳᬶᬮᬂ᭟᭜᭟ᬤᬶᬢᬸᬧᬸᬢᬶᬳᬾᬢᬢᬶᬕ᭞ᬫᬓᬸ
ᬫ᭄ᬧᬸᬮ᭄ᬤᬤᬶᬳᬩᭂᬲᬶᬓ᭄᭞ᬤᬤᬶᬲᬂᬳ᭄ᬬᬂᬢ᭄ᬭᬶᬲᬗ᭄ᬓᬭ᭞ᬳ᭄ᬬᬂᬇᬰ᭄ᬯᬭᬫᬫᭀᬗ᭄ᬓᭀᬮᬶ᭠ᬦ᭄᭞ᬦᬾᬤᬶᬫᬥ᭄ᬬᬳ᭄ᬬᬂᬫᬾᬢ᭄ᬭᬶ᭞ᬧ᭄ᬭᬫᬰᬶᬯᬤᬤᬶᬢᬸᬂᬢᬸᬂ᭞ᬳᭂᬦ᭄ᬢᭀᬚᬦᬶᬓᭂᬦᭂᬳᬂ᭞ᬭᬲ
ᬬᬂᬤᬶᬚ᭄ᬭᭀᬦᬶᬂᬳᬢᬶ᭞ᬧᬲᬸᬭᬸᬧᬦ᭄ᬜᬦᬾᬫᬲᬶᬄᬳᬧᬂᬢᬯᬂ᭟᭜᭟ᬭᬾᬄᬧᬥᬫᬯᬧᬲᬾᬗᬦ᭄᭞ᬧᬳᬸᬗ᭄ᬕ᭄ᬯᬦ᭄ᬳᬶᬤᬦᬾᬲᬫᬶ᭞ᬧᬲᬸᬭᬸᬧᬦ᭄ᬲᬂᬳ᭄ᬬᬂᬯᬸᬮᬦ᭄᭞ᬚᬵᬢᬶᬦ᭄ᬜᬦᬾ
ᬓᬧᬶᬂᬢᬸᬯᬶ᭞ᬫᬥᬸᬭᬲᬸᬭᬸᬧ᭄ᬦᬾᬓᬶ᭞ᬬᬦᬶᬂᬲᬶᬭᬢᬦᬯᭂᬭᬸᬄ᭞ᬳᬭᬦ᭄ᬤᬾᬰᬫᬥᬸᬭ᭞ᬫᬕᭂᬦᬄᬢᬸᬫ᭄ᬧᬸᬓᬶᬂᬳᬢᬶ᭞ᬳᬧᬦ᭄ᬤᬶᬢᬸ᭞ᬧᬲᬸᬭᬸᬧᬦ᭄ᬲᬂᬳ᭄ᬬᬂᬯᬸᬮᬦ᭄᭟᭜᭟ᬓ᭄ᬭᬡᬦᬾᬢ᭄ᬯᬭ
