[᭑᭕ 15 B]
ᬓᬵᬍ᭞ᬳ᭄ᬬᬂᬓᬸᬫᬭᬓᬤᬶᬧᬸᬭᬸᬦ᭄᭞ᬫᬫᬢᭂᬳᬶᬦ᭄ᬧᬫᬶᬚᬶᬮᬦ᭄᭞ᬫᭂᬢᬸᬩ᭄ᬭᬂᬢᬶ᭞ᬳ᭄ᬬᬂᬓᬸᬫᬭᬧᬘᬂᬓᬢᬤᬄ᭟ᬩᬳᭀᬲᬶᬤᬲᬂᬳ᭄ᬬᬂᬰᬶᬯ᭞ᬦᬶᬓᬳᬶᬦ᭄ᬳ᭄ᬬᬂᬓᬸᬫᬭᬫᬂᬓᬶᬦ᭄᭞ᬫᬂᬤᬳᬶᬤ
ᬫᬲᬶᬗᬶᬤᬦ᭄᭞ᬫᬂᬤᬦᬾᬳᬶᬤᬢᬦ᭄ᬮᬫ᭄ᬧᬸᬲ᭄᭞ᬲᬾᬤᬤᬤᭀᬲ᭄ᬢᬢᬤᬳᬦ᭄᭞ᬦᬸᬮᬶᬫᬂᬓᬶᬦ᭄᭞ᬳ᭄ᬬᬂᬓᬸᬫᬭᬫᬸᬭᬂᬮᬫ᭄ᬧᬄ᭟ᬲᬫ᭄ᬧᬸᬦ᭄ᬲ᭄ᬯᬾᬓᬩᬳᭀᬲᬦ᭄᭞ᬳ᭄ᬬᬂᬓᬸᬫᬭᬦᬶᬂᬕᬮ᭄ᬧᬸᬭᬶ᭞
ᬧᬫᬃᬕᬶᬦᬾᬫᬸᬭᬂᬮᬫ᭄ᬧᬄ᭞ᬳ᭄ᬬᬂᬓᬵᬍᬗᭂᬢᬸᬢ᭄ᬫᬫᬸᬭᬸ᭞ᬫᬲᬶᬄᬢᭀᬦ᭄ᬤᬾᬦ᭄ᬓᬓᭂᬦ᭄ᬬᬂ᭞ᬲ᭄ᬮᬩ᭄ᬲᬩ᭄ᬲᬮᬶᬲᬶᬩ᭄᭞ᬬᬦ᭄ᬓᬶᬚᬓᬧᭀᬫᬢᬶᬮᬃ᭟ᬕᭂᬮᬄᬓᬗᭂᬦ᭄ᬫᬫᬶᬋᬗᬂ᭞ᬳᬾᬫᬦᬾᬭᬶᬗᬦᬓᬮᬶᬢ᭄᭞
ᬳᬫᬸᬭᬂᬮᬫ᭄ᬧᬄᬫᬫᭂᬲᬦ᭄᭞ᬲᬳᬦᬦ᭄ᬤᬂᬓᬬᬸᬦ᭄ᬲᬸᬂᬲᬸᬢ᭄᭞ᬕᭂᬧᬸᬕᬾᬧᬾᬫᬲᬸᬲᬸᬧᬦ᭄᭞ᬗ᭄ᬮᬶᬤᬂᬳᬸᬭᬶᬧ᭄᭞ᬳᭂᬦ᭄ᬢᭀᬦᬾᬓᬬᬸᬦᬂᬕᭂᬮᬄ᭟ᬦᬄᬬᬦ᭄ᬧ᭄ᬭᬤᬾᬧ᭄ᬭᬦᬫ᭄ᬬ᭞ᬳᬶᬤᬚᬕ᭄ᬭᬳᬸᬄᬫᬭᬶ
[᭑᭖ 16 A]
᭞᭑᭖᭞
ᬓᬶ᭞ᬚᬕᬗᬃᬲᬂᬧᬲᬬᬸᬗᬦ᭄᭞ᬓᬾᬦ᭄ᬓᬾᬦ᭄ᬭᬲᬦᬾᬧᬂᬧᬢᬸᬢ᭄᭞ᬦᬾᬫᬸᬮᬳᬂᬕᭀᬦ᭄ᬧᬶᬲᬭᬢ᭄᭞ᬦᬄᬦᬾᬚᬦᬶ᭞ᬲᬸᬓᬧᬫᬦ᭄ᬫᬗᭂᬦᭂᬳᬂ᭟ᬓᬶᬧᬢᬶᬄᬯᬺᬤᬫᬢᬸᬭ᭞ᬳᬢᬸᬭᬾᬫᬲᭂᬫᬸ
ᬚᭂᬗᬶᬲ᭄᭞ᬳᬶᬂᬕᬶᬄᬲᬤᬕᬶᬂᬯᭂᬘᬦ᭞ᬢᬢᬲ᭄ᬕᬮᬂᬢᬶᬢ᭄ᬬᬂᬲᬫ᭄ᬧᬸᬦ᭄᭞ᬦᬗᬶᬂᬓᬾᬢᬶᬢ᭄ᬬᬂᬗᬮᬸᬂᬲᬸᬭᬂ᭞ᬓᬬᬸᬦᬺᬧᬢᬶ᭞ᬤᬶᬓᬲᬦ᭄ᬧᬘᬂᬧ᭄ᬭᬲᬂᬕ᭞ᬬᬦ᭄ᬲᬫ᭄ᬧᬸᬦ᭄ᬫᬦᬸᬢ᭄ᬭᬶᬂᬓᬬᬸᬦ᭄᭞ᬢᬶᬢ᭄ᬬᬂᬲᬬᬕ
ᬮᬸᬫᬫ᭄ᬧᬄ᭞ᬫᬾᬮᬧᬢᬶ᭞ᬲᬓᬢᬶᬢᬄᬲᬳᬶᬭᬶᬗ᭟ᬳᬶᬤᬲᬂᬦᬵᬣᬗᬦ᭄ᬤᬶᬓ᭞ᬬᬦ᭄ᬓᬾᬢᭀᬳᬶᬤᭂᬧᬾᬲᬫᬶ᭞ᬚᬦᬶᬕᭂᬮᬄᬫᬶᬤᬃᬢᬬᬂ᭞ᬲᬮᬫ᭄ᬧᬄᬧᬢᬸᬢ᭄ᬓᬢᬶᬭᬸ᭞ᬘᬸᬢᭂᬢ᭄ᬫᬓᬳᬶᬤᭂᬧ᭄ᬕᭂᬮᬄ᭞ᬚ
ᬕ᭄ᬲᬸᬢᬶᬦ᭄ᬤᬶᬄ᭞ᬧ᭄ᬭᬤᬾᬭᬳᬸᬄᬳ᭄ᬬᬂᬓᬸᬫᬭ᭟ᬭᬳᬸᬄᬗᬃᬲᬂᬧᬲᬬᬸᬩᬦ᭄᭞ᬳᬧᬃᬲᬬᬕᬦᬂᬓᭂᬧᬶᬦ᭄᭞ᬢᬦ᭄ᬤᬶᬂᬚᬸᬭᬶᬢ᭄ᬭᬳᬶᬂᬳ᭄ᬬᬂᬓᬵᬍ᭞ᬤ᭄ᬬᬲ᭄ᬢᬸᬕᭂᬮᬄᬧᬘᬂᬍᬩᬸᬃ᭞ᬫᬾᬮᬦᬶᬂᬲᬂᬳ᭄ᬬᬂᬓᬸᬫᬭ᭞ᬜᬤ᭄ᬬᬫᬢᬶ᭞ᬓ
Kaca:Bali-lontar-gaguritan-sapuhjagat-250ppi.pdf/16
Kaca puniki sampun kauji-wacén
