[᭑᭔ 14 B]
ᬲᬚ᭄ᬭᭀᬦᬶᬂᬗᬯᭂᬂᬓᬸ᭞ᬓ᭄ᬯᬾᬳᬶᬂᬩᬮᬤᬶᬫᬦ᭄ᬢ᭄ᬭᬶᬬ᭞ᬮᬦ᭄ᬲᬸᬢᬶᬦ᭄ᬤᬶᬄ᭞ᬩᬓ᭄ᬢᬶᬢᬦ᭄ᬧᬸᬭᬸᬦ᭄ᬮᬸᬫ᭄ᬬᬢ᭄᭟ᬩᬯᭀᬲᬚ᭄ᬭᭀᬦᬶᬂᬧᬧᬳᭂᬫᬦ᭄᭞ᬳᬸᬤᬸᬄᬧᬫᬦ᭄ᬧᬢᬶᬄᬲᬫᬶ᭞ᬮᬦ᭄ᬧᬭᬯᬤ᭄ᬯᬫᬓᭂᬚᬂ᭞ᬋ
ᬗᬚᬦᬶᬩᬯᭀᬲᬓᬸ᭞ᬦᬾᬧᬢᬸᬢ᭄ᬧᬫᬦ᭄ᬧ᭄ᬭᬓ᭄ᬢᬶᬳᬲ᭞ᬤᬚᬮᬮᬶ᭞ᬫ᭄ᬩᬾᬮᬧᬜ᭄ᬚᬓ᭄ᬮᬦᬕᬭ᭟ᬧᬫᬦ᭄ᬢᭀᬳᬚᬓ᭄ᬫᬓᭂᬚᬂ᭞ᬯᬮᬸᬬᬦᬾᬫᬜᬬᬶᬦᬸᬦ᭄᭞ᬲᬚᭂᬩᬕᭂᬃᬢᬓᬵᬕᬮ
ᬫᬂᬤᬦᬾᬧᬫᬦ᭄ᬢᬦ᭄ᬢᬦ᭄ᬤ᭄ᬭᬸᬄ᭞ᬫᬶᬯᬄᬯᬤ᭄ᬯᬮᬦ᭄ᬧᬜ᭄ᬚᬓ᭄᭞ᬓᬯᬶᬚᭂᬳᬶᬦ᭄᭞ᬦᬾᬩ᭄ᬯᬢ᭄ᬫᬮᬶᬄᬕᭂᬮᬭᬂ᭟ᬤᬃᬫᬵᬕᬫᬮᬦᬕᬭ᭞ᬳᭂᬦ᭄ᬢᭀᬜᬾᬦ᭄ᬳᬧᬗᬧᬲ᭄ᬢᬶ᭞ᬲᬗ᭄ᬫᬶᬭᬕᬶᬭᬶᬂᬧᬲᬾᬩ
ᬦ᭄᭞ᬲᬫᬶᬧᬤᬋᬧ᭄ᬗᬭᬸᬗᬸ᭞ᬤᬳᬢ᭄ᬭᬸᬫᬓ᭄ᬱᬭᬶᬂᬫᬦᬄ᭞ᬳᭂᬦᭂᬂᬳᭂᬦᬶᬂ᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦᬗᬸᬘᬧ᭄᭟ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭞ᬦᬄᬢᭀᬓᬦ᭄ᬓᬾᬦ᭄ᬫᭂᬦᭂᬂᬲᬫᬶ᭞ᬫᬶᬭᬶᬩ᭄ᬦᬾᬢ᭄ᬯᬭᬋᬲᭂ
[᭑᭕ 15 A]
᭞᭑᭕᭞
ᬢᭂᬓᬾᬦᬾᬕᭂᬮᬄᬧᬶᬓᬬᬸᬦ᭄᭞ᬦᬸᬮᬶᬯᬾᬦ᭄ᬢᭂᬦ᭄ᬧᬸᬭᬸᬦᬶᬫ᭄ᬩᬮ᭄᭞ᬳᬶᬂᬕᬶᬄᬕᬸᬲ᭄ᬢᬶ᭞ᬢᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬫᬸᬂᬕ᭄ᬯᬶᬂᬦᬾᬫᬵᬳᬸᬂᬕᬸᬄᬭᬶᬂᬘᬶᬢ᭞ᬓᬧᬶᬲᬭᬢ᭄ᬫᬂᬤᬧ᭄ᬲ᭄ᬢᬶ᭞ᬩᭀᬬᬢᬶᬢ᭄ᬬᬂᬧᬸᬭᬸᬦ᭄ᬢᭂ
ᬫᬧ᭄ᬮ᭄᭞ᬭᬶᬂᬧᬓᬃᬲᬦ᭄ᬚᭂᬂᬲᬂᬧ᭄ᬭᬪᬸ᭞ᬮᬾᬤᬂᬫᬂᬤᬤᬢᬶᬦᬲ᭄ᬕᬮᬂ᭞ᬢᬶᬢ᭄ᬬᬂᬲᬫᬶ᭞ᬧᬲ᭄ᬢᭂᬓᬜ᭄ᬜᬫᬂᬤᬢᬢᬲ᭄᭟ᬦᬄᬬᬦᭂᬦ᭄ᬢᭀᬳᬶᬤᭂᬧᬫᬦ᭄᭞ᬳᭂᬦᬾᬦᬾᬫᬸᬮᬓᬵᬮᬶᬄ᭞ᬭᬳᭀᬲ᭄ᬧᬫᬦᬾ
ᬓᬚᬦ᭄ᬢᭀᬲ᭞ᬦᬾᬚᬦᬶᬫᭂᬮᬄᬗᬭᬸᬗᬸ᭞ᬕᭂᬮᬄᬧᬘᬂᬜᬭᬶᬢᬬᬂ᭞ᬳᬧᬂᬢᬺᬧ᭄ᬢᬶ᭞ᬳᬶᬤᭂᬧᬾᬳᬚᬓ᭄ᬫᬓᭂᬚᬂ᭟ᬦᬾᬳᬤᬓᭂᬧᬶᬭᬦ᭄ᬳᭀᬃᬢ᭞ᬤᬦᬾᬲᭂᬓᭂᬦ᭄ᬕᭂᬮᬄᬦᬫ᭄ᬧᬶ᭞ᬫᬓᬧᬸᬢ᭄ᬭᬦ᭄ᬲᬂᬗ᭄ᬬᬂ
ᬰᬶᬯ᭞ᬳ᭄ᬬᬂᬓᬸᬫᬭᬦᬾᬓᬯᬸᬯᬸᬲ᭄᭞ᬧᬸᬢ᭄ᬭᬦᬾᬲᬦᬾᬳᬮᬶᬢᬦ᭄᭞ᬫᬓᬳᬭᬶ᭞ᬲᬓᬾᬗᬶᬤᬲᬂᬳ᭄ᬬᬂᬓᬵᬍ᭟ᬤᬾᬦᬶᬂᬧᬢᭂᬄᬧᬫᬶᬚᬶᬮᬦ᭄᭞ᬯᬸᬓᬸᬯᬬᬂᬫᬓᬓᬮᬶᬄ᭞ᬩᭂᬦ᭄ᬤᬸᬦᬸᬤᬲᬂᬳ᭄ᬬᬂ
Kaca:Bali-lontar-gaguritan-sapuhjagat-250ppi.pdf/15
Kaca puniki sampun kauji-wacén
