[᭑᭖ 16 B]
ᬧ᭄ᬭᬯᬶᬭᬦᬾᬭᬚᭂᬕᬂ᭟ᬦᬄᬓᬾᬢᭀᬜᬾᬦᬶᬤᭂᬧ᭄ᬕᭂᬮᬄ᭞ᬓᬾᬦ᭄ᬓᬾᬦᬧᬫᬦᬫ᭄ᬧᬶᬦᬶᬦ᭄᭞ᬲᬫᬶᬚᬕᬾᬕᬃᬫᬲᬸᬃᬬᬓ᭄᭞ᬳᬶᬂᬕᬶᬄᬢᬶᬢ᭄ᬬᬂᬗᬶᬭᬶᬂᬍᬩᬸᬃ᭞ᬭᬶᬂᬧᬚ᭄ᬭᭀᬦᬶᬂᬧᬬᬸᬤᬦ᭄᭞ᬤᬳ
ᬢ᭄ᬩ᭄ᬭᬂᬢᬶ᭞ᬭᬶᬂᬧᭀᬮᬳᬶᬤᬳ᭄ᬬᬂᬓᬵᬍ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬦᬂᬓᬶᬮᬦ᭄᭞ᬦᬄᬚᬓᬜ᭄ᬚᬦᬶᬫᬢᬓᬶ᭞ᬬᬦ᭄ᬧ᭄ᬭᬤᬾᬳᬤᬩ᭄ᬬᭀᬢ᭞ᬓᬸᬮ᭄ᬓᬸᬮᬾᬫᬲ᭄ᬯᬭᬩᬸᬮᬸᬲ᭄᭞ᬳᭂᬦ᭄ᬢᭀᬢᬯᬄᬫᬓᬧ᭄ᬭᬘᬶᬄᬦ᭞ᬫ
ᬓᬘᬶᬭᬶ᭞ᬲᬫᬶᬫᬸᬮᬢ᭄ᬭᬶᬂᬲᬜ᭄ᬚᬢ᭟ᬤᬸᬭᬸᬂᬋᬓᬾᬧᬫᬶᬢ᭄ᬩᬸᬤᬮ᭄᭞ᬲᬓᬶᬂᬧᬲᬾᬩᬦ᭄ᬫᬓᬶᬦ᭄ᬓᬶᬦ᭄᭞ᬫᬘᭂᬮᬶᬕ᭄ᬢᬦ᭄ᬧᬭᬭᬧᬦ᭄᭞ᬳᬶᬤᬲᬂᬧ᭄ᬭᬪᬸᬓᬚᬸᬚᬸᬃ᭞ᬫᬲᭂᬫᬸᬲᭂᬤᬶᬄᬓᬮᬭᬦ᭄᭞
ᬓᬵᬲᬶᬄᬳᬲᬶᬄᬳᬢᬸᬭᬾᬓᬯᭂᬮᬲᬃᬲᬦ᭄᭟ᬲᬶᬂᬕᬶᬄᬧᬓᬸᬮᬸᬦ᭄ᬲᬂᬓᬵᬢ᭞ᬢᬶᬢ᭄ᬬᬂᬯᬦ᭄ᬢᬄᬭᬯᬸᬄᬫᬭᬶᬓᬶ᭞ᬢᬶᬢ᭄ᬬᬂᬯᬦ᭄ᬢᬄᬚᬭᬸᬄᬫᬭᬶᬓᬶ᭞ᬜᬤ᭄ᬬᬧᬘᬂᬦᬸᬦᬲ᭄᭞ᬜᬤ᭄ᬬᬦᬸᬦ
[᭑᭗ 17 A]
᭞᭑᭗᭞
ᬲ᭄ᬧᬲᬬᬸᬗᬦ᭄᭞ᬫᬂᬤᬦᬾᬮᬾᬤᬂᬲᬂᬧ᭄ᬭᬪᬸ᭞ᬗᬶᬘᬾᬦ᭄ᬢᬶᬢ᭄ᬬᬂᬢᬢᬸᬮᬸᬗᬂ᭞ᬭᬳᬸᬄᬫ᭄ᬭᬶᬓᬶ᭞ᬤᬾᬦᬶᬂᬢᬶᬢ᭄ᬬᬂᬓᬮᬭᬦ᭄᭟ᬳᬶᬭᬶᬓᬫᬭᬶᬂᬧᬩᬶᬦᬦ᭄᭞ᬳ᭄ᬬᬂᬓᬸᬫᬭᬗᬋᬋᬫᬶᬄ᭞ᬳᬶᬤᬲᬂᬧ᭄ᬭᬪᬸ
ᬫ᭄ᬭᬓ᭄ᬢᬶᬬᬲ᭞ᬭᬭᬶᬲ᭄ᬫᬢᬓᬾᬦ᭄ᬲᬂᬧ᭄ᬭᬪᬸ᭞ᬳᬸᬤᬸᬄᬤᬾᬯᬲᬧᬲᬶᬭ᭞ᬲᭂᬤᬶᬄᬓᬶᬂᬓᬶᬂ᭞ᬢᬢᬲᬂᬧᬂᬕᭂᬮᬄᬦᬯᬂ᭟ᬲᬂᬳ᭄ᬬᬂᬓᬸᬫᬭᬗᬦ᭄ᬤᬶᬓ᭞ᬢᬶᬢ᭄ᬬᬂᬯᬦ᭄ᬢᬄᬧᬸᬦᬶᬓᬶ᭞ᬫᬯᬲ᭄ᬢᬲᬂᬳ᭄ᬬᬂᬓᬸᬫᬭ᭞ᬧᬸᬢ᭄ᬭᬦᬶᬤᬪ
ᬝᬭᬕᬸᬭᬸ᭞ᬫᬦᬸᬢ᭄ᬢᬶᬢᬄᬳᬶᬤᬪᬝᬭ᭞ᬫᬂᬤᬫ᭄ᬭᬶᬓᬶ᭞ᬗᬺᬋᬄᬓᬦ᭄ᬢᬶᬧᬲᬬᬸᬩᬦ᭄᭟ᬳᬶᬤᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬳᬢᬸᬭᬾᬓᬗᭂᬦ᭄ᬢᬸᬦ᭄ᬲᬶᬥᬶ᭞ᬢᬶᬢ᭄ᬬᬂᬲᬫ᭄ᬧᬸᬦ᭄ᬫᬶᬭᬕᬶᬳᭀᬃᬢ᭞ᬧᬮᬸᬂᬕᬸᬄᬭᬢᬸᬓᬩᬸᬭᬸ᭞ᬳᭀ
ᬮᬶᬳᬶᬤᬲᬂᬳ᭄ᬬᬂᬓᬵᬍ᭞ᬦᬾᬦᬾᬫᬂᬓᬶᬦ᭄᭞ᬧᬸᬦᬶᬓᬬᬸᬤ᭄ᬪᬝᬭ᭟ᬲᬂᬳ᭄ᬬᬂᬓᬸᬫᬭᬗᬦ᭄ᬤᬶᬓ᭞ᬢᬶᬢ᭄ᬬᬂᬫ᭄ᬭᬶᬓᬶᬦᬺᬋᬄᬓᬦ᭄ᬢᬶ᭞ᬩᬳᭀᬲᬶᬤᬲᬂᬳ᭄ᬬᬂᬰᬶᬯ᭞ᬫᬂᬤᬦᬾᬫᬳᬸᬭᬶᬧ᭄ᬓᬦ᭄ᬢᬸᬦ᭄᭞ᬦᬾᬦ᭄ᬢᭂᬦ᭄ᬤᬤᭀ
Kaca:Bali-lontar-gaguritan-sapuhjagat-250ppi.pdf/17
Kaca puniki sampun kauji-wacén
