[ ᭗ 7B]
᭗᭞ᬓᬶᬜ᭄ᬚᬕᬢ᭄᭞ᬢ᭄ᬯᬶᬓᬸᬘᬸᬧ᭄ᬫᭂᬓᬃᬲᬳᬶ᭟ᬦᬶᬓᬓᬭᬶᬲ᭄ᬮᬶᬯᬄᬧᬶᬲᬦ᭄᭞ᬤᬦ᭄ᬤᬾᬦ᭄ᬳᬶᬚᬸᬗ᭄ᬕᬸᬕ᭄ᬯᬦᬶᬦ᭄ᬧᬂᬤᬧᬮᬶᬂ᭞ᬩᭀᬮᭀᬂᬜᬾᬦ᭄ᬓᬤᬾᬦ᭄ᬬᬲᬸᬭᬸᬄ᭞ᬬᬫᬤᬦ᭄ᬚᬦ᭄ᬫᬦᬶᬤ᭄ᬭ᭞ᬤᬸᬭᬸᬂᬢᬗᬶ᭞ᬭᬚᬄᬢᬫᬄ
ᬬᬗᬮᬶᬧᬸᬢ᭄᭞ᬤᭀᬂᬚᬦᬾᬗᭂᬤᭂᬫ᭄ᬦᬶᬤ᭄ᬭ᭞ᬢᭀᬦᬾᬫᬤᬦ᭄ᬧᬸᬜᬄᬲᬳᬶ᭟ᬤᭀᬂᬚᬢᭀᬓ᭄ᬫᬓᬤᬧᬸᬜᬄ᭞ᬢ᭄ᬯᬶᬮ᭄ᬬᬸᬦᭂᬓᬬᬂᬧᬸᬜᬄᬧᬮᬶᬂ᭞ᬬᬳᬶᬗᭂᬃᬭᬶᬂᬳᬶᬤᭂᬧ᭄ᬢᬸᬳᬸ᭞ᬧᬶᬦᭂᬄᬩᬶᬦ᭄ᬤᭂᬭᬂᬧᬢᭂᬮᬦ᭄᭞ᬧ
ᬗᬯ᭄ᬭᬸᬳᬾ᭞ᬦᬾᬚᬢᬶᬯᬲ᭄ᬧᬤᬢᬸᬫᬸᬢ᭄᭞ᬲᬭᬶᬦᬶᬂᬭᬲᬫᬸᬮ᭄ᬬ᭞ᬧᭂᬂᬧᭂᬂᬦᬶᬂᬘᬶᬢᬳᬸᬮᬢᬶ᭟ᬮ᭄ᬬᬸᬩᬶᬲᬜᬫ᭄ᬩᬸᬢᭀᬯᬂ᭞ᬩ᭄ᬯᬢᬶᬂᬢᬲ᭄ᬢ᭄ᬭᬤᬲᬵᬓ᭄ᬱᬭᬦᬾᬮ᭄ᬯᬶᬄ᭞ᬭᬶᬗ᭄ᬓᭂᬲ᭄ᬧᬂᬢᬸᬧᬶᬸᬗ᭄ᬕᬸᬮ᭄ᬗᬯᬶᬦ᭄ᬤᬸ᭞ᬓᬾᬦ᭄ᬓᬾᬦ᭄ᬢᭀᬩ
ᬳᬦ᭄ᬦᭂᬧᬸᬓᬂ᭞ᬲᭀᬓ᭄ᬳᬶᬤᭂᬧᬾ᭞ᬚ᭄ᬯᬳᬗ᭄ᬕᭀᬜᬫᬗᬶᬢᬸᬂ᭞ᬧᬶᬜ᭄ᬘ᭄ᬭᬂᬫ᭄ᬦᬾᬓ᭄ᬦᬸᬳᬸᬦᬂ᭞ᬧᬶᬦ᭄ᬤᬬᬂᬤᬶᬜᭂᬢ᭄ᬯᬸᬲ᭄ᬦᬸᬗ᭄ᬕᬶᬮ᭄᭟ᬦᬾᬓᬾᬢᭀᬬᬗᬧᬸᬲ᭄ᬭᬕ᭞ᬲᬸᬚᬢᬶᬦᬾᬳᬧᬦ᭄ᬢᭀᬦᬾᬓᬶᬢᬸᬗᬶᬦ᭄᭞ᬗᬾᬦ᭄ᬤᬄᬧᬾᬮ
[ ᭘ 8A]
ᬕ᭄ᬩᬦ᭄ᬫᬗᬶᬢᬸᬂ᭞ᬯᬳᬶᬓᬫᬸᬮᬶᬄᬭᬶᬂᬲ᭞ᬦᬧᬸᬦᬶᬓ᭞ᬢ᭄ᬯᬶᬭᬶᬂᬩᬫᬦ᭄ᬢᬸᬓ᭄ᬳᬶᬧᬸᬦ᭄᭞ᬫᬳᬸᬮᬶᬳᬂᬭᬶᬂᬢ᭞ᬲᬫᬸᬮᬶᬄᬭᬶᬂᬳᬲᬸᬚᬢᬶ᭟ᬬᬫᬭᬶᬂᬳᬶᬫᬸᬮᬶᬳᬵᬂᬬᬦ᭄ᬓᬾᬢᭀᬩᬦ᭄ᬗ᭄ᬭᬾᬓᬗᬾᬜ᭄ᬘᭂᬧ᭄ᬤᬶᬳᬢᬶ᭞ᬧᬶᬂᬢᬶᬕᬧᬚ
ᬮᬦ᭄ᬳᬶᬧᬸᬦ᭄᭞ᬧᬶᬲᬦ᭄ᬲᬲ᭄ᬢ᭄ᬭᬩᬩ᭄ᬯᬢᬦ᭄᭞ᬦᬾᬧᬶᬂᬓᬮᬶᬄ᭞ᬧᬶᬢᬸᬕᬤᬾᬯᬦᬾ ᬓᬸᬫ᭄ᬧᬸᬮ᭄᭞ᬳᬮᬸᬄᬧᭂᬲᬦ᭄ᬩᬦ᭄ᬗᬶᬢᬸᬗᬂ᭞ᬤᬾᬯᬤᬤᬶᬭᬾᬲ᭄ᬤᬩ᭄ᬤᬩᬶᬦ᭄᭟ᬩ᭄ᬮᭀᬕ᭄ᬧᬶᬲᬦ᭄ᬤᬤᬶᬤᬾᬯ᭞ᬢ᭄ᬓᬳᬾᬦᬦᬓ᭄ᬓᬳᬶᬦ᭄ᬤᭂᬗᬂᬓ᭄ᬫ
ᬫᬳᬶ᭞ᬦᬶᬢᬄᬤᬾᬨᬢ᭄ᬓᬳᬮᬸᬄ᭞ᬓ᭄ᬦᭂᬄᬫᬗ᭄ᬓᬢ᭄ᬩᬶᬓᬲ᭄ᬦᬶᬢᬄ᭞ᬲᭀᬓ᭄ᬢᭀᬲᬯᬂ᭞ᬯᬃᬡ᭄ᬦᬦᬾᬤᬸᬭᬸᬂᬓᬧᬗ᭄ᬕᬸᬄ᭞ᬭᬾᬄᬗ᭄ᬕᭀᬦ᭄ᬳᬶᬤᬦᬾᬢᬦ᭄ᬢᬯᬂ᭞ᬲᬶᬭᬦᬾᬩᬶᬲᬗᬶᬗᭂᬢᬶᬦ᭄᭟ᬤᬶᬚᬕ᭄ᬦᬄᬳᬶᬤᬢᬯᬂ᭞ᬬᬦᬶᬂ
ᬧᬗ᭄ᬕᬶᬄᬓᬾᬦ᭄ᬓᬾᬦ᭄ᬯᬃᬡ᭄ᬦᬦᬾᬭᬶᬂᬳᬓ᭄ᬱᬶ᭞ᬬᬦ᭄ᬢᬦ᭄ᬯ᭄ᬭᬸᬄᬩᬶᬲᬗᬧᬸᬲ᭄᭞ᬓᭀᬘᬧ᭄ᬲᬂᬳ᭄ᬬᬂᬩ᭄ᬭᬳ᭄ᬫᬩᬂ᭞ᬳ᭄ᬬᬂᬯᬶᬱ᭄ᬡᬸ᭞ᬓᬺᬱ᭄ᬡᬯᬃᬡ᭄ᬦᬦᬶᬂᬳᬮᬶᬸᬮᬶᬸᬮᬸᬦᬸᬮᬸᬲ᭄᭞ᬇᬰ᭄ᬯᬭᬋᬓᭀᬧ᭄ᬝᬓ᭄᭞ᬫᬳᬤᬾᬨᬋᬓᬾᬓᬸᬦᬶᬂ᭟ᬲᬚ
Kaca:Bali-lontar-gaguritan-sandisastra-300ppi.pdf/8
Kaca puniki sampun kauji-wacén
