[ ᭘ 8B]
᭘᭞
ᬓᬾᬓᬾᬢᭀᬭᬶᬂᬢᬗ᭄ᬳᬶᬮ᭄᭞ᬤᬶᬚᬳᬶᬤᬳᬤᬘᬸᬦ᭄ᬤᬸᬓ᭄ᬓᬢᬗ᭄ᬓᬶᬮ᭄᭞ᬗ᭄ᬕᭀᬦ᭄ᬦᬸᬦᬲ᭄ᬭᬯᭀᬲ᭄ᬧᬫᬢᬸᬢ᭄᭞ᬚᬦ᭄ᬢᭂᬦ᭄ᬓᭀᬘᬧ᭄ᬦᭀᬭᬢᬯᬂ᭞ᬭᬶᬂᬦᬾᬚᬢᬶ᭞ᬧᬬᬸᬢᬶᬤᭀᬂᬓ᭄ᬦᬕᬸᬕᬸ᭞ᬲᭀᬓ᭄ᬲᬸ
ᬩᬦᬸᬢᬸᬃᬳᬯᬕᬂ᭞ᬭᬾᬄᬧᬦᭀᬦ᭄ᬢᬦ᭄ᬯ᭄ᬭᬸᬳᬶᬂᬳᬓ᭄ᬱᬶ᭞ᬦ᭄ᬢᭀᬦᬾᬫᬸᬮᬧᬂᬓᬢᬶᬗᬮᬶᬦ᭄᭞ᬦ᭄ᬤᬳᬫ᭄ᬧᬄᬭᬾᬄᬯᭀᬂᬳᬭᬂᬯ᭄ᬭᬸᬄᬚᬢᬶ᭞ᬓᬢᬄᬩᬶᬗᬸᬂᬧᬬᬸᬗᬸᬕᬸ᭞ᬩᬦ᭄ᬢᭀᬂᬲᬶᬤ᭄ᬥᬸᬩᬦ᭄ᬗᭂᬦᭂᬳᬂ᭞ᬦᬾᬓᬳᬸᬮ
ᬢ᭄᭞ᬲᬸᬩᬚᬢᬶᬓᬤᬾᬦ᭄ᬤᬸᬭᬸᬂ᭞ᬦᬾᬩᭀᬬᬗᬸᬮᬄᬧᬸᬮᬶᬳᬦ᭄᭞ᬓ᭄ᬦᬕᬸᬕᬸᬓᬤᬾᬦ᭄ᬚᬢᬶ᭟ᬩᬲ᭄ᬕᬮᬂᬬᬤᬤᬶᬳᬸᬮᬧ᭄᭞ᬘᬘᬶᬗᬓᬾᬤᬤᬶᬢᬦ᭄ᬯ᭄ᬭᬸᬄᬗᬸᬮᬢᬶ᭞ᬩᬲ᭄ᬧᬳᭂᬓ᭄ᬗᬯᬶᬦᬂᬲᬭᬸ᭞ᬲᬶᬂᬲᬯᬢᬂᬲᭂᬗ᭄ᬕᬸᬄ
ᬳᬶᬬ᭞ᬓᬾᬢᭀᬢ᭄ᬯᬶ᭞ᬢᬶᬗ᭄ᬓᬳᬶᬂᬯᭀᬂᬤᬸᬭᬸᬂᬯ᭄ᬭᬸᬄ᭞ᬲᬢᬢᬲᬮᬄᬤᬮᬶᬳᬦ᭄᭞ᬧᬬᬸᬚᬦ᭄ᬢᭂᬦ᭄ᬢᬦ᭄ᬧᬢᬶᬢᬶᬲ᭄᭟ᬢ᭄ᬯᬶᬮ᭄ᬬᬸᬦᬾᬢᬼᬩᬂ᭞ᬢᬸᬢᬸᬃᬫᬦ᭄ᬢ᭄ᬭᬦᬾᬦᬸᬓᭀᬘᬧ᭄ᬲᭂᬗ᭄ᬕᬸᬄᬲᬓ᭄ᬢᬶ᭞ᬓᬾᬢᭀᬲᬶᬦᬄᬭᬕᬓᬧᬸ
[ ᭙ 9A]
ᬲ᭄᭞ᬬᬦᬶᬂᬦᭀᬭᬋᬱᭂᬧ᭄ᬩᬳᬦ᭄᭞ᬲᬭᬶᬦ᭄ᬭᬲᬸ᭞ᬚᬢᬶᬦᬾᬫᬦ᭄ᬢ᭄ᬭᬬᬂᬘᬸᬦ᭄ᬤᬸᬓ᭄᭞ᬳ᭄ᬤᬗᬤᭀᬮ᭄ᬲᭀᬓᬶᬂᬭᬾᬓ᭞ᬬᬾᬦ᭄ᬢᭀᬓᭂᬦ᭄ᬤᭂᬮᬂᬲᬸᬗ᭄ᬓᭂᬫᬶᬦ᭄᭟ᬢᬦ᭄ᬤᬸᬤ᭄ᬫᭂᬦ᭄ᬗ᭄ᬭᬫ᭄ᬩᬂᬤᭀᬯᬂ᭞ᬚᬧᬫᬦ᭄ᬢ᭄ᬭᬧᬸᬚᬯᬾᬤ᭄ᬥᬦᬾ
ᬓᬧᬶᬗᬶᬢ᭄᭞ᬳᬗ᭄ᬕᭀᬦ᭄ᬕᭂᬦ᭄ᬤᬶᬂᬲ᭄ᬬᬂᬤᬮᬸ᭞ᬧᬸᬧᬸᬄᬜᬦᬾᬲᬶᬂᬚᬢᬯᬂ᭞ᬤᬶᬚᬲᬗ᭄ᬓᬦ᭄᭞ᬧᬭᬦᬾᬮᬦ᭄ᬲᬸᬭᬸᬧ᭄ᬳᬶᬧᬸᬦ᭄᭞ᬲᬗ᭄ᬓᬦ᭄ᬫᭂᬢᬸᬚᬧᬫᬦ᭄ᬢ᭄ᬭ᭞ᬢ᭄ᬯᬶᬤᬶᬭᬕᬬᬦ᭄ᬫᭀᬮᬶᬄ᭟ᬳᭂᬦ᭄ᬢᭀᬦᬾᬫᬮᬸᬕᬸᬭᬸᬯᬂ᭞ᬳᬧᬂᬧ᭄ᬤ
ᬲ᭄ᬩᬦ᭄ᬢᬯᬦᬾᬬᬓᭀᬮᬢᬶ᭞ᬓᬾᬢᭀᬫᬮᬸᬬᬾᬦ᭄ᬧᬂᬧᬢᬸᬢ᭄᭞ᬲᬶᬂᬫᬧᬮᬬᬸᬲᬭᬢᬂᬫᬗ᭄ᬤᬾᬲᬫ᭄ᬧᬸᬦ᭄᭞ᬓᬫ᭄ᬩᬂᬧᬦᬸᬚᬸᬦᬾᬮ᭄ᬬᬸᬂ᭞ᬦᭀᬭᬢᬯᬂᬦᬾᬳᬸᬂᬲ᭄ᬬᬸ᭞ᬗᬤᬸᬍᬬᭂᬧᬶᬂᬳᬫᬸᬲ᭄ᬢᬶ᭟ᬓᬾᬦ᭄ᬓᬾᬦ᭄ᬭᬲᬦᬾᬫᬸᬮᬬ᭞ᬳ
ᬦ᭄ᬤᬾᬩᬸᬓᬫᬧ᭄ᬭᬩᬬᬫᬳᬸᬮᬢᬶ᭞ᬦᬶᬓᬬᬦᬶᬂᬤᬸᬭᬸᬂᬯ᭄ᬭᬸᬄ᭞ᬭᬶᬘᭂᬧ᭄ᬦᬾᬓᬫᬸᬮᬦ᭄ᬲᬚ᭞ᬲᬤᬸᬮᬸᬭᬶᬂ᭞ᬕ᭄ᬭᬦᬲᬶᬓᬦᬾᬧᬂᬧᬸᬮᬸᬂ᭞ᬧᬸᬢᬶᬳᬂᬫᬮᬸᬧᬂᬲᬚ᭞ᬧᬂᬯ᭄ᬭᬸᬄᬳᬶᬦ᭄ᬤᭂᬂᬤᬶᬳᬢᬶ᭞ᬕ᭄ᬭᬦᬦᬶᬓᬢ᭄ᬕᭂᬲ᭄ᬜ᭞ᬲᬶᬓᬫᬮᬶᬄ
Kaca:Bali-lontar-gaguritan-sandisastra-300ppi.pdf/9
Kaca puniki sampun kauji-wacén
