[ ᭖ 6B]
᭖᭞
ᬜ᭄ᬚᭂᬧ᭄ᬳᬶᬳᬢᬶ᭞ᬗᬧᬸᬲ᭄ᬭᬭᬯᬲ᭄ᬢᬦ᭄ᬳᬶᬧᬸᬦ᭄᭞ᬯᬶᬤ᭄ᬥᬶᬦᬾᬢᬕᬶᬄᬢᬶᬢᬄ᭞ᬩᬲ᭄ᬓᬮᬶᬦ᭄ᬢᬂ᭞ᬫᭀᬳᬫᬸᬃᬓ᭄ᬓᬦᬾᬫᬗᬸᬗ᭄ᬕᬸᬮ᭄᭞ᬫᬦᬄᬮᬶᬦ᭄ᬢᬂᬧᬦᬸᬕ᭄ᬭᬦ᭄᭞ᬓᬤᬦᬯᬦᬾᬫᬫᬸᬃᬣᬶ᭟ᬦ᭄ᬢᭀᬦᬾᬧᬤᬦ᭄ᬚᬦ᭄ᬫᬧᬶᬤᭀ᭞ᬬ
ᬳᬶᬗᭂᬢᬂᬧᬂᬤᬦᬸᬓᬤᭂᬓᭂᬢᬶᬦ᭄᭞ᬤᬸᬃᬰᬶᬮᬩᬸᬤᬶᬳᬶᬚᬸᬕᬸᬮ᭄᭞ᬫᬓ᭄ᬦᭂᬄᬗᬶᬫ᭄ᬧᬲᬶᬦ᭄ᬍᬫᬄ᭞ᬗᬦ᭄ᬓᬫᭀᬫᭀᬦ᭄᭞ᬓᬬᬸᬦᬾᬗᬸᬗ᭄ᬓᬸᬮᬶᬦ᭄ᬕᬸᬦᬸᬂ᭞ᬓᬾᬢᭀᬩᬶᬓᬲ᭄ᬚᬦ᭄ᬫᬧᬶᬦ᭄ᬤᬸ᭞ᬢᬦ᭄ᬫᬦᬸᬢ᭄ᬢᬶᬭᭀᬦᬶᬂᬕᬸᬫᬶ᭞ᬦᬾ
ᬓᬾᬢᭀᬬᬢ᭄ᬦᬳᬶᬦ᭄ᬧᬲᬶᬦ᭄᭞ᬗᬋᬱᭂᬧᬂᬧᬶᬦᭂᬳᬶᬦ᭄ᬫᬲᬸᬤᬶᬳᬢᬶ᭞ᬢᬶᬗ᭄ᬓᬄᬬᬦ᭄ᬫᬗᬶᬦ᭄ᬤᭂᬂᬢᬸᬢᬸᬃ᭞ᬤᬗ᭄ᬮᬶᬦ᭄ᬢᬂᬧᬕᬸᬃᬯᬦ᭄᭞ᬲᬫ᭄ᬧᬸᬦ᭄ᬜᬫ᭄ᬧᬶᬂ᭞ᬭᬶᬂᬭᬲᬦ᭄ᬢᬸᬢᬸᬭᬾᬳᬬᬸ᭞ᬦᬗ᭄ᬳᬶᬂᬬᬫᬮᬸᬧ᭄ᬭᬕᬢᬂ᭞ᬲᬫᬺᬢᬶᬓ᭄ᬦᬕᬸᬕ᭄ᬯᬦᬶᬦ᭄᭞ᬭᬾᬳᬶᬂᬢᬸᬢᬸᬃ
ᬓᬢᬄᬧᬶᬲᬦ᭄᭞ᬮᬶᬦ᭄ᬢᬂᬍᬯᬶᬄᬗᭂᬘᬧᬂᬲᬸᬓ᭄ᬱ᭄ᬫᬧᬶᬗᭂᬢ᭄᭞ᬦᬗ᭄ᬳᬶᬂᬢᭀᬧᬫᬸᬧᬸᬢ᭄ᬳᬶᬧᬸᬦ᭄᭞ᬧᭂᬲᬸᬫᬸᬮᬶᬄᬜᬬᬸᬢᬸᬗ᭄ᬕᬮ᭄᭞ᬲᬗ᭄ᬓᬦ᭄ᬧᬭᬦ᭄᭞ᬦᬶᬓᬯᬦ᭄ᬢᬄᬦᬾᬓᬢᬸᬚᬸ᭞ᬲᬓᬾᬳᬂᬳᬶᬲᬶᬦᬦᬶᬂᬚᬕᬢ᭄᭞ᬤᬸᬳᬸᬃᬢᬓ
[ ᭗ 7A]
ᬲᭀᬭᬶᬂᬮᬗᬶᬢ᭄᭞ᬳᬓᬾᬄᬲᬶᬧ᭄ᬢᬭᬶᬂᬢᬢ᭄ᬯ᭞ᬓᬬᬸᬤᬸᬳᬸᬂᬭᬶᬂᬳᬸᬭᬩ᭄ᬓᬫᬗ᭄ᬭᬜ᭄ᬚᬶᬂ᭞ᬳᬸᬭᬗ᭄ᬓᬸᬫᬜ᭄ᬚᬶᬂᬳᬶᬤᬸᬳᬸᬂ᭞ᬓᬤᬶᬯᬗᬶᬮᬯᬦ᭄ᬓᭂᬫ᭄ᬩᬗᬶᬧᬸᬦ᭄᭞ᬫᬭᬶᬂᬯᬗᬶᬦᬾᬳᬸᬫᬸᬗ᭄ᬕᬸᬄ᭞ᬓᬤᬶᬢᬸᬮᬸᬄᬚ᭄ᬭᭀᬦᬶᬂᬳᬬᬫ᭄
ᬳᬬᬫᬶᬂᬳᬦ᭄ᬢᬶᬕᬫᬜ᭄ᬚᬶᬂ᭟ᬬᬾᬦ᭄ᬳᬦ᭄ᬢᬶᬕᬚ᭄ᬭᭀᬦᬶᬂᬳᬬᬫ᭄᭞ᬦ᭄ᬢᭀᬦᬾᬫᬤᬦ᭄ᬬᬤᬸᬭᬸᬂᬧᬯᬓ᭄ᬚᬢᬶ᭞ᬬᬦ᭄ᬯᬸᬲ᭄ᬳᬬᬫ᭄ᬫᬜ᭄ᬚᬶᬂᬢᬸᬮᬄ᭞ᬳᬶᬬᬮ᭄ᬯᬶᬄᬭᬶᬂᬳᬸᬢᬫ᭞ᬤᬍᬫ᭄ᬭᬶ᭞ᬳᬾᬂᬦ᭄ᬫᬸᬧᬫ᭄ᬩᬸᬓ᭄ᬢᬾᬦ᭄ᬳᬮᬸᬳᬸᬂᬦᭀᬭᬲᬫᬦᬾᬂᬚᬕᬢ᭄ᬭ
ᬳᬧᬕᭂᬄᬚᬢᬶᬳ᭄ᬦᬂᬳ᭄ᬦᬶᬂ᭟ᬬᬫᬳᬤᬦ᭄ᬲᬶᬧ᭄ᬢᬧ᭄ᬮᬸᬢ᭞ᬜᬦ᭄ᬤᬂᬕᬸᬕᬸᬲᬸᬓ᭄ᬱ᭄ᬫᬦᬾᬬᬲᬸᬗ᭄ᬓᭂᬫᬶᬦ᭄᭞ᬦᬗ᭄ᬳᬶᬂᬫᬗ᭄ᬤᬧᬕᭂᬄᬢᬸᬳᬸ᭞ᬲᬫᬺᬢᬶᬧᬗ᭄ᬭᬲᬾᬂᬳᬯᬓ᭄᭞ᬫᬗ᭄ᬤᬢᬸᬗ᭄ᬕᬶᬮ᭄᭞ᬬᬦ᭄ᬮᬾᬦ᭄ᬢ᭄ᬯᬶᬤᬚᬗ᭄ᬕᬸᬕᬸ᭞ᬲᬸᬮᬸᬄᬬᬫᬮᬸᬧᭂᬤᬲᬂ᭞ᬧᬂ
ᬲᬫ᭄ᬧᬸᬦ᭄ᬲᬮᬶᬢᬾᬂᬢᬫ᭄ᬧᬶ᭟ᬫᬮᬶᬯᬾᬦ᭄ᬢᭂᬦ᭄ᬢᬸᬢᬸᬃᬓᭀᬘᬧ᭄᭞ᬳᬤᬢᬸᬜ᭄ᬚᬸᬂᬢᬸᬫ᭄ᬩᬸᬄᬭᬶᬂᬢ᭄ᬮᬕᬮ᭄ᬯᬶᬄ᭞ᬲᬭᬶᬦ᭄ᬜᬦᬾᬗᬦ᭄ᬢᬸᬦ᭄ᬫᬾᬭᬸ᭞ᬮᬯᬦ᭄ᬜᬗᭂᬩᭂᬓᬶᬦ᭄ᬢᬯᬂ᭞ᬓᬢᬶᬓ᭄ᬳᬶᬧᬸᬦ᭄᭞ᬢ᭄ᬭᬸᬲ᭄ᬭᬶᬂᬕᬸᬫᬶᬳᬸᬫᬸᬗ᭄ᬕᬸᬄ᭞ᬯᬗᬶᬦᬾᬗᭂᬩᭂ
Kaca:Bali-lontar-gaguritan-sandisastra-300ppi.pdf/7
Kaca puniki sampun kauji-wacén
