[ ᭙ 9B]
᭙᭞
ᬳᬧᬦ᭄ᬢᭀᬚᬶᬸᬢᬶᬸᬦᬾᬶᬸᬳᬃᬣᬶᬦᬾᬚᬢᬶ᭞ᬫᬮᬶᬄᬭᬶᬂᬢᬸᬂᬢᬸᬂᬦᬶᬂᬭᬫ᭄ᬩᬸᬢ᭄᭞ᬢᬸᬗ᭄ᬢᬸᬂᬭᬫ᭄ᬩᬸᬢ᭄ᬧ᭄ᬮᬸᬢᬬᬂᬦᬾᬲᬸᬚᬢᬶ᭞ᬧᬲ᭄ᬢ᭄ᬬᬳᬸᬮᬢᬶᬤᬸᬮᬸᬄ᭞ᬧᬗᭂᬦ᭄ᬢ᭄ᬬᬧ᭄ᬤᬲ᭄ᬘᬸᬦ᭄ᬤᬸᬓᬂ᭞ᬲᬭᬶᬦᬶᬂᬦᭀᬭᬕᬶᬦᬦ᭄ᬢᬶ᭟᭐᭟ᬧᬸᬄ
ᬕᬶᬦᬦ᭄ᬢᬶ᭟ᬕᬶᬦᬦ᭄ᬢᬶᬫᬮᬶᬄᬓᬯᬸᬯᬸᬲ᭄᭞ᬜᬫ᭄ᬩᬸᬂᬓᬦ᭄ᬤᬸᬦᬾᬓᬂᬳᬸᬦᬶ᭞ᬳᬫ᭄ᬧᬸᬭᬳᬶᬢᬸᬢᬸᬃᬚᬜ᭄ᬚᬦ᭄᭞ᬧᬢᬶᬩᬕ᭄ᬩᬕ᭄ᬳᬸᬮᬢ᭄ᬧᬮᬶᬂ᭞ᬯᬮᬸᬬᬢᬮᬸᬓ᭄ᬢᬓ᭄ᬩᭂᬤᬄ᭞ᬤ᭄ᬫᭂᬦ᭄ᬫᬲᬶᬄᬢᬦ᭄ᬕᬸᬕᭀᬦᬶᬦ᭄᭞ᬤᬾᬦᬶᬂᬲᬭᬶᬭᬧᬸᬦᬶ
ᬓ᭞ᬬᬾᬦ᭄ᬲᬸᬩᬫᬭᬕᬮᬶᬘᬶᬦ᭄᭞ᬲᬸᬦ᭄ᬬᬦᬶᬃᬪᬦᬢ᭄ᬯᬶᬬ᭞ᬳᬦᬦᭀᬭᬕᬦᬮ᭄ᬳᬮᬶᬢ᭄᭞ᬲᬸᬩᬬᬫᬭᬕᬫᬺᬣ᭞ᬳᬫᬺᬢᬦᬶᬂᬚᬕᬢ᭄ᬲᬫᬶ᭟ᬦᬶᬓᬫ᭄ᬭᬕᬢᬬᬢᬸᬳᬸ᭞ᬦᭀᬭᬕᬸᬫᬶᬦᭀᬭᬮᬗᬶᬢ᭄᭞ᬢᬦ᭄ᬳᬦ
ᬢᬸᬳ᭄ᬯᬳᬦ᭞ᬳᬦᬚᬢᬶᬦᭀᬭᬲᬶᬗ᭄ᬕᬶᬄ᭞ᬓᬢᭀᬦ᭄ᬢᬶᬗ᭄ᬓᬳᬶᬂᬲᬭᬶᬭ᭞ᬳᬦᬪ᭄ᬯᬦᬳᬕᬸᬂᬳᬮᬶᬢ᭄᭟ᬳᬸᬧᬫᬬᬂᬓᬤᬶᬓᬸᬦ᭄ᬢᬸᬮ᭄᭞ᬦᬧᬓ᭄ᬤᬶᬫᬦ᭄ᬤᬭᬕᬶᬭᬶ᭞ᬭᬶᬂᬕᬶᬕᬶᬭᬶᬂᬧᬸᬂᬮᬸᬲᬶᬭ᭞ᬲᬧ᭄ᬢᬲᬸᬦ᭄ᬬᬳᬭᬦ᭄ᬚᬢᬶ
[ ᭑᭐ 10A]
᭞ᬳᬭᬮᭀᬦ᭄ᬢᬃᬢᬦ᭄ᬧᬲᬸᬭᬢ᭄ᬭᬢᬸᬳᬶᬂᬤᬾᬯᬲᬭᬦᬶ᭟ᬭᬶᬂᬰᬶᬯᬪ᭄ᬯᬦᬫᬸᬗ᭄ᬕᬸᬄ᭞ᬧᬧᬲ᭄ᬯᬃᬕ᭄ᬕᬳᬶᬬᬦᬸᬗ᭄ᬕᬶᬮ᭄᭞ᬤᬾᬯᬦᬸᬗ᭄ᬕᬮ᭄ᬮᬯᬦ᭄ᬪᬸᬢ᭞ᬓᬤᬶᬩᬜᬸᬮᬯᬦ᭄ᬯᬭᬶᬄ᭞ᬲᬫᬶᬦᭀᬭᬦᬩᬶᬦᬜ᭞ᬒᬁᬩᬶᬦᬾᬤ
ᬦᬾᬫᬗᬦ᭄ᬢᬶ᭟ᬲᬗ᭄ᬕᬄᬓᬫᬸᬮᬦᬾᬤᬶᬢᬸ᭞ᬤᬾᬯᬧᬸᬲᭂᬄᬤᬍᬫ᭄ᬫᬮᬶᬄ᭞ᬲᬗ᭄ᬓᬬᬗᬦ᭄ᬧ᭄ᬭᬚᬧᬢᬸ᭞ᬕᬸᬦᬸᬂᬳᬕᬸᬂᬳᬸᬮᬸᬦ᭄ᬲᬸᬯᬶ᭞ᬩᬢᬸᬃᬫᬶᬯᬄᬧᬸᬭᬲᬤ᭞ᬩᬢᬸᬓᬯᬸᬫᬜᬋᬗᬶᬦ᭄᭟ᬳᬶᬭᬶᬓᬲᬫᬶᬳᬧᬸᬧᬸᬮ᭄᭞
ᬭᬶᬂᬩᬸᬫᬶᬲᬸᬓ᭄ᬱ᭄ᬫᬦᬸᬗ᭄ᬕᬶᬮ᭄᭞ᬲᬾᬢ᭄ᬭᬫᬫ᭄ᬦᬂᬳᬶᬭᬶᬓ᭞ᬲᬾᬢ᭄ᬭᬕᬦ᭄ᬤᬫᬬᬸᬳᬶᬓᬶ᭞ᬲ᭄ᬫᬲᬦᬦᬾᬫᬦᬸᬗ᭄ᬕᬮ᭄᭞ᬘᬢᬸᬲ᭄ᬧᬢᬩᬶᬦ᭄ᬫᬫ᭄ᬩᭂᬲᬶᬓ᭄᭟ᬬᬦ᭄ᬢᬦ᭄ᬳᬸᬦᬶᬂᬳᬸᬮᬸᬧᬸᬳᬸᬦ᭄᭞ᬤᬶᬦᬶᬲᬺᬧᬗᬳᬧᬗ᭄ᬕᬶᬄ᭞ᬫᬭᬶᬂᬲᬗ᭄ᬕᬸᬃᬓᬗᬸᬬᬸ
ᬢᬦ᭄᭞ᬲᬸᬃᬬ᭄ᬬᬘᬦ᭄ᬤ᭄ᬭᬫᬦᬸᬂᬢᬸᬗᬶᬦ᭄᭞ᬭᬯᬸᬳᬶᬂᬮᬶᬦ᭄ᬢᬂᬢ᭄ᬭᬗ᭄ᬕᬦ᭞ᬢᬾᬚᬳᬕ᭄ᬦᬶᬢᭀᬬᬳᬗᬶᬦ᭄᭞ᬰᬶᬯᬰᬶᬯᬶᬤᬶᬢᬸᬫᬸᬗ᭄ᬕᬸᬄ᭞ᬩᬸᬤᬩᬸᬤᬶᬬᬬᬄᬩᬶᬩᬶ᭞ᬅᬉᬫ᭄ᬫᬺᬣᬮᬯᬦ᭄ᬘᬦ᭄ᬤ᭄ᬭ᭞ᬲ᭄ᬯᬮᬮᬶᬢᬮᬦ᭄ᬫᭀᬤ᭄ᬭᬾᬮ᭄ᬯᬶᬄ᭞
Kaca:Bali-lontar-gaguritan-sandisastra-300ppi.pdf/10
Kaca puniki sampun kauji-wacén
