[ ᭑᭐ 10B]
᭑᭐᭞
ᬯ᭄ᬭᬾᬳᬲ᭄ᬢ᭄ᬭᬬᬧᬸᬚᬤᬾᬯ᭞ᬯᬭᬶᬕᬯᬸᬲ᭄ᬳᬤᬲᬫᬶ᭟ᬦᬶᬓᬫᬩᬶᬦ᭄ᬤᭂᬃᬬᬭᬸᬭᬸᬄ᭞ᬓ᭄ᬫᬫᬳᬶᬍᬍᬄᬧᬮᬶᬂ᭞ᬕ᭄ᬮᬄᬚᬸᬫᬄᬳᬮᬶᬄᬮ᭄ᬯᬲ᭄᭞ᬧᬬᬸᬢᬸᬬᬸᬄᬦᭀᬭᬦᭀᬮᬶᬄ᭞ᬢᬳᬸᬬᬫᬫ᭄ᬢᬾᬓ᭄ᬩᬶᬦ᭄ᬢᬂ᭞ᬤᬸᬭᬸᬂᬳᭂᬲᬲᬸᬩᬧᬮᬷ᭟ᬫᬦᬸ
ᬱᬳᬸᬢᬫᬾᬂᬳᬬᬸ᭞ᬤᬾᬯᬪᬝᬵᬭᬗ᭄ᬭᬓ᭄ᬱᬦᬶ᭞ᬳᬋᬧ᭄ᬧᬸᬗ᭄ᬓᬸᬃᬢᬸᬂᬢᬸᬂᬩᬸᬗ᭄ᬓᬄ᭞ᬲᬸᬃᬬ᭄ᬬᬘᬦ᭄ᬤ᭄ᬭᬮᬶᬦ᭄ᬢᬂᬲᬫᬶ᭞ᬩ᭄ᬭᬳ᭄ᬫᬯᬶᬱ᭄ᬡᬸᬮᬦ᭄ᬇᬰ᭄ᬯᬭ᭞ᬦᬶᬓᬫᬓ᭄ᬚᬂᬳᬲᬶᬮᬶᬄ᭟ᬲᬗ᭄ᬓᬦ᭄ᬮ᭄ᬬᬸᬳᬚᬓ᭄ᬩᬶᬗᬸᬂ᭞ᬫᬳᬶᬤᭂᬃᬬᬲᬸᬫ᭄ᬩᬄᬫᬮᬶᬄ᭞ᬲᬶ
ᬭᬶᬦ᭄ᬤᬸᬭᬸᬂᬓ᭄ᬦᬩᬳᬦ᭄᭞ᬗᬸᬮᬢᬶᬳ᭄ᬬᬂᬮ᭄ᬬᬸᬧᬮᬶᬂ᭞ᬲᭀᬓ᭄ᬚᬕ᭄ᬓᬸᬢᬄᬲᬸᬃᬬ᭄ᬬᬓ᭄ᬲᬸᬃᬬ᭄ᬬᬓ᭄᭞ᬦᭀᬭᬢᬯᬂᬦᬾᬪᬓ᭄ᬢᬶᬦᬶᬦ᭄᭞ᬭᬶᬂᬯᬭᬶᬕᬲᬶᬦᬄᬫᬸᬗ᭄ᬕᬸᬄ᭞ᬚᬦ᭄ᬦᬾᬬᬳᬓᬾᬄᬧᬮᬶᬂ᭞ᬭᬶᬂᬦᬸᬚᬸᬗᬶᬢᬸᬂᬤᬶᬯᬲ᭞ᬧᬤᬢᭀ
ᬲᬮᬶᬂᬮᬶᬫ᭄ᬧᬤᬶᬦ᭄᭞ᬗᬓᬸᬦᬯᬂᬢᬢᬸᬯ᭄ᬬᬦ᭄᭞ᬲᬗ᭄ᬓᬦ᭄ᬮ᭄ᬬᬸᬧᬬᬸᬫᬫ᭄ᬩᬸᬂᬓ᭄ᬮᬶᬂ᭟ᬳᬸᬧᬫᬳᬶᬓᬢᬶᬸᬮᬢᬳᬸᬦ᭄᭞ᬋᬓᭀᬢᬦ᭄ᬯᭂᬦᬂᬳᬫ᭄ᬩᬳᬶᬦ᭄᭞ᬲᬓᬾᬳᬶᬂᬢᭀᬂᬳᬢᬢᬶᬨ᭞ᬗᬸᬤᬩᬶᬗᬸᬂᬢᬦ᭄ᬧᬶᬦᭂᬳᬶᬦ᭄᭞
[ ᭑᭑ 11A]
ᬓᬮᬧᬸᬦᬶᬓᬢ᭄ᬕᭂᬲ᭄ᬜ᭞ᬮ᭄ᬯᬗᬾᬧᬸᬦᬶᬓᬓᬧᬶ᭟ᬓᬮᬲ᭄ᬤᭂᬓ᭄ᬲᭂᬗ᭄ᬕᭀᬦ᭄ᬳᬶᬧᬸᬦ᭄᭞ᬮ᭄ᬯᬂᬫ᭄ᬗᬦᬶᬓᬾᬄᬓᭀᬭᬶ᭞ᬲ᭄ᬤᭂᬓ᭄ᬫᭂᬗᬧᬸᬦᬃᬤᬮᬦ᭄᭞ᬩᭀᬬᬦᬶᬓᬫᬃᬕ᭄ᬕᬶᬩ᭄ᬘᬶᬓ᭄᭞ᬬᬦ᭄ᬫᬶᬦᭂᬩ᭄ᬤᬮᬦ᭄ᬧᬸᬦᬶᬓ᭞ᬓᬾᬦ᭄ᬓᬾᬦᬂᬧᬘᬂᬗ
ᬫ᭄ᬩᬳᬶᬦ᭄᭟ᬦᬶᬓᬘᬶᬭᬶᬓᬭᬶᬩᬶᬗᬸᬂ᭞ᬯᬾᬦ᭄ᬢᭂᬦ᭄ᬳᬜ᭄ᬚᭂᬂᬳᬶᬧᬸᬦ᭄ᬫᬮᬶᬄ᭞ᬯᭀᬂᬲᬶᬚᬶᬢ᭄ᬯᬶᬯ᭄ᬭᬸᬳ᭞ᬦᭀᬭᬦᬯᬂᬳᬸᬦᬶᬂᬚᬢᬶ᭞ᬬᬧᬘᬢᬸᬦᬂᬪ᭄ᬯᬦ᭞ᬦᬶᬓᬳᬶᬤᭂᬧ᭄ᬧᬗᬧᬗ᭄ᬕᬶᬄ᭞ᬩᬸᬓᬗᬮᬶᬄᬤᬾᬯᬓᬾᬄᬢᬦ᭄ᬯ᭄ᬭᬸᬄ᭞ᬦᬾᬤᬸ
ᬭᬸᬂᬫᬗ᭄ᬕᬶᬄᬲᬸᬚᬢᬶ᭞ᬫᬦᬸᬱᬲᬓ᭄ᬢᬶᬤᬾᬯᬬ᭞ᬦᬗ᭄ᬳᬶᬂᬳᬲᬶᬂᬢᬲ᭄ᬢᭂᬲ᭄ᬳᬸᬦᬶᬂ᭞ᬫᬦᭀᬦ᭄ᬢ᭄ᬕᭂᬲᬶᬂᬲᬭᬶᬭ᭞ᬪᬝᬵᬭᬤᬾᬯᬮᬦ᭄ᬯᬶᬤ᭄ᬥᬶ᭟ᬫᬮᬶᬄᬢ᭄ᬕᭂᬲᬶᬂᬧᬘᬢᬸ᭞ᬩᭀᬬᬓᬾᬬᬮᬶᬂᬦᬶᬂᬳᬚᬶ᭞ᬬᬦ᭄ᬓᬾᬢᭀᬚᬯᬦ᭄ᬢᬄ
ᬳᬶᬗᬦ᭄᭞ᬓ᭄ᬦᭂᬳᬂᬤᬶᬪ᭄ᬯᬦᬳᬮᬶᬢ᭄᭞ᬗ᭄ᬳᬶᬂᬚᬢᬶᬬᬦᭀᬭᬭᬢᬯᬂ᭞ᬮᭀᬓ᭄ᬗᬤᬸᬧᬕᭂᬄᬫᬸᬗ᭄ᬕᬸᬗᬶᬦ᭄᭟ᬭᬾᬄᬤᬃᬣᬜᬲᬫ᭄ᬧᬸᬦ᭄ᬫᬗ᭄ᬕᬸᬄ᭞ᬯᬸᬮᬯ᭄ᬯᬭᬶᬕᬲᬸᬦ᭄ᬤᬭᬶ᭞ᬦᬾᬓᭀᬘᬧ᭄ᬢᭀᬤᬾᬯᬗ᭄ᬮᬬᬂ᭞ᬦᭀᬭ
Kaca:Bali-lontar-gaguritan-sandisastra-300ppi.pdf/11
Kaca puniki sampun kauji-wacén
