[᭑᭗ 17B]
᭑᭗
ᬦ᭄ᬩᭂᬮᬶᬫᬗᬦ᭄ᬢᭀᬲᬂ᭞ᬫᬗ᭄ᬫᬵᬲᬶᬦ᭄ᬓᬚᬦ᭄ᬢᬓ᭞ᬢᬶᬢ᭄ᬬᬂᬫᬗᬶᬭᬶᬂᬭᬢᬸᬳᬕᬸᬂ᭞ᬫᬗ᭄ᬫᬲᬶᬦ᭄ᬫᬭᬶᬂᬓᬯᬄ᭚᭜᭚ᬧᬸᬄᬢ᭄ᬭᬸᬦ᭚᭜᭚ᬫᬕᬸᬬᬂᬫᬧᬸᬮᬶᬲᬳᬦ᭄᭞ᬲᬫ᭄ᬩᬶᬮᬂᬫᬲᬶᬄᬗᬸᬲᬧᬶᬦ᭄᭞ᬧᬗᬓ᭄ᬱᬶᬦᬾᬧ᭄ᬭᬪᬸᬰᬵᬮ᭄ᬬ᭞ᬳᬭᬲᬭᬲ᭄ᬧᬧᬲᬶᬳᬶᬦ᭄᭞ᬲᬫ᭄ᬩᬶᬮᬂᬦ᭄ᬮᬳᬶᬦᬕᭂᬢᬶᬄ᭞ᬢᬦ᭄ᬫᬭᬶᬫᬗᬸᬓᬸᬢᬸ
ᬓᬸᬢ᭄᭞ᬓᬕ᭄ᬮᬸᬢ᭄ᬩᬸᬤᬂᬩᬤᬶᬗᬂ᭞ᬦᬶᬲᬸᬕᬦ᭄ᬤᬶᬫᬵᬢᬹᬃᬕ᭄ᬮᬶᬲ᭄᭞ᬳᬸᬲᬦ᭄ᬭᬢᬸ᭞ᬩᭂᬲᬸᬯᬾᬳᬶᬤᬗᬦ᭄ᬢᭀᬲᬂᬳᬶᬤᬾᬯᬵᬬᬸᬳᬶᬤᬫᬶᬦᭂᬳᬂ᭞ᬭᬭᬶᬲ᭄ᬕᭂᬮᬶᬲ᭄ᬗᬸᬦᬸᬲ᭄ᬓ᭄ᬭᬶᬲ᭄᭞ᬜᬸᬤᬸᬓ᭄ᬭᬕᬫᬗ᭄ᬮᬶᬲᬂ᭞ᬲᬸᬯᬾᬳᬶᬤᬗ᭄ᬫᬲᬶᬦ᭄ᬫᬵᬢᬶ᭞ᬫᬗᭂᬦᬢᬓᭂᬦ᭄ᬢᬓ᭄ᬫᬦᬗᬶᬲ᭄᭞ᬲᬶᬕ᭄ᬲᬷᬕᬦᬶᬲᬸᬕᬦ᭄ᬤᬷᬓᬸ᭞ᬫᬗᬘᭀᬓ᭄ᬫᬗ᭄ᬤᬾᬦᬾ
ᬗ᭄ᬕᬮ᭄᭞ᬳᬶᬤᬲᬂᬧ᭄ᬭᬪᬸᬫᬳᬶᬲᬷ᭞ᬲᬾᬤᬲᬵᬫ᭄ᬧᬸᬦ᭄᭞ᬗᬶᬭᬶᬂᬳᬶᬤᬧ᭄ᬭᬪᬸᬰᬵᬮ᭄ᬬ᭟ᬲᬂᬲᬵᬢ᭄ᬬᬯᬢᬶᬯᬸᬲ᭄ᬧᭂᬚᬄ᭞ᬦᬶᬲᬸᬕᬦ᭄ᬤᬶᬗᬫ᭄ᬩᬶᬮ᭄ᬓ᭄ᬭᬶᬲ᭄᭞ᬦᭂᬩᭂᬓ᭄ᬢᬗ᭄ᬓᬄᬧ᭄ᬭᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬲᬋᬂᬗ᭄ᬫᬵᬲᬶᬦ᭄ᬫᬵᬢᬶ᭞ᬳᬢ᭄ᬫᬦᬾᬲᬫᬶᬫᬧᬗ᭄ᬕᬶᬄ᭞ᬲᬋᬂᬢᬢᬶᬕᬫᬤᬸᬮᬸᬭ᭄᭞ᬳᬢ᭄ᬫᬦᬶᬤᬧ᭄ᬭᬪᬸᬫᬤ᭄ᬭ᭞
ᬮᬾᬤᬂᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬭᬶᬂᬳᬫ᭄ᬩᬭᬲᬶᬩᬋᬗᬦ᭄ᬭᬭᬶᬲ᭄ᬫᬫᬵᬃᬕ᭄ᬕᬧᬶᬦᬧᬕᬶᬂᬯᬶᬤ᭄ᬬᬥᬭ᭞ᬯᬶᬤ᭄ᬬᬥᬭᬶᬲᬫᬶᬗᬶᬭᬶᬂ᭞ᬯᬢᭂᬓ᭄ᬤᬾᬯᬦᬯᬲᬗ᭞ᬲᬵᬫ᭄ᬧᬸᬦ᭄ᬲᬫᬶᬫᬧᬕᬶᬦ᭄᭞ᬲᬳᬸᬧᬘᬵᬭᬦᬾᬳᬰ᭄ᬭᬷ᭞ᬕᭀᬂᬪᬾᬭᬷᬧᬥᬕᬸᬫᬸᬭᬸᬄ᭞ᬯᬸᬲ᭄ᬫᬗ᭄ᬕᬸᬄᬭᬶᬂᬚᬫ᭄ᬧᬦ᭞ᬢᬦ᭄ᬓᬵᬭᬶᬢᬭᬶᬂᬫᬵᬃᬕ᭄ᬕᬶ
[᭑᭘ 18A]
᭑᭘
᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬲ᭄ᬯᬃᬕ᭄ᬕᬮᬸᬤ᭄ᬭᬪᬯᬦ᭟ᬳᬓ᭄ᬯᬾᬄᬬᬦ᭄ᬧᬃᬡ᭄ᬦᬬᬂ᭞ᬲᬢᬶᬗ᭄ᬓᬄᬳᬾᬳᭀᬜᬚᬦᬶ᭞ᬳᬸᬗ᭄ᬕᬬᬂᬫᬭᬶᬂᬘᬭᬶᬢ᭞ᬧᬸᬗ᭄ᬕᭂᬮᬂᬚᬦᬶᬫᬗᬸᬭᬶᬢ᭄᭞ᬲᬵᬫ᭄ᬧᬸᬭᬤᬾᬯᬕᬸᬲ᭄ᬢᬶ᭞ᬢᬶᬢ᭄ᬬᬂᬮᬶᬦ᭄ᬢᬂᬩ᭄ᬮᭀᬕ᭄ᬧᬸᬗ᭄ᬕᬸᬂ᭞ᬯᬾᬦ᭄ᬢᭂᬦ᭄ᬫᬮᬶᬄᬘᬭᬶᬢᬬᬂ᭞ᬲᬂᬧ᭄ᬭᬪᬸᬓᬸᬭᬸᬧᬢᬶ᭞ᬫᬧᬸᬧᬸᬢᬦ᭄ᬫᬫᬸᬲᬸᬄᬭᬶᬂᬲᬂ
ᬧᬵᬡ᭄ᬥᬯ᭟ᬦᬗ᭄ᬳᬶᬂᬫᬗ᭄ᬓᬶᬦ᭄ᬳᬶᬤᬳᬶᬘᬮ᭄᭞ᬢ᭄ᬯᬭᬢ᭄ᬧᬸᬓ᭄ᬩᬳᬦ᭄ᬫᬗᬮᬶᬄ᭞ᬤᬶᬬᬾᬳᬾᬥᬍᬫ᭄ᬫᬦᭀᬗᭀᬲ᭄᭞ᬩᬸᬓᬩᬾᬚᬸᬮᬶᬢᬾᬗ᭄ᬧᬶᬮ᭄᭞ᬮᬸᬫ᭄ᬭᬄᬳᭀᬃᬢ᭄ᬣᬦᬾᬚᬦᬶ᭞ᬲᬧᬭᬶᬧᭀᬮᬳᬾᬓᬵᬢᬹᬃ᭞ᬭᬶᬂᬳᬶᬤᬲᬂᬧᬵᬡ᭄ᬥᬯ᭞ᬲᬂᬓᬺᬱ᭄ᬡᬵᬗᬦ᭄ᬤᬶᬓᬵᬕ᭄ᬮᬶᬲ᭄᭞ᬧᬘᬂᬗ᭄ᬭᬸᬭᬸᬄ᭞ᬫ᭄ᬓᬤᬶᬲᬂᬥᬹᬃ
ᬬ᭄ᬬᭀᬥᬦ᭟ᬲᬸᬫᬳᬸᬃᬲᬂᬧᬸᬦ᭄ᬢᬤᬾᬯ᭞ᬮᬾᬤᬂᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬫᬶᬋᬂᬳᬢᬹᬭᬾᬲᬂᬓᬺᬱ᭄ᬡ᭞ᬭᬭᬶᬲ᭄ᬗᬦ᭄ᬤᬶᬓᬳᬕ᭄ᬮᬶᬲ᭄᭞ᬩᬷᬫ᭄ᬫᬧᬵᬮ᭄ᬕᬸᬡᬬᬬᬷ᭞ᬦᬓᬸᬮᬲᬵᬤᬾᬯᬢᬸᬫᬸᬢ᭄᭞ᬢᬶᬗ᭄ᬓᬳᬂᬳᬧᬂᬫ᭄ᬮᬄ᭞ᬏᬗ᭄ᬕᬮᬂᬭᬸᬭᬸᬄᬬᬚᬦᬶ᭞ᬫᬗ᭄ᬤᬾᬦ᭄ᬢᭂᬧᬸᬓ᭄ᬤᬶᬢᬸᬬᬮᬵᬯᬦ᭄ᬫᬲ᭄ᬬᬢ᭄᭟
ᬲᬂᬥᬃᬫ᭄ᬫᬧᬸᬢ᭄ᬭᬫᬫᬵᬃᬕ᭄ᬕ᭞ᬲᬂᬓᬾᬰᬯᬲᬋᬂᬗᬶᬭᬶᬂ᭞ᬭᬶᬂᬓ᭄ᬭᬾᬣᬫᬵᬲ᭄ᬤᬸᬫᬶᬮᬄ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕ᭄ᬯᬶᬂᬓ᭄ᬭᬾᬣᬲᬫᬶ᭞ᬕᭀᬂᬪᬾᬭᬶᬧᬥᬫᬗᬶᬭᬶᬂ᭞ᬢᬸᬗ᭄ᬕᬸᬮᬾᬫᬗᭂᬦ᭄ᬤᬶᬄᬫᬸᬭᬸᬩ᭄᭞ᬲᬳᬯᬤ᭄ᬯᬫᬗᬶᬭᬶᬗᬂ᭞ᬢᬦ᭄ᬤᬸᬫᬤᬾᬦᬾᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬦᬕᬭ
