[᭑᭘ 18B]
᭑᭘
ᬱ᭄ᬝᬶᬦᬧᬸᬭ᭟ᬓᬧᬗ᭄ᬕᬶᬄᬲᬂᬥᬸᬃᬬᭀᬥᬦ᭞ᬲᬂᬪᬷᬫᬮᬳᬸᬢ᭄ᬫᬦᬸᬤᬶᬂ᭞ᬲᬳᬱᬭᬭᬶᬲ᭄ᬫᬫᬢ᭄ᬩᬢ᭄᭞ᬇᬄᬇᬩᬵᬲᬂᬓᬸᬭᬸᬧᬢᬶ᭞ᬘ᭄ᬫᭂᬃᬘᬫ᭄ᬧᬸᬃᬢᬦ᭄ᬕᬶᬕᬶᬲᬶᬦ᭄᭞ᬩ᭄ᬮᭂᬃᬘᬶᬘᬶᬂᬩᬶᬓᬸᬮ᭄ᬭᬸᬲᬸᬄ᭞ᬮᬶᬜᬾᬓ᭄ᬤᬸᬱ᭄ᬝᬲᬢᬢ᭞ᬫᬗᬸᬤ᭄ᬬᬂᬇᬩᬳ᭄ᬦᬸᬤᬶᬦᬶ᭞ᬚᬦᬶᬧᬸᬧᬸᬢ᭄᭞ᬕᬯᬾᬦᬶᬩᬦᬾᬦᬾᬲᬸᬩ᭟
ᬢᬶᬤᭀᬂᬇᬩᬢᬶᬗ᭄ᬓᬄᬲᬢ᭄ᬭ᭄ᬬ᭞ᬮᬫᬸᬦ᭄ᬳᬶᬩᬢᬓᬸᬢ᭄ᬫᬵᬢᬶ᭞ᬮᬯᬸᬢᬂᬇᬩᬫᬜᬸᬫ᭄ᬩᬄ᭞ᬦᬾᬩᬳᬶᬲ᭄ᬓᬳᬶᬦᬾᬲᬶᬮᬧᬶᬦ᭄᭞ᬧᬶᬮᬶᬄᬓᬳᬶᬢᭀᬂᬤᬤᬶ᭞ᬫᬗᬶᬤᬸᬧᬂᬩᭀᬚᭀᬕ᭄ᬭᬸᬲᬸᬄ᭞ᬧ᭄ᬬᬦᬓᬶᬪᬸᬢᬘᭀᬭᬄ᭞ᬦᬾᬕᬥᬦ᭄ᬕᭂᬮᬳᬾᬢᭀᬮᬶᬄ᭞ᬧᬘᬂᬜᬩᬸᬤ᭄᭞ᬉᬭᬶᬧᬶᬩᬦᬾ
ᬫᬓ᭄ᬚᬂ᭚᭜᭚ᬤᬹᬃᬫ᭄ᬫ᭚᭜᭚ᬲᬧᬸᬦᬶᬓᬵᬧᬫᬢ᭄ᬩᬢᬾᬲᬂᬯᬺᬓᭀᬥᬭ᭞ᬲᬂᬓᬸᬭᬸᬧᬢᬶᬜᬳᬸᬢᬶᬦ᭄᭞ᬇᬩᬯᬺᬓᭀᬥᬭ᭞ᬘ᭄ᬫᭂᬃᬘᬫ᭄ᬧᬸᬃᬩᭂᬲ᭄ᬓᬮᬶᬯᬢ᭄᭞ᬇᬩᬤᬶᬦᬶᬗ᭄ᬮᭂᬢᭂᬳᬶᬦ᭄ᬕᬸᬫᬷ᭞ᬫᬲᭀᬫᬄᬭᬓ᭄ᬱᬲ᭞ᬓ᭄ᬫᬳᬶᬩᬚᬦᬶᬫᬕᭂᬤᬶ᭟ᬦᭀᬭᬲᬓᬶᬂᬓᬳᬶᬢᬓᬸᬢ᭄ᬗ᭄ᬮᬯᬦᬶᬩ᭞ᬢᭀ
ᬗᬸᬤ᭄ᬬᬂᬢᬓᬸᬢᬶᬦ᭄ᬓᬳᬶ᭞ᬫᬶᬮᬸᬗᬚᬓᬶᬩ᭞ᬍᬢᬸᬳᬾᬗ᭄ᬩᭂᬓᬶᬦ᭄ᬚᬕᬢ᭄᭞ᬬᬦ᭄ᬮᬾᬦᬦ᭄ᬢᭂᬓᬾᬦᬶᬓᬸᬮᬸᬓ᭄ᬩᭂᬗᬶᬮ᭄᭞ᬮᬳᬸᬢᬂᬳᭀᬫᭀᬗᬂ᭞ᬫᬳᬶᬳᬚᬓ᭄ᬗᬺᬩᬸᬢ᭄ᬓᬳᬶ᭟ᬲᬗ᭄ᬓᬦ᭄ᬓᬳᬶᬢ᭄ᬯᬭᬜᬓ᭄ᬗ᭄ᬮᬯᬦᬶᬩ᭞ᬭᬾᬄᬳᬶᬩᬪᬸᬓ᭄ᬢᬶᬦ᭄ᬘᬶᬘᬶᬂ᭞ᬫᬗᬸᬤ᭄ᬬᬂᬓᬳᬶᬫᬜᬸᬧᬢ᭄᭞ᬓ᭄ᬫᬳᬾᬗ᭄ᬕ
[᭑᭙ 19A]
᭑᭙
ᬮᬂᬫᬓᬳᬤ᭄᭞ᬦᬾᬳ᭄ᬮᬾᬦᬦ᭄ᬢᬸᬦ᭄ᬤᬾᬦ᭄ᬫᬳᬶ᭞ᬓᬳᬶᬫᬗ᭄ᬮᬵᬯᬦ᭄᭞ᬢ᭄ᬯᬭᬓᬳᬶᬫᬦᬓᬸᬢᬶᬦ᭄᭚ᬳᬓᬾᬢᭀᬧᬗᬦ᭄ᬤᬶᬓᬦ᭄ᬲᬂᬤᬹᬃᬬ᭄ᬬᭀᬥᬦ᭞ᬲᬂᬓᬺᬱ᭄ᬡᬵᬲᬾᬗᭂᬄᬜᬳᬸᬭᬶᬦ᭄᭞ᬓᬾᬦ᭄ᬓᬾᬦ᭄ᬫᬸᬜᬶᬦᬶᬩ᭞ᬲᬓ᭄ᬯᬾᬄᬲᬂᬧᬵᬡ᭄ᬥᬯ᭞ᬗᬋᬩᬸᬢᬶᬩᬢᬦ᭄ᬕᬶᬗ᭄ᬲᬶᬃ᭞ᬓᬾᬢᭀᬇᬗᭂᬢᬂ᭞ᬦᬾᬚᬦᬶ
ᬧᬘᬂᬧᬶᬮᬶᬳᬶᬦ᭄᭚ᬲᬮᬄᬢᬸᬗ᭄ᬕᬮ᭄ᬩᬓᬮ᭄ᬢᬸᬦ᭄ᬤᬾᬦ᭄ᬫᬗ᭄ᬮᬵᬯᬦ᭄᭞ᬬᬾᬦ᭄ᬲᬂᬥᬃᬫ᭄ᬫᬫᬫᬕᬸᬢᬶᬦ᭄᭞ᬤᬾᬦᬶᬂᬢ᭄ᬯᬭᬯ᭄ᬦᬂ᭞ᬫᬗ᭄ᬮᬯᬦ᭄ᬯᭀᬂᬘᭀᬭᬄ᭞ᬤᬾᬦᬶᬂᬳᬶᬤᬯᬶᬓᬸᬍᬯᬶᬄ᭞ᬬᬾᬦ᭄ᬲᬗᬃᬚ᭄ᬚᬸᬦ᭞ᬧᬗᬯᬓᬶᬂᬯᭀᬂᬧᬯᬾᬲ᭄ᬢ᭄ᬭᬷ᭚ᬓᬮᬶᬂᬓᬾᬳᬶᬦᬓᬸᬮᬲᬤᬾᬯ᭞ᬢᭀᬂᬜᬦ᭄ᬤᬂᬧᬘᬂᬫᬕᬸᬢᬶᬦ᭄
᭞ᬫᬢᭂᬫ᭄ᬯᬂᬓᬰᬓ᭄ᬢ᭄ᬬᬦ᭄᭞ᬲᬵᬓ᭄ᬱᬢ᭄ᬭᬭᬾᬫᬓᬭᭀᬦᬦ᭄᭞ᬢ᭄ᬯᬭᬵᬤᬮᬾᬦᬦ᭄ᬦᬾᬚᬦᬶ᭞ᬧᬘᬂᬫᬗ᭄ᬮᬵᬯᬦ᭄᭞ᬲᬂᬪᬷᬫ᭄ᬫᬬᭀᬕ᭄ᬬᬫᬕᬸᬢᬶᬦ᭄᭚ᬤᬾᬦᬶᬂᬧ᭄ᬭᬓᭀᬰᬲᬂᬪᬷᬫᬰᬓ᭄ᬢᬶᬫᬵᬦ᭄ᬢ᭞ᬫᬲᬶᬓᭂᬧ᭄ᬕᬥᬦᬾᬮ᭄ᬯᬶᬄ᭞ᬤᬾᬦᬶᬂᬬᬲᬯᬯ᭞ᬫᬫᬸᬲᬸᬄᬓᬮᬶᬮᬶᬭᬦ᭄᭞ᬲᬂᬤᬸᬃᬬ᭄ᬬᭀᬥᬦᬜ
ᬯᬸᬭᬶᬦ᭄᭞ᬳᬶᬤᬲᬂᬩᬮᬤᬾᬯ᭞ᬢ᭄ᬯᬭᬳᬶᬤᬦᬸᬤᬶᬦᬶ᭚ᬩ᭄ᬮᬶᬳ᭄ᬦᬸᬫᬗᬦ᭄ᬢᭀᬲᬂᬳᬶᬤ᭞ᬆᬧᬦᬶᬤᬦᬸᬗᬸᬦ᭄ᬓᬶᬃᬢ᭄ᬢᬶ᭞ᬢᬸᬃᬳᬶᬤᬫᬢᬶᬃᬢ᭄ᬣᬬᬢ᭄ᬭ᭞ᬫᬗ᭄ᬤᬾᬦᬾᬳᬶᬤᬫᬜᬶᬗᬓ᭄᭞ᬩ᭄ᬯᬢ᭄ᬩᭂᬮᬶᬦᬗ᭄ᬓᭂᬧᬂᬚᬸᬭᬶᬢ᭄᭞ᬮᬵᬯᬦ᭄ᬲᬂᬪᬷᬫ᭄ᬫ᭞ᬲᬂᬓᬺᬱ᭄ᬡᬵᬫᬵᬢᬹᬃᬕ᭄ᬮᬶᬲ᭄᭚ᬢᬦ᭄ᬤᬸᬫᬤᬾᬭᬯᬸᬄᬳᬶᬤᬲᬂ
